ଭୁବନେଶ୍ୱର,୦୭/୦୮: ଆଗକୁ ଆସୁଛି ଆଉ ଏକ ଲଘୁଚାପ । ଏଥିପାଇଁ ବଙ୍ଗୋପସାଗରରେ ଘୁର୍ଣ୍ଣିବଳୟ ସକ୍ରିୟ ହୋଇଛି । ଏହା ଗାଙ୍ଗେୟ ପଶ୍ଚିମବଙ୍ଗ, ଉତ୍ତର ଓଡ଼ିଶା ନିକଟରେ ସକ୍ରିୟ ହୋଇଛି । ଫଳରେ ୫ରୁ ୭ଦିନ ଜାରି ରହିବ ଲଗାଣ ବର୍ଷା । 

ସୂଚନା ଅନୁଯାୟୀ, ବୁଧବାର ବଙ୍ଗୋପସାଗରରେ ଆଉ ଏକ ଘୁର୍ଣ୍ଣିବଳୟ ସକ୍ରିୟ ହୋଇଛି । ଏହି  ଘୁର୍ଣ୍ଣିବଳୟ ଘନିଭୂତ ହୋଇ ଗାଙ୍ଗେୟ ପଶ୍ଚିମବଙ୍ଗ, ଉତ୍ତର ଓଡ଼ିଶା ନିକଟରେ ସକ୍ରିୟ ହୋଇଛି । ଏହା ପ୍ରଭାବରେ  ଆଗାମୀ ୨୪ ଘଣ୍ଟା ମଧ୍ୟରେ ଲଘୁଚାପ ସୃଷ୍ଟି ସମ୍ଭାବନା ରହିଛି । ଯାହା ଫଳରେ ୨୪ ଘଣ୍ଟାରେ ବିଭିନ୍ନ ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ରହିଛି ।  ଝାରସୁଗୁଡ଼ା, ବାଲେଶ୍ଵର ମୟୂରଭଞ୍ଜ, କେନ୍ଦ୍ରାପଡ଼ା, ନୂଆପଡ଼ା, ସୋନପୁରରେ ପ୍ରବଳ ବର୍ଷା ହେବ । ଆସନ୍ତାକାଲି ସୁନ୍ଦରଗଡ଼, ବରଗଡ଼, ସୋନପୁରରେ ପ୍ରବଳ ବର୍ଷା ସମ୍ଭାବନା ।  ଫଳରେ ଏହି ସ୍ଥାନ ଗୁଡ଼ିକରେ ୫ରୁ ୭ଦିନ ଲଗାଣ ବର୍ଷା ଜାରି ରହିବା ନେଇ ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି । ରାଜ୍ୟରେ ବର୍ତ୍ତମାନ ସୁଦ୍ଧା୬୦୪.୭ ମିଲିମିଟର ବର୍ଷା ରେକର୍ଡ ହୋଇଥିବା ବେଳେ ଏବେ ବି ୬ ପ୍ରତିଶତ କମ୍ ବର୍ଷା ରେକର୍ଡ ହୋଇଥିବା ସୂଚନା ମିଳିଛି ।