ନୂଆଦିଲ୍ଲୀ,୨୬/୫ :  ସାରଣ ଲୋକସଭା ଅଞ୍ଚଳରେ ନିର୍ବାଚନ ପରେ ହୋଇଥିବା ହିଂସା ମାମଲାରେ ଏସଆଇଟି ନିଜ ଯାଞ୍ଚ ରିପୋର୍ଟ ନିର୍ବାଚନ ଆୟୋଗଙ୍କୁ ଦେଇଛନ୍ତି । ବିହାରର ମୁଖ୍ୟ ନିର୍ବାଚନ ଅଧିକାରୀ ଏଚଆର ଶ୍ରୀନିବାସ ଏହାର ସୂଚନା ଦେଇଛନ୍ତି । ସେ କହିଛନ୍ତି କି ଏସଆଇଟିର ରିପୋର୍ଟ ମିଳି ସାରିଛି । ଏବେ ଏହାର ଯାଞ୍ଚ ଚାଲିଛି । ଏସଆଇଟିର ରିପୋର୍ଟ ପରେ ନିର୍ବାଚନ ଆୟୋଗ ବଡ଼ ଧରଣର କାର୍ଯ୍ୟାନୁଷ୍ଠାନ ନେଇ ଛପରାର ଏସପି ଗୌରବ ମଙ୍ଗଳାଙ୍କ ପରିବର୍ତ୍ତନ କରାଯାଇଛି    । ନିର୍ବାଚନ ଆୟୋଗଙ୍କ ପକ୍ଷରୁ ଏବେ ମୁଜାଫରପୁର ରେଳ ଏସପି କୁମାର ଆଶିଷଙ୍କୁ ଛପରାର ନୂଆ ଏସପି କରାଯାଇଛି । ଗୌରବ ମଙ୍ଗଳଙ୍କୁ ତୁରନ୍ତ ପୋଲିସ ମୁଖ୍ୟାଳୟ ପାଟଣା ଡକାଯାଇଛି। ପ୍ରକାଶ ଯେ, ଏସପି ଏବଂ ଡିଆଇଜି ଏହି ମାମଲାକୁ ନିଜ ସ୍ତରରେ ଯାଞ୍ଚ କରିଥିଲେ । 

ଅନ୍ୟପଟେ ଛପରାରେ ହୋଇଥିବା ନିର୍ବାଚନୀ ହିଂସାର ୪ଦିନ ପରେ ଇଣ୍ଟରନେଟ ସେବା ଆରମ୍ଭ କରି ଦିଆଯାଇଛି । ଏତେଦିନ ପର୍ଯ୍ୟନ୍ତ ଇଣ୍ଟରନେଟ ସେବା ବନ୍ଦ ରହିବା ଫଳରେ ସ୍ଥାନୀୟ ଲୋକଙ୍କ ବହୁ ଅସୁବିଧାର ସମ୍ମୁଖିନ ହେବାକୁ ପଡ଼ୁଥିଲା । ସ୍ଥାନୀୟ ଲୋକଙ୍କ ଅଭିଯୋଗ ଅଛି କି ଜିଲ୍ଲା ପ୍ରଶାସନ ନିଜ କମିକୁ ଲୁଚେଇବା ଲାଗି ଇଣ୍ଟରନେଟ ସେବା ବନ୍ଦ କରିଦେଇଛି । ୪ଦିନ ପରେ ଇଣ୍ଟରନେଟ ସେବା ଚାଲୁ ହେବା ପରେ ବହୁତ ଆଶ୍ବସ୍ତ ମିଳିଛି । ଲୋକଙ୍କ କହିବା କଥା କି ଚାକିରି ଏବଂ ବ୍ୟବସାୟ ପର୍ଯ୍ୟନ୍ତ ଛାତ୍ରୀଙ୍କ ପଢା, ସବୁ କିଛି ଇଣ୍ଟରନେଟ ବନ୍ଦ ହେବା ଦ୍ବାରା ଠପ ହୋଇଯାଇଥିଲା । 

ପ୍ରକାଶ ଯେ, ଛପରାରେ ୫ମ ଚରଣ ତଥା ୨୦ମଇରେ ମତଦାନ ସମୟରେ ସାରଣର ବୁଥ୍ ସଂଖ୍ୟା ୩୧୮ ଏବଂ ୩୧୯ରେ ବିଜେପି ଏବଂ ରାଜଦ ମଧ୍ୟରେ ହିଂସା ହୋଇଥିଲା । ଭୋଟିଂ ପର ଦିନ ନଗର ଥାନ ଅଞ୍ଚଳରେ ଭିଖାରୀ ଠାକୁର ଚୌକ ନିକଟରେ ଦୁଇ ଗୋଷ୍ଠୀଙ୍କ ମଧ୍ୟରେ ବିବାଦ ଆରମ୍ଭ ହୋଇଯାଇଥିଲା । କଥା ଏତେମାତ୍ରାରେ ବଢିଯାଇଥିଲା କି ଗୁଳି ବିନିମୟ ହୋଇଥିଲା । ଏଥିରେ ୩ଜଣ ଲୋକଙ୍କୁ ଗୁଳି ଲାଗିଛି, ଯେଉଁଥିରେ ଜଣଙ୍କର ମୃତ୍ୟୁ ହୋଇଯାଇଛି ଏବଂ ଦୁଇ ଅନ୍ୟ ଆହତ ହୋଇଛନ୍ତି । ସାରଣ ଲୋକସଭା ସିଟରେ ରାଜଦ ପ୍ରାର୍ଥୀ ଏବଂ ଲାଲୁ ଯାଦବଙ୍କ ପୁଅ ରୋହିଣି ଆଚାର୍ଯ୍ୟ ଏକ ପୋଲିଂ ବୁଥକୁ ବାରମ୍ବାର ବାରମ୍ବାର ଯିବା ଫଳରେ ଏହି ବିବାଦ ଉଠିଥିଲା । ଦୁଇ ପକ୍ଷଙ୍କଠାରୁ ପୋଲିସ ଏକ ଏଫଆଇଆର ରୁଜୁ କରିଥିଲା । ପରିସ୍ଥିତି ଦେଖି ଇଣ୍ଟରନେଟ ବି ବ୍ୟାନ କରାଯାଇଥିଲା ।