ଅହମ୍ମଦାବାଦ: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିବା ବିଶ୍ବକପ ଫାଇନାଲ ମ୍ୟାଚ୍ରେ ସୁରକ୍ଷାରେ ବ୍ୟାପକ ତ୍ରୁଟି ଦେଖିବାକୁ ମିଳିଥିଲା । ଖେଳ ମଝିରେ ଜଣେ ଯୁବକ ହଠାତ ପଡ଼ିଆକୁ ପଶିଆସି ବିରାଟ କୋହଲିଙ୍କୁ ଧରିବାକୁ ଚେଷ୍ଟା କରିଥିଲା । ଏପରିକି ସେ ପିନ୍ଧିଥିବା ଟି-ସାର୍ଟ ମଧ୍ୟ ଚର୍ଚ୍ଚାର ପରିସରକୁ ଆସିଥିଲା । ଯୁବକ ଜଣଙ୍କ ‘ପାଲେଷ୍ଟାଇନ୍କୁ ମୁକ୍ତ କର’ ଏବଂ ‘ପାଲେଷ୍ଟାଇନ୍ରେ ବୋମା ମାଡ଼’ ବନ୍ଦ କର ବୋଲି ଲେଖାଥିବା ଟି-ସାର୍ଟ ପିନ୍ଧିଥିଲା । ଏହା ପରେ ଉକ୍ତ ଯୁବକଙ୍କୁ ସୁରକ୍ଷା କର୍ମୀ ପଡ଼ିଆରୁ ନେଇ ଯାଇଥିଲେ । ତେବେ ଆଜି ଯୁବକଙ୍କ ସଂପର୍କରେ ସୂଚନା ମିଳିଛି ।
#WATCH | Ahmedabad, Gujarat: JCP Crime Neeraj Kumar Badgujar says, "Yesterday, during the match, a person entered the stadium... It was found that his name is Van Johnson and he is a citizen of Australia. His mother is Indonesian and father is Chinese... Whatever he earns, he… https://t.co/YxEZDBdCdL pic.twitter.com/hp4TgJXLPR
— ANI (@ANI) November 20, 2023
ଯୁବକଙ୍କ ନାଁ ଭାନ୍ ଜନସନ୍ ହୋଇଥିବା ବେଳେ ସେ ଅଷ୍ଟ୍ରେଲିଆ ନାଗରିକ । ଫାଇନାଲ ମ୍ୟାଚ୍ରେ କାହିଁକି ସେ ପ୍ରବେଶ କରିଥିଲେ ସେନେଇ କ୍ରାଇମ ବ୍ରାଞ୍ଚ ତଦନ୍ତ କରୁଥିବା ବେଳେ ଜଣେ ବରିଷ୍ଠ ଅଧିକାରୀ ନୀରଜ କୁମାର ବଦଗୁଜାର ଏନେଇ ଅଧିକ ସୂଚନା ଦେଇଛନ୍ତି । ଏଏନଆଇକୁ ସେ ଦେଇଥିବା ସୂଚନା ଅନୁସାରେ, ଧରାପଡ଼ିଥିବା ଯୁବକଜଣଙ୍କ ଭାନ ଜନସନ ହୋଇଥିବା ବେଳେ ସେ ଫେମସ ହେବା ପାଇଁ ଏମିତି କରିଛି । ସେ ପୂର୍ବରୁ ଆମେରିକାରେ ଏକ ରଗବୀ ମ୍ୟାଚରେ ପ୍ରବେଶ କରି ଧରାପଡ଼ିଥିଲା । ଆଉ ଏଥିପାଇଁ ତାକୁ ୨୦୦ ଡଲାର ଫାଇନ୍ ଦେବାକୁ ପଡ଼ିଥିଲା ।
Gujarat | The man arrested for entering the field during the India vs Australia ICC World Cup match yesterday, brought to the Ahmedabad Crime Branch today. pic.twitter.com/wPPAEzE5EZ
— ANI (@ANI) November 20, 2023
୨୦୨୩ ମହିଳା ଟିମ୍ର ଏକ ମ୍ୟାଚ୍ରେ ସେ ଧସେଇ ପଶିଥିଲା ଏବଂ ୫୦୦ ଡଲାର ଫାଇନ୍ ଦେଇଥିଲା । ସେ ଯାହା ବି ରୋଜଗାର ଏହି ଫାଇନ୍ ଦେବା ପାଇଁ ବିନିଯୋଗ କରେ । ଭାନ ଜନସନର ବାପା ଚୀନ୍ ନାଗରିକ ହୋଇଥିବା ମା’ ଇଣ୍ଡୋନେସିଆର । ଏବଂ ସେ ଅଷ୍ଟ୍ରେଲିଆ ନାଗରିକ ବୋଲି ନୀରଜ କୁମାର କହିଛନ୍ତି । ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମକୁ ସେ ଭାରତୀୟ ଜର୍ସି ପିନ୍ଧି ଗେଟ ନମ୍ବର ଓ୍ବାନ ଦେଇ ପ୍ରବେଶ କରିଥିଲା । ହେଲେ ଭିତରେ ପୋଷାକ ବଦଳାଇ ପଡ଼ିଆ ଭିତରକୁ ଲମ୍ଫ ମାରିଥିଲା । ଏହି ସମୟରେ ତା ହାତରେ ମଧ୍ୟ ଆଘାତ ଲାଗିଛି ବୋଲି ନୀରଜ କୁମାର କହିଛନ୍ତି । ତେବେ ଭାନ ଜସସନ ବିରୁଦ୍ଧରେ ମାମଲା ରୁଜୁ ହୋଇଥିବା ବେଳେ ଏବେ କ୍ରାଇମ ବ୍ରାଞ୍ଚ ମାମଲାର ତଦନ୍ତ କରୁଛି ବୋଲି ସେ କହିଛନ୍ତି ।