ନୂଆଦିଲ୍ଲୀ: ଶେଷରେ ଯାହା ଆଶଙ୍କା କରାଯାଉଥିଲା ସେୟା ହିଁ ହେଲା । ଭାରତ ବନାମ ଇଂଲଣ୍ଡ ଟେଷ୍ଟ ସିରିଜ୍ରେ ବିରାଟ କୋହଲିଙ୍କ ପ୍ରତ୍ୟାବର୍ତ୍ତନକୁ ନେଇ ଖେଳ ପ୍ରେମୀ ଯେଉଁ ଅନୁମାନ କରୁଥିଲେ ତାହା ସତ ହୋଇଛି । ବିରାଟ କୋହଲି ପ୍ରଶଂସକଙ୍କୁ ନିରାଶ କରିଛନ୍ତି । ସିରିଜର ବାକି ୩ଟି ମ୍ୟାଚ୍ ବି ଖେଳିବେ ନାହିଁ ବିରାଟ କୋହଲି । ଷ୍ଟାର ବ୍ୟାଟର କୋହଲି ନିଜର ଏହି ନିଷ୍ପତ୍ତି କ୍ରିକେଟ କଣ୍ଟ୍ରୋଲ ବୋର୍ଡକୁ ଜଣାଇ ଦେଇଛନ୍ତି ।
ଏହା ପୂର୍ବରୁ ପ୍ରଥମ ଏବଂ ଦ୍ବିତୀୟ ଟେଷ୍ଟ ମ୍ୟାଚ୍ ଖେଳି ପାରିନଥିଲେ କୋହଲି । ହେଲେ ସେ ତୃତୀୟ ଏବଂ ଚତୁର୍ଥ ମ୍ୟାଚ୍ରେ ଫେରିବେ ବୋଲି ଆଶା କରାଯାଉଥିଲା । ପରେ ଏହି ଦୁଇ ମ୍ୟାଚ୍ରୁ କୋହଲି ବାଦ ପଡ଼ିବେ ବୋଲି ଖବର ଆସିଥିଲା । ଏହା ପରେ ଶେଷ ତଥା ପଞ୍ଚମ ଟେଷ୍ଟରେ ସେ ଖେଳିବେ ବୋଲି ଖେଳପ୍ରେମୀ ଅନୁମାନ କରୁଥିଲେ । କିନ୍ତୁ ଏବେ କୋହଲି ସମ୍ପୂର୍ଣ୍ଣ ସିରିଜ୍ରେ ଖେଳିବେ ନାହିଁ ବୋଲି ଜଣାପଡ଼ିଛି । ଗତ କିଛି ଦିନ ହେଲା ତୃତୀୟ, ଚତୁର୍ତ ଏବଂ ପଞ୍ଚମ ଟେଷ୍ଟ ମ୍ୟାଚ୍ ଲାଗି ଟିମ୍ ଇଣ୍ଡିଆ ଘୋଷଣାକୁ ଅପେକ୍ଷା ଥିଲା । ବିରାଟ କୋହଲିଙ୍କ ଉପଲବ୍ଧତା ସଂପର୍କରେ ସ୍ପଷ୍ଟ ହୋଇଯିବା ପର୍ଯ୍ୟନ୍ତ ଏହି ଘୋଷଣା ଅଟକି ରହିଥିଲା ।
ଏବେ ଇଣ୍ଡିଆାନ୍ ଏକ୍ସପ୍ରେସରେ ପ୍ରକାଶିତ ଏକ ରିପୋର୍ଟ ଅନୁସାରେ, ଶୁକ୍ରବାର (ଫେବୃଆରୀ ୯) କୋହଲି ବିସିସିଆଇକୁ କହିଛନ୍ତି ଯେ, ଆଗାମୀ ୩ଟି ମ୍ୟାଚ୍ରେ ସେ ଖେଳିପାରିବେ ନାହିଁ । ଏହା ପରେ ଚୟନ ସମିତି ବୈଠକ ବି ବସିଥିଲା । ୨୦୧୧ରେ ଟେଷ୍ଟ ଡେବ୍ୟୁ କରିଥିବା କୋହଲିଙ୍କ ପୂରା କ୍ୟାରିୟରରେ ପ୍ରଥମ ଥର ଏଭଳି ହେବାକୁ ଯାଉଛି ।
ଭାରତରେ ହେଉଥିବା କୌଣସି ଏକ ଟେଷ୍ଟ ସିରିଜ୍ରେ କୋହଲି କୌଣସି ମ୍ୟାଚ୍ ଖେଳିପାରିବେ ନାହିଁ । ହେଲେ ପୂର୍ବରୁ କେତେକ ଟେଷ୍ଟ ସରିଜ୍ର ଅତି ବେଶୀରେ ଗୋଟିଏ ମ୍ୟାଚ୍ରୁ ବାଦ ପଡ଼ିଥିଲେ । ସେପଟେ ସେପଟେ କୋହଲିଙ୍କ ଅନୁପସ୍ଥିତ ରହିବା ନେଇ ସ୍ପଷ୍ଟ ହେବା ପରେ ବାକି ୩ଟି ମ୍ୟାଚ୍ ପାଇଁ ଟିମ୍ ଘୋଷଣା ହୋଇଛି ।
