ପ୍ରମୂଖ ଖବର
  • ସିଂହଦ୍ବାର ସମ୍ମୁଖରେ ଲାଗିଲା ତିନି ରଥ, ଗୁଣ୍ଡିଚା ଯାତ୍ରା ସାରି ବାହୁଡ଼ିଲେ ଶ୍ରୀଜିଉ
  • ||
  • ପୁରୀ: ନବଦିନାତ୍ମକ ଯାତ୍ରା ସାରି ବାହୁଡିବେ ନୀଳାଦ୍ରିନାଥ, ବାହୁଡ଼ାଦିଅଁଙ୍କ ପହଣ୍ଡି ବିଜେ
  • ||
  • ସୁନ୍ଦରଗଡ଼: ପ୍ରେମ କଳିକୁ ନେଇ ଡବଲ ମର୍ଡର, ପ୍ରେମିକା ଓ ତାର ସହପାଠୀକୁ ଛୁରୀ ଭୁସି ହତ୍ୟା କଲା ଡ୍ରାଇଭର୍ ପ୍ରେମିକ
  • ||
  • ଭୁବନେଶ୍ୱର: କଳାଭୂମି ନିକଟରେ ବୃଦ୍ଧଙ୍କ ଉପରେ ମାଡିଗଲା ବାଲି ବୋଝେଇ ଟ୍ରକ୍‌, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ୱିମ୍ବଲଡନ ଟାଇଟଲ ଲଢ଼େଇ: ଭେଟେରାନ ଜୋକୋଭିକଙ୍କୁ ହରାଇ କାର୍ଲୋସ ଅଲକାରାଜ ଚାମ୍ପିଅନ୍
  • ||
  • ସୋମବାରଠୁ ସିବିଏସ୍‌ଇ ସପ୍ଲିମେଣ୍ଟାରୀ ପରୀକ୍ଷା, ଉଭୟ ଦଶମ ଓ ଦ୍ୱାଦଶ ଛାତ୍ରଛାତ୍ରୀ ଦେବେ ଏକ୍ସଜାମ୍
  • ||
  • ବଙ୍ଗୋପସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ: ଆଜି ଦକ୍ଷିଣ- ଉତ୍ତର ଓଡ଼ିଶାରେ ପ୍ରବଳ ବର୍ଷା ସମ୍ଭାବନା
  • ||
  • ଜନ୍ମବେଦିରୁ ଶ୍ରୀମନ୍ଦିରକୁ ବାହୁଡିବେ ଚତୁର୍ଦ୍ଧାମୂର୍ତ୍ତି: ୧୨ଟାରେ ପହଣ୍ଡି, ୪ଟାରେ ରଥ ଟଣା
  • ||

ଶନିବାର ଜିମ୍ବାୱେ-ଭାରତ ପ୍ରଥମ ଟି-ଟ୍ୱେଣ୍ଟି ମୁକାବିଲା, ଗିଲ୍‌ଙ୍କ ନେତୃତ୍ୱରେ ମଇଦାନକୁ ଓହ୍ଲାଇବ ଯୁବ ବାହିନୀ

ହରାରେ, ୦୬/୦୭: ଟି-ଟ୍ୱେଣ୍ଟି  ବିଶ୍ୱକପ୍‌ ଚାମ୍ପିଅନ୍‌ ହେବା ପରେ ଭାରତ ଘରୋଇ ଜିମ୍ବାୱେ ବିପକ୍ଷରେ ପ୍ରଥମ ସିରିଜ ଖେଳିବାକୁ ଯାଉଛି । ଶନିବାର ହରାରେ ସ୍ପୋର୍ଟ୍ସ କ୍ଲବ୍‌ ଗ୍ରାଉଣ୍ଡ୍‌ରେ ଉଭୟ ଦଳ ମଧ୍ୟରେ ପ୍ରଥମ ଟି-ଟ୍ୱେଣ୍ଟି  ଖେଳାଯିବ । ଏହି ମ୍ୟାଚ୍‌ ଅପରାହ୍ଣ  ୪.୩୦(ଭାରତୀୟ ସମୟ)ରୁ ଆରମ୍ଭ  ହେବ । ଉଭୟ ଦଳ ବିଜୟ ସହ ଅଭିଯାନ ଆରମ୍ଭ କରିବାକୁ ଲକ୍ଷ୍ୟ ରଖିଛନ୍ତି । 

ବିଶ୍ୱକପ୍‌ ଶେଷ ହେବା ସହ  ଭାରତର ଷ୍ଟାର୍‌ ଖେଳାଳି ରୋହିତ ଶର୍ମା, ବିରାଟ କୋହଲି ଓ ରବୀନ୍ଦ୍ର ଜାଡ଼େଜା ଟି-ଟ୍ୱେଣ୍ଟିରୁ ଅବସର ଘୋଷଣା କରିଥିଲେ ।  ମୁଖ୍ୟ କୋଚ୍‌ ରାହୁଲ ଦ୍ରାବିଡ଼ଙ୍କ କାର୍ଯ୍ୟକାଳ  ମଧ୍ୟ ଶେଷ ହୋଇଥିଲା । ବିଶ୍ୱକପ୍‌  ଚାଲିଥିବାବେଳେ ବିସିସିଆଇ ଜିମ୍ବାୱେ  ଗସ୍ତ ପାଇଁ ଏକ ଯୁବ ଦଳ ଘୋଷଣା  କରିଥିଲା । ଶନିବାର ଟି-ଟ୍ୱେଣ୍ଟିରେ  ଭାରତର ନୂଆ ଯୁଗ ଆରମ୍ଭ ହେବ । କାମଚଳା କୋଚ୍‌ ଭିଭିଏସ୍‌ ଲକ୍ଷ୍ମଣ ଏବଂ  ଅଧିନାୟକ ଶୁଭମନ ଗିଲ୍‌ଙ୍କ ନେତୃତ୍ୱରେ ଯୁବ ଦଳ ଶ୍ରେଷ୍ଠ ପ୍ରଦର୍ଶନ କରିବାକୁ ଲକ୍ଷ୍ୟ ରଖିଛି । ଟି-ଟ୍ୱେଣ୍ଟି ଦଳର ଭବିଷ୍ୟତ ବୋଲି ବିବେଚନା କରାଯାଉଥିବା  ଖେଳାଳିଙ୍କ ପାଇଁ ଏହି ସିରିଜ ପରୀକ୍ଷା  ସଦୃଶ ହେବ । ଶନିବାର ଯୁବ ଓପନର  ଅଭିଷେକ ଶର୍ମା ଓ ରିୟାନ ପରାଗ  ପଦାର୍ପଣ କରିବା ଏକପ୍ରକାର ନିଶ୍ଚିତ । 

ପ୍ରଥମ ଟି-ଟ୍ୱେଣ୍ଟି ପାଇଁ ଭାରତର ସମ୍ଭାବ୍ୟ ଏକାଦଶ ଆକଳନ କରିବା  ମୁସ୍କିଲ ହେବ । ଗିଲ୍‌ଙ୍କ ସହ ଗତ ଆଇପିଏଲ୍‌ରେ ବିସ୍ଫୋରକ ବ୍ୟାଟିଂ କରି  ଆତଙ୍କ ଖେଳାଇଥିବା ଅଭିଷେକ ଓପନ  କରିବା ଆଶା କରାଯାଉଛି । ଫଳରେ  ଋତୁରାଜ ଗାଏକୱାଡ୍‌ ୩ନଂ ସ୍ଥାନରେ ବ୍ୟାଟିଂ କରିବେ। ଏହାପରେ ରିୟାନ  ପରାଗ, ରିଙ୍କୁ ସିଂହ, ଧ୍ରୁବ ଜୁରେଲ  ମଧ୍ୟଭାଗ ସମ୍ଭାଳିବେ। ରବି ବିଷ୍ଣୋଇଙ୍କ  ସମେତ ୱାସିଂଟନ ସୁନ୍ଦର ସ୍ପିନ୍‌ ବିଭାଗ ଏବଂ ଅଭେଶ ଖାନ, ଖଲିଲ ଅହମ୍ମଦ  ମୁକେଶ କୁମାର ପେସ୍‌ ବିଭାଗ ସମ୍ଭାଳିବେ। 

ଜିମ୍ବାୱେ ଏକ ଟାଣୁଆ ଦଳ ଗଠନ କରିଛି । ଷ୍ଟାର୍‌ ଅଲରାଉଣ୍ଡର  ସିକନ୍ଦର ରାଜା ଦଳର ନେତୃତ୍ୱ ନେବେ । ଦଳରେ ପ୍ରତିଭାବାନ ଅଲରାଉଣ୍ଡର ରହିଛନ୍ତି । ବୋଲିଂ ବିଭାଗରେ ବ୍ଲେସିଂ ମୁଜାରାବାନି ଓ ରିଚାର୍ଡ ନଗରଭାଙ୍କ  ଉପରେ ସମସ୍ତଙ୍କ ନଜର ରହିବ । 

ରେକର୍ଡ଼ ଭାରତ ସପକ୍ଷରେ ରହିଛି ।  ଟି-ଟ୍ୱେଣ୍ଟିରେ ଉଭୟ ଦଳ ୮ଥର  ପରସ୍ପରକୁ ଭେଟିଛନ୍ତି । ଏଥିରେ ଭାରତ  ୬ଟି ମ୍ୟାଚ୍‌ ଜିତିଥିବାବେଳେ ଜିମ୍ବାୱେ  ୨ଟିରେ ବିଜୟ ହାସଲ କରିଛି । ୨୦୨୨  ଟି-ଟ୍ୱେଣ୍ଟି ବିଶ୍ୱକପ୍‌ରେ ଉଭୟ ଦଳ  ଶେଷ ଥର ଟି-ଟ୍ୱେଣ୍ଟିରେ ସାମ୍ନାସାମ୍ନି  ହୋଇଥିଲେ । ରୋହିତ ଶର୍ମାଙ୍କ  ନେତୃତ୍ୱାଧିନ ଭାରତୀୟ ଦଳ ୭୧ରନ୍‌ରେ  ଏହି ମ୍ୟାଚ୍‌ ଜିତିଥିଲା । ଉକ୍ତ ମ୍ୟାଚ୍‌ରେ ସୂର୍ଯ୍ୟକୁମାର ଯାଦବ ୨୫ଟି ବଲ୍‌ରୁ  ୬୧ରନ୍‌ର ଧୂଆଁଧାର ଇନିଂସ୍‌ ଖେଳିଥିଲେ । 

ପିଚ୍‌: ହରାରେ ସ୍ପୋର୍ଟ୍ସ କ୍ଲବ୍‌  ଗ୍ରାଉଣ୍ଡ୍‌ ଉଭୟ ବ୍ୟାଟିଂ ଓ ବୋଲିଂ ପାଇଁ  ଅନୁକୂଳ । ଏଠାରେ ମୋଟ ୪୧ଟି  ଟି-ଟ୍ୱେଣ୍ଟି ଖେଳାଯାଇଥିଲା । ପ୍ରଥମେ  ବ୍ୟାଟିଂ କରିଥିବା ଦଳ ୨୩ଟି ମ୍ୟାଚ୍‌  ଜିତିଛନ୍ତି । ଭାରତ ଏହି ଗ୍ରାଉଣ୍ଡରେ  ୮ଟି ଟି-ଟ୍ୱେଣ୍ଟି ଖେଳି ୭ଟିରେ ବିଜୟୀ  ହୋଇଛି । ଟସ୍‌ ଜିତି ବିଜୟୀ ଦଳ  ବ୍ୟାଟିଂ ନିଷ୍ପତ୍ତି ନେବା ଫଳପ୍ରଦ ହେବ ।

ସମ୍ଭାବ୍ୟ ଦଳ

ଜିମ୍ବାୱେ: ବେନେଟ ବ୍ରାଏନ,  ତଡ଼ିୱାନଶେ ମରୁମାନି, ଇନୋସେଣ୍ଟ  କାଇଆ, ୱେସଲି ମଧେବୀର,  ସିକନ୍ଦର ରାଜା (ଅଧିନାୟକ),  କ୍ଲାଇଭ ମଡାଣ୍ଡେ, କ୍ୟାମ୍ପବେଲ  ଜନାଥନ, ଲ୍ୟୁକ୍‌ ଜଙ୍ଗୱେ, ୱେଲିଂଟନ  ମାସାକାଜା, ରିଚାର୍ଡ ନଗରଭା, ବ୍ଲେସିଂ  ମୁଜାରାବାନି । 

ଭାରତ: ଶୁଭମନ ଗିଲ୍‌, ଅଭିଷେକ  ଶର୍ମା, ଋତୁରାଜ ଗାଏକୱାଡ,  ରିୟାନ ପରାଗ, ରିଙ୍କୁ ସିଂହ, ଧ୍ରୁବ  ଜୁରେଲ/ଜିତେଶ ଶର୍ମା, ୱାସିଂଟନ ସୁନ୍ଦର, ରବି ବିଷ୍ଣୋଇ, ଅଭେଶ  ଖାନ, ଖଲିଲ ଅହମ୍ମଦ, ମୁକେଶ  କୁମାର/ତୁଷାର ଦେଶପାଣ୍ଡେ ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.