ପ୍ରମୂଖ ଖବର
  • ଅଷ୍ଟାଦଶ ଲୋକସଭାର କାମଚଳା ବାଚସ୍ପତି ଭାବେ ଶପଥ ନେଲେ ଭର୍ତ୍ତୃହରି ମହତାବ
  • ||
  • ରୁଙ୍ଗଟା କାରଖାନାରେ ଅଘଟଣ, ଲୁହା ପ୍ଲେଟ୍ ଚାପି ହୋଇ ୨ ଶ୍ରମିକ ମୃତ
  • ||
  • ରି ଚେକିଂ ହେବ ୧୮ ହଜାର ମାଟ୍ରିକ୍‌ ଖାତା, ବୋର୍ଡରେ ଆବେଦନ କରିଛନ୍ତି ୫ ହଜାର ପରୀକ୍ଷାର୍ଥ
  • ||
  • କେନ୍ଦୁଝର: ରାସ୍ତା ପାରି ହେଉଥିବା ବେଳେ ମାଡ଼ିଗଲା ଟ୍ରକ୍, ମହିଳା ମୃତ
  • ||
  • ଭୋଗରାଇ: ବଙ୍ଗୀୟ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ସହଯୋଗୀ ଫେରାର୍
  • ||
  • ସୁପର ୮ରେ ଭାରତ-ଅଷ୍ଟ୍ରେଲିଆ ବଡ଼ ଲଢ଼େଇ: ନେଟ୍‌ ରନରେଟ୍‌ ହେବ ଖେଳ, ଖଳନାୟକ ସାଜିପାରେ ବର୍ଷା
  • ||
  • ସୋମବାରଠୁ ଅଷ୍ଟାଦଶ ଲୋକସଭାର ପ୍ରଥମ ଅଧିବେଶନ:୨୬ରେ ବାଚସ୍ପତି ନିର୍ବାଚନ, ୨୭ରେ ରାଜ୍ୟ ସଭା ବୈଠକ
  • ||
  • ଓଡ଼ିଶାର ୩୦ ଜିଲ୍ଲାକୁ ସମ୍ପୂର୍ଣ୍ଣ ଛୁଇଁଲା ମୌସୁମୀ ବାୟୁ, ଆସନ୍ତା ୩ ଦିନ ବିଭିନ୍ନ ଜିଲ୍ଲାରେ ବର୍ଷା ସମ୍ଭାବନା
  • ||

ଦୂତାବାସରୁ ଫ୍ରାନ୍ସର ରାଷ୍ଟ୍ରଦୂତ ତଥା କୁଟନୀତିଜ୍ଞଙ୍କୁ ବନ୍ଧକ ରଖିଛି ନାଇଜର ସେନା, ସୂଚନା ଦେଲେ ରାଷ୍ଟ୍ରପତି ଇମାନ୍ୟୁଏଲ ମାକ୍ରୋନ୍...

ନୂଆଦିଲ୍ଲୀ: ନାଇଜରରେ ଫ୍ରାନ୍‌ସ ଦୂତାବାସରୁ ଫ୍ରାନ୍‌ସର ରାଷ୍ଟ୍ରଦୂତ ତଥା କୁଟନୀତିଜ୍ଞଙ୍କୁ ବନ୍ଧକ ରଖିଛି ନାଇଜର ସେନା । ଫ୍ରାନ୍ସ ରାଷ୍ଟ୍ରପତି ଇମାନ୍ୟୁଏଲ ମାକ୍ରୋନ୍ ନିଜେ ଏହି ଖବରକୁ ନିଶ୍ଚିତ କରିଛନ୍ତି । ସେ କହିଛନ୍ତି ଯେ ଫ୍ରାନ୍ସ ଦୂତାବାସରେ ଫ୍ରାନ୍ସର ରାଷ୍ଟ୍ରଦୂତ ସିଲଭେନ ଇଟ୍ଟଙ୍କ ସମେତ ଅନ୍ୟ ଫ୍ରାନ୍ସର କୂଟନୀତିଜ୍ଞଙ୍କୁ ବନ୍ଧକ କରାଯାଇଛି। ରାଷ୍ଟ୍ରପତି ମାକ୍ରୋନ୍ କହିଛନ୍ତି ଯେ, ନାଇଜରରେ ଆମର ରାଷ୍ଟ୍ରଦୂତ ଏବଂ କୂଟନୀତିଜ୍ଞ ମାନେ ଅଛନ୍ତି । ତାଙ୍କୁ ଫ୍ରାନ୍ସ ଦୂତାବାସରେ ବନ୍ଧକ ରଖାଯାଇଛି । ରାଷ୍ଟ୍ରଦୂତଙ୍କ ପର୍ଯ୍ୟନ୍ତ ଖାଦ୍ୟ ପହଞ୍ଚାଯିବାକୁ ମଧ୍ୟ ବାରଣ କରାଯାଇଛି । ଆମର ରାଷ୍ଟ୍ରଦୂତ ମାନେ ସାମରିକ ଶାସନ ଦ୍ୱାରା ପ୍ରଦାନ କରାଯାଇଥିବା ଖାଦ୍ୟ ଖାଉଛନ୍ତି । 

ଫ୍ରାନ୍ସର ରାଷ୍ଟ୍ରଦୂତଙ୍କ ସମେତ ଅନ୍ୟ କୂଟନୀତିଜ୍ଞଙ୍କୁ ଫେରାଇ ଆଣିବା ପ୍ରଶ୍ନରେ ମାକ୍ରୋନ୍ କହିଛନ୍ତି ଯେ, ଆମେ ଶୀଘ୍ର ରାଷ୍ଟ୍ରଦୂତଙ୍କୁ ଘରକୁ ଫେରାଇ ଆଣିବୁ। ଏହା ଉପରେ କାର୍ଯ୍ୟ ଚାଲିଛି । ସେମାନେ ନାଇଜରର ବୈଧ ପ୍ରାଧିକାରୀ । ମୁଁ ସେମାନଙ୍କ ସହିତ ପ୍ରତିଦିନ କଥାବାର୍ତ୍ତା କରୁଛି । 

ସୂଚନାଥାଉକି, ନାଇଜରରେ ହୋଇଥିବା ଆକ୍ରମଣ ପରେ ନାଇଜର ସରକାର ଏବଂ ଫ୍ରାନ୍ସ ମଧ୍ୟରେ ବିବାଦ ଜାରି ରହିଛି । କାରଣ, ବହିଷ୍କୃତ ତଥା ପୂର୍ବତନ ରାଷ୍ଟ୍ରପତି ବଜୌମଙ୍କୁ ଫ୍ରାନ୍ସ ସମର୍ଥନ କରୁଛି । ତେବେ ନାଇଜର ସରକାର ପୂର୍ବତନ ରାଷ୍ଟ୍ରପତି ବଜୌମଙ୍କୁ ବନ୍ଧକ ରଖିଛନ୍ତି । ଗଣମାଧ୍ୟମର ରିପୋର୍ଟ ଅନୁଯାୟୀ, ଆକ୍ରମଣ ପରେ ତୁରନ୍ତ ନାଇଜର ସୈନିକ ମାନେ ତାଙ୍କୁ ଦେଶ ଛାଡିବାକୁ ନିର୍ଦ୍ଦେଶ ଦେଇଛନ୍ତି। ତେବେ ପରେ ନାଇଜର ଇଟ୍ଟାଙ୍କ ଭିସା ବାତିଲ କରିଦେଇଥିଲା । 

 ନିକଟରେ ସେନା ନାଇଜରରେ ଏକ ଆକ୍ରମଣ କରିଥିଲା। ରାଷ୍ଟ୍ରପତି ମହମ୍ମଦ ବଜୌମଙ୍କ ସରକାରକୁ ସେମାନେ ହଟାଇ ଦେଇଛନ୍ତି ବୋଲି ନାଇଜର ସେନା ଦାବି କରିଛି । ସେମାନେ ରାଷ୍ଟ୍ରପତି ବଜୌମଙ୍କୁ କାରାଗାରରେ ରଖିଛନ୍ତି । ଜାତିସଂଘ-ଆମେରିକାର ହସ୍ତକ୍ଷେପକୁ ସୈନିକମାନେ ବିରୋଧ କରିଥିଲେ ଏବଂ ସେମାନଙ୍କୁ ଧମକ ମଧ୍ୟ ଦେଇଥିଲେ । 

 ତେବେ ନାଇଜର ସେନାର କର୍ଣ୍ଣେଲ ଟିଭିରେ ସିଧା ପ୍ରସାରଣ କରି କହିଥିଲେ ଯେ ସୁରକ୍ଷା ବ୍ୟବସ୍ଥା ଖରାପ ହେବା ସହ ଦେଶର ଖରାପ ଶାସନ ଯୋଗୁଁ ଆମେ ରାଷ୍ଟ୍ରପତିଙ୍କ ଶାସନକୁ ସମାପ୍ତ କରୁଛୁ । ନାଇଜରର ସୀମା ସିଲ୍ ହୋଇଛି । ବର୍ତ୍ତମାନ କେହି ଦେଶ ବାହାରକୁ ଯାଇପାରିବେ ନାହିଁ କିମ୍ବା ବାହାରୁ ଦେଶ ଭିତରକୁ ମଧ୍ୟ ପ୍ରବେଶ କରିପାରିବେ ନାହିଁ । ସମଗ୍ର ଦେଶରେ କର୍ଫ୍ୟୁ ଅଛି । ସରକାରୀ କର୍ମଚାରୀଙ୍କୁ ବରଖାସ୍ତ କରାଯାଇଛି ।


 

 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.