ଆଜିର ଏହି ବ୍ୟସ୍ତବହୁଳ ଜୀବନରେ ସୂର୍ଯ୍ୟ ନମସ୍କାରର ଅନେକମହତ୍ତ୍ୱ ରହିଛି । ଏହା କରିବା ଦ୍ୱାରା ଆମ ଜୀବନଶୈଳୀରେ ଅନେକ ପରିବର୍ତ୍ତନ ଆସିଥାଏ । ଆପଣମାନେ ବହୁ ସେଲିବ୍ରେଟିଙ୍କୁ ସୂର୍ଯ୍ୟ ନମସ୍କାର କରୁଥିବାର ଦେଖିଥିବେ। ଏହା ଆମକୁ ରୋଗମୁକ୍ତ ରଖିବା ସହ,ଉଭୟ ଶାରୀରିକ ଏବଂ ମାନସିକସ୍ତରକୁ ସୁଦୃଢ କରିଥାଏ। ଆସନ୍ତୁ ଜାଣିରଖିବା ସୂର୍ଯ୍ୟ ନମସ୍କାର କରିବାର ଉପକାରିତା...
ଫୁସ୍ଫୁସ୍ ପାଇଁ ଉପକାରିତା;
ସୂର୍ଯ୍ୟ ନମସ୍କାର କରିବା ଦ୍ୱାରା ଫୁସ୍ ଫୁସ୍ କୁ ଅନେକ ଲାଭ ମିଳିଥାଏ। ଏହାଦ୍ୱାରା ଫୁସ୍ ଫୁସ୍ ମଜବୁତ୍ ହେବା ସହ ଅଧିକ କାର୍ଯ୍ୟକ୍ଷମ ମଧ୍ୟ ହୋଇଥାଏ। ଯଦି ଆପଣ ନିୟମିତ ଭାବରେ ସକାଳୁ ଖାଲି ପେଟରେ ସୂର୍ଯ୍ୟ ନମସ୍କାର କରୁଛନ୍ତି, ତେବେ ଏହାର ସବୁଠୁ ଅଧିକ ଲାଭ ଫୁସ୍ ଫୁସ୍ କୁ ହେବ।
ହୃତ୍ ପିଣ୍ଡକୁ ରଖିଥାଏ ସୁସ୍ଥ;
ସୂର୍ଯ୍ୟ ନମଷ୍କାର କରିବା ଦ୍ୱାରା ହୃତ୍ପିଣ୍ଡର ମାଂସପେଶି ସୁଦୃଢ ହେବା ସହ, ରକ୍ତ ସଂଚାଳନ ସଠିକ୍ ଭାବରେ ହୋଇଥାଏ। ଏହାଦ୍ୱାରା ଶରୀରର ସମସ୍ତ ଅଙ୍ଗକୁ ସଠିକ୍ ପରିମାଣରେ ରକ୍ତ ସଞ୍ଚାଳନ ହୋଇଥାଏ।
ମାନସିକ ଚାପ ଏବଂ ବଢୁଥିବା ଓଜନରୁ ମୁକ୍ତି;
ଦୈନିକ ସୂର୍ଯ୍ୟ ନମଷ୍କାର କରିବା ଦ୍ୱାରା, ମାନସିକ ଚାପରୁ ବହୁମାତ୍ରାରେ ମୁକ୍ତି ମିଳିଥାଏ। ଏହା ଆପଣଙ୍କ ମସ୍ତିଷ୍କକୁ ଶାନ୍ତ ଏବଂ ମନକୁ ନିୟନ୍ତ୍ରିତ କରିଥାଏ। ଏହାଦ୍ୱାରା ପାଚନକ୍ରିୟାରେ ଉନ୍ନତି ହୋଇଥାଏ ଏବଂ ଶରୀରର ଓଜନ ମଧ୍ୟ କମିଥାଏ। ଯଦି ଆପଣ ମାନସିକ ଚାପ ଓ ବଢୁଥିବା ଓଜନରୁ ମୁକ୍ତି ଚାହୁଁଛନ୍ତି, ତେବେ ଦୈନନ୍ଦିନ ଜୀବନରେ ସୂର୍ଯ୍ୟ ନମଷ୍କାରକୁ ଆପଣାନ୍ତୁ।
