ୱାଶିଂଟନ୍‌,୦୮/୦୯: ଆମେରିକାର ନିର୍ବାଚନକୁ  ନେଇ ଭବିଷ୍ୟବାଣୀ କରୁଥିବା ଜଣେ ଚର୍ଚ୍ଚିତ  ଇତିହାସକାର ଆଲାନ୍‌ ଲିଚମ୍ୟାନ କମଳା ହାରିସଙ୍କ  ବିଜୟ ଦାବି କରିଛନ୍ତି । ନ୍ୟୁୟର୍କ ଟାଇମ୍ସ ମୁତାବକ ତାଙ୍କର  ଦାବି ଏଥିଲାଗି ଗୁରୁତ୍ୱପୂର୍ଣ୍ଣ ଯେ ସେ ବିଗତ ୪୦ ବର୍ଷ  ହେଲା କରିଥିବା ୧୦ରୁ ୯ଟି  ଭବିଷ୍ୟବାଣୀ ସତ ସାବ୍ୟସ୍ତ  ହୋଇଛି । ଲିଚମ୍ୟାନ୍‌  ସେହି ହାତଗଣତି ଲୋକଙ୍କ  ମଧ୍ୟରେ ସାମିଲ ଥିଲେ ଯେଉଁମାନେ ୨୦୧୬ରେ  ଟ୍ରମ୍ପ ଜିତିବା ନେଇ  ଭବିଷ୍ୟବାଣୀ କରିଥିଲେ ।  ଅବଶ୍ୟ ଜୁଲାଇରେ ବାଇଡେନ୍‌ ଯେତେବେଳେ ରାଷ୍ଟ୍ରପତି  ପଦ ରେସ୍‌ରୁ ବାହାରିଗଲେ ସେତେବେଳେ ସେ  ଏହି ନିଷ୍ପତ୍ତିକୁ ଡେମୋକ୍ରାଟିକ୍‌ ଦଳ ଲାଗି ଏକ ବଡ଼  ଭୁଲ୍‌ ବୋଲି କହିଥିଲେ । ଦେଢ଼ମାସ ପରେ ଏବେ  ଲିଚମ୍ୟାନ୍‌ଙ୍କ ସ୍ୱର ବଦଳିଯାଇଛି । ୫ ନଭେମ୍ବରରେ  ହେବାକୁ ଥିବା ନିର୍ବାଚନରେ କମଳା ହାରିସ୍‌ ଜିତିବେ  ବୋଲି ସେ ଦୃଢ଼ୋକ୍ତି କରିଛନ୍ତି ।