ପ୍ରମୁଖ ଖବର
  • ଜମ୍ମୁ-କାଶ୍ମୀରକୁ ଖୁବ୍‌ଶୀଘ୍ର ମିଳିବ ପୂର୍ଣ୍ଣ ରାଜ୍ୟ ମାନ୍ୟତା, ଉଦ୍ଧମପୁରରେ ପ୍ରଧାନମନ୍ତ୍ରୀଙ୍କ ବଡ଼ ଘୋଷଣା
  • ||
  • କାଳିକାଦେବୀ ସାହିରେ ବୁଲେ ମାଟିମଣ୍ଡପ ସାହି ପଟୁଆର, ଆଜି ବାଲିସାହି-ହରଚଣ୍ଡି ସାହି ଶାନ୍ତି କମିଟି ବୈଠକ
  • ||
  • ପ୍ୟାରିସ ଅଲିମ୍ପିକ୍ସ: ୧୭ରେ ବିକ୍ରି ହେବ ୨୫୦,୦୦୦ ଟିକେଟି
  • ||
  • ଗ୍ରୀଷ୍ମ ଛୁଟିରେ ଅନ୍‌ଲାଇନ୍‌ କ୍ଲାସ୍‌, ଆଜି ପ୍ରଧାନଶିକ୍ଷକମାନଙ୍କ ବୈଠକରେ ହେବ ଆଲୋଚନା
  • ||
  • ତୃତୀୟ ପର୍ଯ୍ୟାୟ ନିର୍ବାଚନ: ଶୁକ୍ରବାର ପ୍ରକାଶ ପାଇବ ବିଜ୍ଞପ୍ତି, ଆରମ୍ଭ ହେବ ନାମାଙ୍କନ ପ୍ରକିୟା
  • ||
  • ଜାତୀୟ ପଥପ୍ରାନ୍ତ ନାଟକ ଦିବସ: ସରକାରୀ ସ୍ୱୀକୃତିକୁ ଅପେକ୍ଷା, ଅନେକ ଦାବି ପରେ ବି ଅବହେଳିତ
  • ||
  • ଦିଲ୍ଲୀ ମଦ ନୀତି ମାମଲା: ଆଜି କୋର୍ଟରେ ହାଜର ହେବେ ବିଆର୍‌ଏସ୍‌ ନେତ୍ରୀ କେ.କବିତା, ରିମାଣ୍ଡ ଆବେଦନ କରିବ CBI
  • ||
  • IPL 2024: ସୁପରଜାଏଣ୍ଟ୍‌ସ - କ୍ୟାପିଟାଲ ଲଢ଼େଇ, ଏକାନ୍ନାରେ ଚ୍ୟାଲେଞ୍ଜ ହେବ ସ୍ପିନ
  • ||
  • ପୂର୍ବତନ ସ୍ୱାସ୍ଥ୍ୟମନ୍ତ୍ରୀ କମଳା ଦାସଙ୍କ ପରଲୋକ, ୭୯ ବର୍ଷ ବୟସରେ କଲେ ଶେଷ ନିଶ୍ୱାସ ତ୍ୟାଗ
  • ||
  • ବଦଳିବ ପାଣି ପାଗ ମିଜାଜ୍: ୪ ଦିନରେ ୮ ଡିଗ୍ରୀ ବଢ଼ିପାରେ ତାପମାତ୍ରା, ପୁଣି କଲବଲ କରିବ ତାତି
  • ||

ରାମଲୀଳା ମୈଦାନରେ ଏକାଠି ହେବ ବିରୋଧୀ ମେଣ୍ଟ ‘ଇଣ୍ଡିଆ’, ସାମିଲ୍ ହେବେ ୨୭ ଦଳ

ନୂଆଦିଲ୍ଲୀ, ୩୧/୦୩: ଦିଲ୍ଲୀର ରାମଲୀଳା ମୈଦାନରେ ଆଜି ଦମ୍ ଦେଖାଇବେ ବିରୋଧୀ । ଏକାଠି ହେବେ ୨୭ ଦଳ । ବିରୋଧୀ ମେଣ୍ଟ ‘ଇଣ୍ଡିଆ’ ଆଜି ରବିବାର ଦିନ ୧୧ଟାରୁ ରାମଲୀଳା ମୈଦାନରୁ ଋଣହୁଙ୍କାର ଦେବ । ଇଣ୍ଡିଆ ମେଣ୍ଟର ମହାରାଲି ନେଇ କଂଗ୍ରେସ ସାଧାରଣ ସମ୍ପାଦକ ଜୟରାମ ରମେଶ କହିଛନ୍ତି, ଏଆଇସିସି ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ଓ ରାହୁଲ୍ ଗାନ୍ଧୀ ସଭାକୁ ସମ୍ବୋଧିତ କରିବେ । ରାଲିରେ ସାମିଲ୍ ହୋଇ ପାରନ୍ତି ସୋନିଆ ଗାନ୍ଧୀ ।

ଜୟରାମ ରମେଶ କହିଛନ୍ତି, ଏହା କୌଣସି ବ୍ୟକ୍ତି ବିଶେଷଙ୍କ ରାଲି ନୁହେଁ । ତେଣୁ ଏହା ରାଲିର ନାଁ ଗଣତନ୍ତ୍ର ବଞ୍ଚାଅ ରାଲି ରଖା ଯାଇଛି । ଏହା କୌଣସି ଗୋଟିଏ ଦଳର ରାଲି ନୁହେଁ । ଏଥିରେ ପ୍ରାୟ ୨୭ରୁ ୨୮ଟି ରାଜନୈତିକ ଦଳ ସାମିଲ୍ ହେବେ । ଇଣ୍ଡିଆ ମେଣ୍ଟର ସମସ୍ତ ଦଳ ଏଥିରେ ଯୋଗ ଦେବେ । ରାଲି ଜରିଆରେ ମେଣ୍ଟ ଏକତାର ବାର୍ତ୍ତା ଦେବ ।

ବଢ଼ୁଥିବା ଦରଦାମ, ୪୫ ବର୍ଷରେ ସବୁଠୁ ଅଧିକ ବେରୋଜଗାରୀ, ଆର୍ଥିକ ଅସମାନତା, ସାମାଜିକ ଅସମାନତା, କୃଷକଙ୍କ ପ୍ରତି ଅନ୍ୟାୟ ଆଦି ପ୍ରସଙ୍ଗ ଉଠାଇବ ବିରୋଧୀ ମେଣ୍ଟ । ଏହା ଛଡ଼ା କେନ୍ଦ୍ରୀୟ ତଦନ୍ତକାରୀ ସଂସ୍ଥାର ଦୁରୂପଯୋଗ କରି କିଭଳି ବିରୋଧୀଙ୍କୁ ଟାର୍ଗେଟ୍ କରାଯାଉଛି ସେ ପ୍ରସଙ୍ଗ ଉଠାଯିବ । ରମେଶ ଅଭିଯୋଗ କରିଛନ୍ତି, ଏଭଳି ଭାବେ ବିରୋଧୀ ଦଳକୁ ଟାର୍ଗେଟ୍ କରି ୨ ମୁଖ୍ୟମନ୍ତ୍ରୀ ଓ ଏକାଧିକ ମନ୍ତ୍ରୀଙ୍କୁ ଗିରଫ କରାଯାଇଛି । ନିର୍ବାଚନୀ ବଣ୍ଡ ମାଧ୍ୟମରେ ଜବରଦସ୍ତି ଚାନ୍ଦା ଆଦାୟ କଥା ଉଠାଯିବ ।

ରାଲିରେ ଝାଡ଼ଖଣ୍ଡ ମୁଖ୍ୟମନ୍ତ୍ରୀ ଚମ୍ପାଇ ସୋରେନ୍, ଏନସିପି (ଏସପି) ମୁଖ୍ୟ ଶରଦ ପାୱାର, ଆରଜେଡି ନେତା ତେଜସ୍ୱୀ ଯାଦବ, ସିପିଆଇ (ଏମ୍) ସାଧାରଣ ସମ୍ପାଦକ ସୀତାରାମ ୟେଚୁରି, ସିପିଆଇ ସାଧାରଣ ସମ୍ପାଦକ ଡି. ରାଜା, ନ୍ୟାସନାଲ୍ କନଫରେନ୍ସ ନେତା ଫାଋକୁ ଅବଦ୍ଦୁଲା, ପିଡିପି ମୁଖ୍ୟ ମେହବୁବା ମୁଫତି, ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବଙ୍କ ସହ ଡିଏମକେ ଓ ଟିଏମସି ନେତା ସାମିଲ୍ ହେବେ ।

ଏହା ଛଡ଼ା ହେମନ୍ତ ସୋରେନଙ୍କ ପତ୍ନୀ କଳ୍ପନା ସୋରେନ୍ ରାଲିରେ ସାମିଲ୍ ହେବେ । ଜାନୁଆରୀ ୩୧ରେ ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଇଡି ଜମି ଦୁର୍ନୀତି ମାମଲାରେ ଗିରଫ କରିଥିଲା । ଶନିବାର କଳ୍ପନା ଦିଲ୍ଲୀ ପହଞ୍ଚିବା ପରେ ଅରବିନ୍ଦ କେଜ୍ରିୱାଲଙ୍କ ପତ୍ନୀ ସୁନୀତାଙ୍କୁ ଭେଟିଥିଲେ । ମାର୍ଚ୍ଚ ୨୧ରେ ଇଡି ମଦ ଦୁର୍ନୀତି ମାମଲାରେ ଅରବିନ୍ଦ କେଜ୍ରିୱାଲଙ୍କୁ ଗିରଫ କରିଥିଲା ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.