ପ୍ରମୁଖ ଖବର
  • କଂଗ୍ରେସ ସ୍କ୍ରିନିଂ କମିଟି ବୈଠକ, ୧୫ ସୁଦ୍ଧା ଘୋଷେଣା ହେବ ପ୍ରାର୍ଥୀ ତାଲିକା
  • ||
  • କ୍ୟାପିଟାଲ ହସ୍ପିଟାଲରେ ମହିଳାଙ୍କୁ ଦୁର୍ବ୍ୟବହାର, ଧାରଣାରେ ବସିଲେ ସିକ୍କ୍ୟୁରିଟ୍ ଓ ସଫୋଇ କର୍ମୀ
  • ||
  • ବିଜେଡି ଛାଡିଲେ ପୂର୍ବତନ ରାଜ୍ୟ ଯୁବ ଉପସଭାପତି ରାକେଶ ନାୟକ
  • ||
  • ଆଜି ଆସିବ ବିଜେପି ଦ୍ବିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା, ଘୋଷଣା ହୋଇପାରେ ୨୫ ପ୍ରାର୍ଥୀଙ୍କ ନା
  • ||
  • ରୋଷେୟାକୁ ହାଣିଲା ହୋଟେଲ ମାଲିକ, ଅଭିଯୁକ୍ତଙ୍କୁ ବାନ୍ଧିଲା ପୋଲିସ
  • ||
  • ଅବକାରୀ ବିଭାଗ ହାଜତରେ ଥାର୍ଡ ଡିଗ୍ରୀ ! ମଦ ବ୍ୟବସାୟୀ ଗୁରୁତର, ହତ୍ୟା ଉଦ୍ୟମ ଅଭିଯୋଗ
  • ||
  • ବେଲଗାମ ବୟାନ ଉପରେ ଲାଗିବ ଅଙ୍କୁଶ, ନିର୍ବାଚନ କମିଶନ ଆଣିବେ ନୂଆ ମାର୍ଗଦର୍ଶିକା
  • ||
  • ମାର୍ଗଦର୍ଶିକା ଜାରି କଲେ କେନ୍ଦ୍ର ସରକାର ଇସ୍ରାଏଲ, ଇରାନକୁ ଯାତ୍ରା ବାରଣ
  • ||
  • ୭୭ବର୍ଷରେ ପାଦ ଦେଲା ସ୍ୱପ୍ନର ସହର ଭୁବନେଶ୍ୱର, ୧୯୪୮ ମସିହାରେ ହୋଇଥିଲା ଗଠନ
  • ||
  • IPL 2024: ପଞ୍ଜାବ କିଙ୍ଗ୍‌ସ- ରାଜସ୍ଥାନ ରୟାଲ୍ସ ମୁକାବିଲା, ମୁଲନପୁରରେ ହେବ ପେସ୍‌ ଟେଷ୍ଟ୍‌
  • ||
  • ଶନିବାରଠୁ ୬ ଦିନ ଜଳାଇବ ତାତି, ୬ରୁ ୮ ଡିଗ୍ରୀ ବଢ଼ିଯିବ ତାପମାତ୍ରା;୧୪ରୁ ପୁଣି ନିର୍ଘାତ ଖରା
  • ||

IPL ୨୦୨୪: ମୁମ୍ବାଇ ଇଣ୍ଡିଆନ୍ସକୁ ଝଟକା, ଏବେ ଫେରିବେନି ସୂର୍ଯ୍ୟକୁମାର ଯାଦବ

ମୁମ୍ବାଇ, ୨୮/୦୩: ସନରାଇଜର୍ସ ହାଇଦ୍ରାବାଦ ଠାରୁ ହାରିବା ପରେ ଚାପଗ୍ରସ୍ତ ମୁମ୍ବାଇ ଇଣ୍ଡିଆନ୍ସର ଚିନ୍ତା ବଢ଼ିଛି । ଟିମର ଷ୍ଟାର ବ୍ୟାଟ୍ସମ୍ୟାନ୍ ସୂର୍ଯ୍ୟକୁମାର ଯାଦବ ଏବେ ପର୍ଯ୍ୟନ୍ତ ଫିଟ୍ ହୋଇ ନାହାନ୍ତି । ତେଣୁ ସେ ଆଗାମୀ କିଛି ମ୍ୟାଚ୍ ଖେଳି ପାରିବେ ନାହିଁ । ଆଉ ଖବର ନିଶ୍ଚୟ ବଢ଼ାଇଥିବ ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ହୃଦସ୍ପନ୍ଦନ । କାରଣ ଆଇପିଏଲର ୧୭ତମ ସଂସ୍କରଣରେ ମୁମ୍ବାଇ ଏଯାବତ୍ ଖାତା ଖୋଲି ପାରି ନାହିଁ । ଆଇପିଏଲ୍ ୨୦୨୪ରେ ମୁମ୍ବାଇ ଇଣ୍ଡିଆନ୍ସ ୨ଟି ମ୍ୟାଚ୍ ଖେଳିଥିବା ବେଳେ ପରାଜୟ ବରଣ କରିଛି ।

ମିଷ୍ଟର ୩୬୦ ଡିଗ୍ରୀ ନାଁରେ ପରିଚିତ ସୂର୍ଯ୍ୟକୁମାର ଯାଦବ ସର୍ଜରୀ ପରେ ସମ୍ପୂର୍ଣ୍ଣ ଠିକ୍ ହୋଇ ନାହାନ୍ତି । ଆଇପିଏଲର ଆଉ କେତେକ ମ୍ୟାଚ୍ ମଧ୍ୟ ଖେଳି ପାରିବେ ନାହିଁ । ତେବେ ରାଷ୍ଟ୍ରୀୟ କ୍ରିକେଟ୍ ଏକାଡେମୀ ସୂର୍ଯ୍ୟକୁମାରଙ୍କ ଉପରେ ପୂରା ନଜର ରଖିଛି । ମୁମ୍ବାଇ ଇଣ୍ଡିଆନ୍ସ ଚଳିତ ଆଇପିଏଲରେ ୨ଟି ମ୍ୟାଚ୍ ଖେଳିଥିବା ବେଳେ ଅସୁସ୍ଥତା ଯୋଗୁଁ ସୂର୍ଯ୍ୟକୁମାର ଗୋଟିଏ ମ୍ୟାଚରେ ସାମିଲ୍ ହୋଇ ନାହାନ୍ତି ।

ବିସିସିଆଇ ସୂତ୍ର ଅନୁସାରେ, ସୂର୍ଯ୍ୟକୁମାର ଯାଦବଙ୍କ ସ୍ୱାସ୍ଥ୍ୟବସ୍ଥାରେ ଉନ୍ନତି ଆସୁଛି । ସେ ଶୀଘ୍ର ମୁମ୍ବାଇ ଇଣ୍ଡିଆନ୍ସକୁ ଫେରି ଆସିବେ । ତେବେ ମୁମ୍ବାଇ ଇଣ୍ଡିଆନ୍ସ ସହ ପ୍ରଥମ ୨ଟି ମ୍ୟାଚ୍ ଖେଳି ପାରି ନଥିବା ସୂର୍ଯ୍ୟକୁମାର ଆଉ କେତକ ମ୍ୟାଚରୁ ଦଳରୁ ବାହାରେ ରହି ପାରନ୍ତି ।

ସୂର୍ଯ୍ୟକୁମାର ଯାଦବଙ୍କ ଅନୁପସ୍ଥିତି ମୁମ୍ବାଇ ଇଣ୍ଡିଆନ୍ସ ଅନୁଭବ କରୁଥିବା ବେଳେ ବିସିସିଆଇ କୌଣସି ମତେ ଏହାକୁ ହାଲୁକାରେ ନେଉ ନାହିଁ । କାରଣ ଜୁନରେ ୱେଷ୍ଟଇଣ୍ଡିଜ୍ ଓ ଆମେରିକାର ଟି-ଟ୍ୱେଣ୍ଟି ବିଶ୍ୱକପ୍ ହେବାକୁ ଯାଉଛି । ବିଶ୍ୱକପରେ ସୂର୍ଯ୍ୟକୁମାର ଯାଦବ ବଡ଼ ଭୂମିକା ନିଭାଇବେ ବୋଲି ଆଶା ରହିଥିବା ବେଳେ ସେ ଏବେ ଅସୁସ୍ଥ ଅଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.