ପ୍ରମୂଖ ଖବର
  • ଚିଲିକାରେ ପୁଣି ଫସିଲା ଡଙ୍ଗା, ୧୦ ବାଇକ୍ ସହ ୨୦ରୁ ଅଧିକ ଯାତ୍ରୀ ଥିବା ସୂଚନା
  • ||
  • ରାମମନ୍ଦିରକୁ ବୋମାରେ ଉଡ଼ାଇଦେବାକୁ ଜୈସ୍‌-ଇ-ମହମ୍ମଦ ଧମକ, ଅଯୋଧ୍ୟାରେ ହାଇଆଲର୍ଟ
  • ||
  • କୁଏତରୁ ଓଡ଼ିଶା ଫେରିଲା ୨ଯୁବକଙ୍କ ମୃତଦେହ, ୪ ଲକ୍ଷ ଟଙ୍କାର ସହାୟତା ରାଶି ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • ଖୋର୍ଦ୍ଧା: ଭାରସାମ୍ୟ ହରାଇ ଓଲଟିଲା ବସ୍, ୪ ଆହତ
  • ||
  • ନିଧି ଫାଇନାନ୍ସ ଠକେଇ ମାମଲା: ତୁଷାର ଭଞ୍ଜଙ୍କ ସରିଲା ରିମାଣ୍ଡ, ଇଓଡବ୍ଲ୍ୟୁ ନିରାଶ
  • ||
  • ରଜ ସଂକ୍ରାନ୍ତିରେ ଘରେ ଘରେ ମଉଜ: ପିଠା ପଣାରେ ମହକୁଛି ଗାଁଠୁ ସହର, ସବୁଠି ଉତ୍ସବ ମୁଖର
  • ||
  • ଓଡ଼ିଶାରେ ଆଗେଇବ ମୌସୁମୀ: ୧୭ରୁ ପ୍ରବଳ ବର୍ଷା ଆଶଙ୍କା, ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

ଜାମ୍ମୁ କାଶ୍ମୀରରେ ଖୁବଶୀଘ୍ର ବିଧାନସଭା ନିର୍ବାଚନ, ସାମ୍ବାଦିକ ସମ୍ମିଳନୀରେ ଉତ୍ତର ରଖିଲେ ମୁଖ୍ୟ ନିର୍ବାଚନ କମିଶନର...

ନୂଆଦିଲ୍ଲୀ: ଲୋକସଭା ନିର୍ବାଚନ ଫଳାଫଳର ଗୋଟିଏ ଦିନ ପୂର୍ବରୁ ମୁଖ୍ୟ ନିର୍ବାଚନ କମିଶନର (ସିଇସି) ରାଜୀବ କୁମାର ସୋମବାର (ଜୁନ୍ ୩) ଏକ ସାମ୍ବାଦିକ ସମ୍ମିଳନୀ କରିଛନ୍ତି । ଏହି ସମୟରେ ସେ ଲୋକସଭା ଏବଂ ବିଧାନସଭା ନିର୍ବାଚନ ସମେତ ଅନେକ ପ୍ରସଙ୍ଗ ବିଷୟରେ କହିଛନ୍ତି । ଏଥିସହ ଜାମ୍ମୁ କାଶ୍ମୀରରେ କେବେ ବିଧାନସଭା ନିର୍ବାଚନ ଅନୁଷ୍ଠିତ ହେବ ସେ ମଧ୍ୟ ଉତ୍ତର ଦେଇଛନ୍ତି ।

ମୁଖ୍ୟ ନିର୍ବାଚନ କମିଶନର ରାଜୀବ କୁମାର କହିଛନ୍ତି ଯେ, ଜାମ୍ମୁ କାଶ୍ମୀରର କେନ୍ଦ୍ରଶାସିତ ଅଞ୍ଚଳରେ ନିର୍ବାଚନ ଆୟୋଗ ଖୁବ ଶୀଘ୍ର ନିର୍ବାଚନ ପ୍ରକ୍ରିୟା ଆରମ୍ଭ କରିବେ । ଭୋଟରଙ୍କ ମତଦାନକୁ ନେଇ ଆମେ ବହୁତ ଉତ୍ସାହିତ ଏବଂ ଖୁବ୍ ଶୀଘ୍ର ସେଠାରେ ବିଧାନସଭା ନିର୍ବାଚନ ପ୍ରକ୍ରିୟା ଆରମ୍ଭ କରିବୁ ।

ରାଜୀବ କୁମାର କହିଛନ୍ତି, "ଏଥର ଚାରି ଦଶନ୍ଧି ମଧ୍ୟରେ ଜାମ୍ମୁ କାଶ୍ମୀରରେ ଲୋକସଭା ନିର୍ବାଚନ ସମୟରେ ୫୮.୫୮ ପ୍ରତିଶତ ଭୋଟ୍ ରେକର୍ଡ ହୋଇଥିବା ବେଳେ ଘାଟିରେ ୫୧.୦୫ ପ୍ରତିଶତ ଭୋଟ୍ ରେକର୍ଡ କରାଯାଇଛି । ନିର୍ବାଚନ ଆୟୋଗ ଜାମ୍ମୁ କାଶ୍ମୀରରେ ବିଧାନସଭା ନିର୍ବାଚନ କରିବେ । ଲୋକସଭା ନିର୍ବାଚନ ପରେ ତୁରନ୍ତ ଏହା କରିବାକୁ ପ୍ରତିଶ୍ରୁତିବଦ୍ଧ । 

ତେବେ ଜାମ୍ମୁ କାଶ୍ମୀରରେ ଲୋକସଭା ଓ ବିଧାନସଭା ଏକାଠି ନହେବା ପ୍ରଶ୍ନର ମଧ୍ୟ ଉତ୍ତର ରଖିଛନ୍ତି ମୁଖ୍ୟ ନିର୍ବାଚନ କମିଶନର । ସେ କହିଛନ୍ତି, “ଜାମ୍ମୁ କାଶ୍ମୀରର ସମସ୍ତ ଦଳ କହିଛନ୍ତି ଯେ ସଂସଦୀୟ ନିର୍ବାଚନ ସହିତ ବିଧାନସଭା ନିର୍ବାଚନ ମଧ୍ୟ କରାଯିବା ଉଚିତ, କିନ୍ତୁ ଏହା ଏକକାଳୀନ ଅନୁଷ୍ଠିତ ହୋଇପାରିବ ନାହିଁ । ପ୍ରତ୍ୟେକ ବିଧାନସଭା  ନିର୍ବାଚନମଣ୍ଡଳୀରେ ୧୦-୧୨ ଜଣ ପ୍ରାର୍ଥୀ ରହିବେ, ଅର୍ଥାତ୍ ୧ ହଜାରରୁ ଅଧିକ ପ୍ରାର୍ଥୀ ରହିବେ । ପ୍ରତ୍ୟେକ ପ୍ରାର୍ଥୀଙ୍କୁ ସୁରକ୍ଷା ବଳ ଯୋଗାଇବାକୁ ପଡିବ । ଏହି ସମୟରେ ଏହା ସମ୍ଭବ ନୁହେଁ । 

ସୂଚନାଥାଉକିଯେ, ଜାମ୍ମୁ କାଶ୍ମୀରରେ ପାଞ୍ଚଟି ଲୋକସଭା ଆସନ ଅଛି, ଯେଉଁଥିରେ ଜାମ୍ମୁ, ଉଦ୍ଧମପୁର, ଶ୍ରୀନଗର, ବାରାମୁଲ୍ଲା ଏବଂ ଅନନ୍ତନାଗ-ରାଜୌରୀ ଆସନ ରହିଛି । ୨୦୧୯ ରେ ଧାରା ୩୭୦ ରଦ୍ଦ ହେବା ପରେ ଜାମ୍ମୁ କାଶ୍ମୀରରେ ଏହା ପ୍ରଥମ ଥର ପାଇଁ ନିର୍ବାଚନ ହୋଇଛି । 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.