ଛତ୍ରପୁର, ୨୫।୫ : ନିର୍ବାଚନ ପରବର୍ତ୍ତି ହିଂସା ରୋକିବା ନିମନ୍ତେ ଗଞ୍ଜାମ ପୁଲିସର  ପଦକ୍ଷେପ। ରାତି ୮ ଟା ପରେ ବନ୍ଦ ରହିବ ଢ଼ାବା ଓ ଚା ଦୋକାନ ।  ପରବର୍ତ୍ତି ନିର୍ଦେଶ ନ ଆସିବା ପର୍ଯ୍ୟନ୍ତ ଲାଗୁ ହେବ ଏହି ନିୟମ । ଗଞ୍ଜାମ ପୁଲିସ ଜିଲ୍ଲାର ସମସ୍ତ ଥାନାଧିକାରୀଙ୍କୁ ନିର୍ଦ୍ଦେଶ ଦେଲେ ଗଞ୍ଜାମ ଏସପି ଜଗ ମୋହନ ମୀନା ।

ଗଞ୍ଜାମ ଜିଲ୍ଲାରେ ୨ ଟି ପର୍ଯ୍ୟାୟ ରେ ନିର୍ବାଚନ ସରିଛି।  ନିର୍ବାଚନ ପରେ କେଉଁଠି ନା କେଉଁଠି ହିଂସା ଘଟୁଛି  ଯାହାକି ପୁଲିସ ପାଇଁ ଚିନ୍ତାର ବିଷୟ ପାଲଟିଛି । ଏହାକୁ ରୋକିବା ନେଇ ଗଞ୍ଜାମ ପୁଲିସ ଜିଲ୍ଲା ପକ୍ଷରୁ କଡା ପଦକ୍ଷେପ ନିଆଯାଇଛି । ରାତ୍ର ୮ ଟା ପରେ ଗଞ୍ଜାମ ପୁଲିସ ଜିଲ୍ଲା ଅଧିନ ଅଂଚଳରେ ଚା ଦୋକାନ ଓ ଢ଼ାବା ବନ୍ଦ ରହିବ । ଗଞ୍ଜାମ ପୁଲିସ ଜିଲ୍ଲା ର ସମସ୍ତ ଥାନା ଅଧିକାରୀ ମାନଙ୍କୁ ଏହି ନିର୍ଦେଶ ଦେଇଛନ୍ତି ଗଞ୍ଜାମ ଏସପି ଜଗମୋହନ ମୀନା । ରାତି ହେଲେ ଢ଼ାବା ଓ ଚା ଦୋକାନୀ ମାନଙ୍କରେ ଗହଳି ଓ ଖଟି ହେଉଛି। ପରବର୍ତ୍ତି ସମୟରେ ରାଜନୀତି କୁ ନେଇ କମେଣ୍ଟ ମରା ସମେତ ପାଟି ତୁଣ୍ଡ ଘଟୁଛି । ଏହାକୁ ଏଡେଇବା ପାଇଁ ଗଞ୍ଜାମ ପୁଲିସ ଜିଲ୍ଲା ପକ୍ଷରୁ ଏହି ପଦକ୍ଷେପ ନିଆଯାଇଛି |

ଆହୁରି ପଢନ୍ତୁ : ବାରଙ୍ଗରେ ନିର୍ବାଚନୀ ହିଂସା : ୨ ଗୋଷ୍ଠୀ ମୁହାଁମୁହିଁ, ପୋଲିସର ଲାଠି ଚାର୍ଜ