ଭୁବନେଶ୍ୱର ୨୪/୦୫: ଶିଶୁକୁ ସୁସ୍ଥ ରଖିବା ପାଇଁ ସକାଳେ ଓ ସଂଧ୍ୟାରେ ତେଲ ମାଲିସ୍ କରାଯାଇଥାଏ । କିନ୍ତୁ କ’ଣ ସତରେ ମାଲିସ୍ କରିବା ଦ୍ୱାରା ଶିଶୁଙ୍କୁ ଫାଇଦା ମିଳିଥାଏ? ମାଲିସ୍ ଦ୍ୱାରା ସତରେ ହାଡ଼ ମଜଭୁତ ହୋଇଥାଏ କି? ଚାଲନ୍ତୁ ଜାଣିବା ଶିଶୁ ବିଶେଷଜ୍ଞ ମତ ।
ବିଶେଷଜ୍ଞଙ୍କ କହିବା କଥା ମାଲିସ୍ କେବଳ ଏକ ପରମ୍ପରା, ଯାହା ବର୍ଷ ବର୍ଷ ଧରି ଚାଲିଆସିଛି । ବିଶେଷଜ୍ଞ କହିବା କଥା ମାଲିସ୍ ଦ୍ୱାରା ହାଡ଼କୁ କିଛି ଲାଭ ପହଞ୍ଚିନଥାଏ । ଏହାର କୌଣସି ବୈଜ୍ଞାନିକ କାରଣ ମଧ୍ୟ ନାହିଁ । ଯେଉଁ ବାପାମା’ଙ୍କୁ ଏପରି ଲାଗୁଛି ଯେ ମାଲିସ୍ ନ କରିବା ଦ୍ୱାରା ହାଡ଼ ଦୁର୍ବଳ ଯୋଗୁ ପିଲା ଠିକ୍ ଭାବେ ଚାଲିପାରିବନି । ତେବେ ସେମାନଙ୍କୁ ବୁଝିବାକୁ ପଡିବ ଯେ ଶିଶୁକୁ ମସାଜ୍ ନୁହେଁ,ବରଂ ଜେନେଟିକ୍ ପାର୍ଟନ୍ ନ୍ୟୁଟ୍ରିସନ୍ ବିକାଶ ଦ୍ୱାରା ଶିଶୁର ବିକାଶ ସମ୍ଭବ । ପିଲାର ହାଡ଼ ମଜଭୁତ ହେବା ଓ ଶାରିରୀକ ବିକାଶ ପାଇଁ ମା’କୁ ପୋଷକ ତତ୍ତ୍ୱରେ ଭରା ଖାଦ୍ୟ ଖାଇବା ବହୁତ ଜରୁରି । କାରଣ ମା’ଖାଉଥିବା ଖାଦ୍ୟର ସିଧାସଳଖ ପ୍ରଭାବ ଶିଶୁ ଉପରେ ପଡିଥାଏ । ଅବଶ୍ୟ ମସାଜ୍ କରିବା ଦ୍ୱାରା ଶିଶୁ ଶରୀରର ଚଳପ୍ରଚଳ ଠିକ୍ ଭାବେ ହୋଇଥାଏ । ଫଳରେ ଶରୀର ନମନୀୟ ହୋଇଥାଏ । କିଛି ମା’ ତେଲ ମାଲିସ୍ ଦ୍ୱାରା ଶିଶୁର ନାକ ଓ କାନକୁ ସଠିକ୍ ଆକାର ଦେବାକୁ ପ୍ରୟାସ କରିଥାନ୍ତି । କିନ୍ତୁ ଜାଣନ୍ତି କି ଶିଶୁ ଶରୀରର ବିଭିନ୍ନ ଅଙ୍ଗର ଆକାର ଜିନ୍ ଦ୍ୱାରା ନିର୍ଦ୍ଧାରିତ ହୋଇଥାଏ ।
ବିଶେଷଜ୍ଞଙ୍କ ମତରେ ଶିଶୁର ତ୍ୱଚା ଖୁବ୍ କୋମଳ ହୋଇଥାଏ । ତେଲ ମାଲିସ୍ କରିବା ଦ୍ୱାରା ସଂକ୍ରମଣର ଆଶଙ୍କା ଉପୁଜିପାରେ । ସେହିପରି କାନରେ ତେଲ ପକାଇବା ଦ୍ୱାରା ସଂକ୍ରମଣ ହୋଇପାରେ । ମାଲିସ୍ର ଫାଇଦା ଶିଶୁକୁ ମାଲିସ୍ କରିବା ଦ୍ୱାରା ନିଦର ଗୁଣବତ୍ତା ବଢିଥାଏ । ସେହିପରି ଶରୀରର ନମନୀୟତା ମଧ୍ୟ ବଢିଥାଏ । ଏହାବ୍ୟତୀତ ରକ୍ତ ସଞ୍ଚାଳନ ତୀବ୍ର ହେବା ସହ କୋଷିକଗୁଡିକରେ ଅମ୍ଳଜାନ ଓ ପୋଷକ ତତ୍ତ୍ୱ ପ୍ରବାହ ବଢିଥାଏ । ମାଲିସ୍ ଦ୍ୱାରା ଶିଶୁ ଓ ମା’ଭିତରେ ସମ୍ପର୍କ ନିବିଡ଼ ହୋଇଥାଏ ।
