ବେଙ୍ଗୁଲୁରୁ : ଜଣେ ଇନଷ୍ଟାଗ୍ରାମ୍ ଇନଫ୍ଲୁଏନ୍ସରଙ୍କର ଏକ ଭିଡ଼ିଓ ପୋଷ୍ଟକୁ ନେଇ ଆରମ୍ଭ ହୋଇଛି ହଙ୍ଗାମା। ସେ ଦାବି କରିଥିଲେ କି, ଯଦି ସବୁ ଉତ୍ତର ଭାରତୀୟଙ୍କୁ ସହର ଛାଡ଼ିବାକୁ କୁହାଯାଏ ତ, ଦକ୍ଷିଣ ଭାରତୀୟ ସହର ବେଙ୍ଗାଲୁରୁ ଖାଲି ହୋଇ ଯିବ। ଏହାକୁ ହଙ୍ଗାମା ସୃଷ୍ଟି ହୋଇଥିଲା। ଏହାପରେ ସେ ଆଉ ଏକ ଭିଡ଼ିଓ ପୋଷ୍ଟ କରି କହିଥିଲେ କି, ତାଙ୍କୁ ବେଙ୍ଗାଲୁରୁକୁ ବହୁତ ଭଲ ଲାଗେ। ଏମିତି ଲାଗୁଛି କି ମୂଳ ଭିଡ଼ିଓକୁ ହଟେଇ ଦିଆଯାଇଛି।
ଦକ୍ଷିଣୀ ରାଜ୍ୟ କର୍ଣ୍ଣାଟକର କିଛି ପ୍ରସିଦ୍ଧ ବ୍ୟକ୍ତିଙ୍କ ସହ ଅନ୍ୟ ଲୋକଙ୍କ ପକ୍ଷରୁ ଏହି କଡ଼ା ପ୍ରତିକ୍ରିୟା ସେତେବେଳେ ଆସିଲା , ଯେବେ ଡିଜିଟାଲ କଣ୍ଟେଣ୍ଟ ନିର୍ମାତା ସୁଗନ୍ଧ ଶର୍ମା ଏକ ଭିଡ଼ିଓରେ କହିଥିଲେ କି, ଯଦି ପ୍ରବାସୀ ଚାଲିଯିବେ ତ ବେଙ୍ଗାଲୁରୁ ନିଜର ଆକର୍ଷଣ ହରାଇ ଦେବ।
ଶର୍ମା ଭିଡ଼ିଓରେ କହିଥିଲେ, ଆମକୁ ଛାଡ଼ିବାକୁ କହିବା ପୂର୍ବରୁ କନ୍ନଡ ଲୋକଙ୍କୁ ଏହା ବୁଝିବା ଉଚିତ୍। ଯାହାର ଶୀର୍ଷକ ସେ ରଖିଛନ୍ତି - " ବେଙ୍ଗାଲୁରୁ ସମସ୍ତଙ୍କର , କେବଳ ଜଣେ ବ୍ୟକ୍ତିଙ୍କର ନୁହେଁ " । ସେ ଦାବି କରିଛନ୍ତି କି ପଞ୍ଜାବୀ ସଙ୍ଗୀତରେ ନୃତ୍ୟ କରୁଥିବା ସୁନ୍ଦରୀ ଯୁବତୀମାନେ ସହରରେ ଦେଖା ଯିବେ ନାହିଁ। ପେଇଁ ଗେଷ୍ଟ ନିବାସ ( ପିଜି) ଓ କ୍ଲବ ଶୂନଶାନ ହୋଇ ଯିବ ଏବଂ ଲୋକଙ୍କୁ ଉତ୍ତର ଭାରତୀୟଙ୍କ ବିନା ଭଡ଼ାର ଆୟ ମିଳିବ ନାହିଁ ।
ଅନେକ ଲୋକ ଏହାକୁ ସହରର ସଂସ୍କୃତି ଓ ଐତିହ୍ୟ ପ୍ରତି ଅପମାନଜନକ ମନେକରିଛନ୍ତି। ଅନେକ ପ୍ରସିଦ୍ଧ ବ୍ୟକ୍ତିମାନେ ଓ ସାଧାରଣ ନାଗରିକମାନେ ଶର୍ମାଙ୍କ ପୋଷ୍ଟକୁ ନିନ୍ଦା କରିଛନ୍ତି। ଅଭିନେତା ଓ ରାପ୍ର ଚନ୍ଦନ ଶେଟ୍ଟୀ , ଅଭିନେତ୍ରୀ ଚୈତ୍ରା ଆଚାର ଓ ଅନୁପମା ଗୌଡ଼ା ଏବଂ ବିଗ୍ ବସ୍ର ଫେମ୍ ରୁପେଶ ରାଜନ୍ନା ଓ ଧନରାଜ ମଧ୍ୟ ଭିଡ଼ିଓକୁ ନେଇ ଅଭିଯୋଗ କରିଛନ୍ତି।
ଶେଟ୍ଟୀ ଭିଡ଼ିଓକୁ ପବ୍ଲିସିଟି ଷ୍ଟଣ୍ଟ ଭାବେ ଦର୍ଶାଇଛନ୍ତି । ଅନ୍ୟପଟେ ଗୌଡା ବେଙ୍ଗୁଲୁରୁର ବହୁସାଂସ୍କୃତିକ ବାତାବରଣରେ ସାମଞ୍ଜସ୍ୟ ବଜାୟ ରଖିବାର ଆବଶ୍ୟକତା ଉପରେ ଜୋର ଦେଇଛନ୍ତି। ଚୈତ୍ରା ଆଚାର କହିଛନ୍ତି,ଯଦି ଆପଣ ସତରେ ଛାଡ଼ି ପାରନ୍ତି ତ ଏକ ପ୍ରୟୋଗ ଭାବେ ଛାଡ଼ି ଦିଅନ୍ତୁ ଏବଂ ଦେଖିବା ବେଙ୍ଗାଲୁରୁ କେତେ ଖାଲି ହୋଇ ଯାଉଛି। ଆମେ ଏହି ଖାଲିପଣ ସହ ବଞ୍ଚି ପାରିବୁ।
ଜଣେ ଇନଷ୍ଟାଗ୍ରାମ୍ ୟୁଜର ଲେଖିଛନ୍ତି , ଆମେ ନିଜର ବେଙ୍ଗାଲୁରୁକୁ ଏମିତି ଲୋକଙ୍କ ବିନା ଦେଖିବାକୁ ଖୁବ୍ ଅପେକ୍ଷା କରିଛୁ ଷ ଯିଏ ବେଙ୍ଗାଲୁରୁ କାରଣରୁ ମିଳିଥିବା ଜୀବନଶୈଳୀ ପାଇଁ ମଧ୍ୟ କୃତଜ୍ଞ ନୁହେଁ …ନିଜର ପୂରା ଦଳକୁ ଏଠାରୁ ନେଇଯାଅ …ବାସ୍ତବିକ କନ୍ନଡ ଲୋକଙ୍କ ଉପରେ କୌଣସି ଫରକ ପଡ଼ିବ ନାହିଁ ।
ଏଭଳି ଅନେକ ତଡ଼ା ପ୍ରତିକ୍ରିୟା ପରେ , ଇନଫ୍ଲୁଏନ୍ସର ରବିବାର (୨୨ ସେପ୍ଟେମ୍ୱର)ରେ ଏକ ନୂଆ ପୋଷ୍ଟରେ ଲେଖିଛନ୍ତି – ମୋର ବେଙ୍ଗାଲୁରୁ ପ୍ରତି ଭଲ ପାଇବା ଅଚି , ଏଥିପାଇଁ ଘୃଣା ପ୍ରସାର କରନ୍ତୁ ନାହିଁ ।
