ନୂଆଦିଲ୍ଲୀ: ଜାମ୍ମୁ କାଶ୍ମୀର ପୁଲୱାମାରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଏନକାଉଣ୍ଟର ଚାଲିଥିବା ସୂଚନା ମିଳିଛି । କୁହାଯାଉଛି ଯେ ଏହି ଅଞ୍ଚଳରେ ଜଣେ ରୁ ଦୁଇ ଜଣ ଆତଙ୍କବାଦୀ ଲୁଚି ରହିଛନ୍ତି । ଏଥିପାଇଁ ଏହି ଅଞ୍ଚଳରେ ସର୍ଚ୍ଚ ଅପରେସନ ଚାଲିଛି । ସୂଚନାନୁସାରେ, ପୁଲୱାମା ଜିଲ୍ଲାର ପ୍ୟାରିଗାମ ଅଞ୍ଚଳରେ ଏହି ଏନକାଉଣ୍ଟର ଚାଲିଛି । ଜାମ୍ମୁ କାଶ୍ମୀର ପୋଲିସ ଏ ସମ୍ପର୍କରେ ସୂଚନା ଦେଇଛି । ଆତଙ୍କବାଦୀଙ୍କୁ ହଟାଇବା ପାଇଁ ଭାରତୀୟ ସେନା ଏବଂ ଜାମ୍ମୁ କାଶ୍ମୀର ପୋଲିସ୍ କ୍ରମାଗତ ଭାବରେ କିଛିଦିନ ହେବ ଅପରେସନ୍ ଆରମ୍ଭ କରିଛନ୍ତି । 

#WATCH | J&K: Encounter underway at Parigam area of Pulwama. Police and security forces are on the job. Further details shall follow: Kashmir Zone Police

(Visuals deferred by unspecified time) https://t.co/7k49FxmX0p pic.twitter.com/UdMXvh1j9X

— ANI (@ANI) November 11, 2023

ଏହି ସମୟରେ ଅନେକ ଥର ସୁରକ୍ଷା ବାହିନୀ ଆତଙ୍କବାଦୀଙ୍କ ସହ ମୁହାଁମୁହିଁ ହୋଇଛନ୍ତି । ଏହି ଅଞ୍ଚଳରେ ଆତଙ୍କବାଦୀ କାର୍ଯ୍ୟକଳାପ ଚିହ୍ନଟ ହେବା ପରେ ସୁରକ୍ଷା ବାହିନୀ ପ୍ୟାରିଗାମ ଅଞ୍ଚଳରେ ଏକ ବଡ଼ ଧରଣର କର୍ଡନ ଏବଂ ସର୍ଚ୍ଚ ଅପରେସନ ଆରମ୍ଭ କରିଥିଲେ । ଏହି ସମୟରେ ଆତଙ୍କବାଦୀମାନେ ସୁରକ୍ଷା ବାହିନୀ ଉପରେ ଗୁଳି ଚଳାଇବା ଆରମ୍ଭ କରିଥିଲେ । ଏହାର ଜବାବରେ ସୁରକ୍ଷା ବାହିନୀ ମଧ୍ୟ ଗୁଳି ଚଳାଇଥିଲେ । 

ସୂଚନାଥାଉକି, ଯେ କାଶ୍ମୀରରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ପ୍ରତିଦିନ ଏନକାଉଣ୍ଟର ହୋଇଥାଏ । ନିକଟରେ କାଶ୍ମୀରର ଶୋପିଆନ୍ ଜିଲ୍ଲାରେ ଏକ ଏନକାଉଣ୍ଟରରେ ସୁରକ୍ଷା ବାହିନୀ ଦ୍ୱାରା ଜଣେ ଆତଙ୍କବାଦୀ ନିହତ ହୋଇଥିଲେ । ନିହତ ଆତଙ୍କବାଦୀଙ୍କ ନିକଟରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଏବଂ ଗୁଳି ଜବତ କରାଯାଇଥିଲା । ଏହି ଆତଙ୍କବାଦୀ ଜଣକ ନିଷିଦ୍ଧ ଆତଙ୍କବାଦୀ ସଂଗଠନ TRAS ର ସଦସ୍ୟ ବୋଲି କୁହାଯାଉଥିଲା ।