ବାରଙ୍ଗ, ୧୦/୧୧ : ଦ୍ରୁତ ଗତିରେ ଆସି ଡିଭାଇଡରରେ ପିଟିହେଲା ଆମ୍ବୁଲାନ୍ସ। ମୈତ୍ରୀ ବିହାର ଥାନା ଅନ୍ତର୍ଗତ ଦୁଇଶହ ଫୁଟିଆ ରାସ୍ତାରେ ଏହି ଦୁର୍ଘଟଣା ଘଟିଛି। ଦୁର୍ଘଟଣା ପରେ ଡ୍ରାଇଭର୍ ଫେରାର୍ ହୋଇଯାଇଛି।
ପ୍ରାଥମିକ ସୂଚନା ଅନୁସାରେ, ଏକ ଘରୋଇ ହସ୍ପିଟାଲରୁ ରୋଗୀ ଆଣିବାକୁ ଯାଉଥିବା ବେଳେ ଦ୍ରୁତ ଗତିରେ ଗଜପତି ନଗର ପଟୁ ଆସୁଥିବା ଆମ୍ବୁଲାନ୍ସ ରେଲ୍ ବିହାର କଟିଂ ପାଖରେ ଥିବା ଡିଭାଇଡରରେ ପିଟି ହୋଇଛି। ଫଳରେ ବିଏମସି ଦ୍ଵାରା ସୌନ୍ଦର୍ଯ୍ୟକରଣ ପାଇଁ ଲାଗିଥିବା ଗଛ ଗୁଡ଼ିକ ନଷ୍ଟ ହୋଇଯାଇଛି। ଖବର ପାଇ ସ୍ଥାନୀୟ ମୈତ୍ରୀ ବିହାର ଥାନା ପୁଲିସ୍ ଘଟଣା ସ୍ଥଳରେ ପହଞ୍ଚି ଗାଡ଼ିକୁ ବାହାର କରିବା ବ୍ୟବସ୍ଥା କରିଥିବା ବେଳେ ଡ୍ରାଇଭର ଫେରାର ଅଛନ୍ତି।
