ଧର୍ମଗଡ଼ ୦୪/୦୩ : ଇନ୍ଦ୍ରାବତୀ ଦକ୍ଷିଣ କେନାଲାରେ ଘାଇ। କଲମପୁର ବ୍ଲକ ଦେପୁର ଗାଁ ନିକଟରେ ଭୁଶୁଡିଲା ମୁଖ୍ୟ କେନାଲ। ୨୦ ଫୁଟର ଘାଇ ହେବା ଫଳରେ ପାଖ ଆଖ ଅଞ୍ଚଳ କୃତ୍ରିମ ବନ୍ୟା ସୃଷ୍ଟି ହୋଇଛି। ଏପିରିକି ଘରେ ଘରେ ପାଣି ପଶିଛି ପାଣି ।
ସୂଚନା ମୁତାବିକ, ରବିବାର ବିଳମ୍ବିତ ରାତିରେ ଦେପୁର ଗାଁ ନିକଟରେ ଇନ୍ଦ୍ରାବତୀ ଦକ୍ଷିଣ କେନାଲରେ ଘାଇ ହୋଇଥିଲା । ରାତିରେ ସମସ୍ତେ ଶୋଇଥିବା ବେଳେ ହଠାତ୍ ଗାଁ ଭିତରେ ପାଣି ପଶିଯାଇଥିଲା । ଘର ଭିତରେ ପାଣି ଦେଖି ଲୋକମାନେ କୌଣସି କ୍ରମେ ଘର ବାହାରକୁ ଦୌଡ଼ିାବରେ ଲାଗିଥିଲେ । ଏପିରିକି ଘରର ଆଜବେଷ୍ଟ ଭାଙ୍ଗି ବାହାରକୁ ଆସିଥିଲେ । ଘର ସମସ୍ତ ଆସବାବପତ୍ର ପାଣିରେ ଭାସି ଯାଇଥିଲା
ସେପଟେ କେନାଲ ବନ୍ଧ ଭାଙ୍ଗିବା ପରେ ଗାଁ ରାସ୍ତାରେ ୫ ଫୁଟ୍ ପାଣି ଚାଲିଛି । ଲୋକଙ୍କ ଘରେ ପାଣି ପଶି ଅନେକ ସାମଗ୍ରୀ ଏବଂ ଆସବାବପତ୍ର ନଷ୍ଟ ହୋଇଛି । ତେବେ ଲୋକଙ୍କ ଘରେ ପାଣି ପଶିଥିବା ବେଳେ ଏବେ ଯାଏଁ କୌଣସି ପ୍ରଶାସନିକ ଅଧିକାରୀ ଗାଁରେ ପହଞ୍ଚିନଥିବା ସୂଚନା ମିଳିଛି ।