ନୂଆଦିଲ୍ଲୀ ୧୩/୦୫: ଚଳିତ ବର୍ଷ ବଲିଉଡ ଏବଂ ଟେଲିଭିଜନ ଇଣ୍ଡଷ୍ଟ୍ରିର ଅନେକ ତାରକା ରାଜନୈତିକ ମୈଦାନକୁ ଓହ୍ଲାଇଛନ୍ତି। କଙ୍ଗନା ରଣାୱତଙ୍କ ଠାରୁ ଅରୁଣ ଗୋବିଲଙ୍କ ପର୍ଯ୍ୟନ୍ତ ବଡ ତାରକାମାନେ ନିଜ ନିର୍ବାଚନମଣ୍ଡଳୀରୁ ଲୋକସଭା ନିର୍ବାଚନ ଲଢୁଛନ୍ତି। ଏଥିରୁ ବାଦ୍ ବଡି ନାହାଁନ୍ତି ଦକ୍ଷିଣ ତାରକା। ବର୍ତ୍ତମାନ ପର୍ଯ୍ୟନ୍ତ ଅନେକ ସୁପରଷ୍ଟାର ଭୋଟ ଦେଇ ଦେଖାଇଛନ୍ତି ନିଜର ଉତ୍ସାହ। ଏହି ଲିଷ୍ଟରେ ସାମିଲ ହୋଇଛନ୍ତି ଅଲୁ ଅର୍ଜୁନ, ଜୁନିଅର ଏନଟିଆରଙ୍କ ପରି ସୁପରଷ୍ଟାର । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ୍ ହେଉଛି ।
#WATCH | Telangana: Actor Allu Arjun casts his vote at a polling booth in Jubilee Hills, Hyderabad.
— ANI (@ANI) May 13, 2024
#LokSabhaElections2024 pic.twitter.com/M0yhR7XLeP
ଭିଡିଓରେ ଅଲୁ ଅର୍ଜୁନ ସୋମବାର ନିଜର ମୂଲ୍ୟବାନ ଭୋଟ୍ ଦେଇଛନ୍ତି। ସେ ହାଇଦ୍ରାବାଦର ଜୁବୁଲି ହିଲ୍ସରେ ଥିବା ମତଦାନ ବୁଥରେ ନିଜର ମୂଲ୍ୟବାନ ଭୋଟ୍ ଦେଇଥିବା ଦେଖାଯାଇଛି। ସେହିପରି ଜୁନିଅର ଏନଟିଆର ସାଧାରଣ ନାଗରିକଙ୍କ ପରି ତାଙ୍କର ଭୋଟ୍ ଦେବା ପାଇଁ ଧାଡିରେ ଠିଆ ହୋଇଥିବା ଦେଖିବାକୁ ମିଳିଛି।
#WATCH | Telangana: Actor Jr NTR arrives at a polling booth in Jubilee Hills, Hyderabad to cast his vote. #LokSabhaElections2024 pic.twitter.com/irFIjHVGVq
— ANI (@ANI) May 13, 2024
ଚତୁର୍ଥ ପର୍ଯ୍ୟାୟ ଭୋଟିଂରେ ଅଲୁ ଅର୍ଜୁନ ଏବଂ ଜୁନିଅର ଏନଟିଆରଙ୍କ ବ୍ୟତୀତ ପୱନ କଲ୍ୟାଣ ମଧ୍ୟ ତାଙ୍କର ବହୁମୂଲ୍ୟ ଭୋଟ୍ ଦେଇଛନ୍ତି। ଏଥିସହ ସେ ଲୋକମାନଙ୍କୁ ସେମାନଙ୍କର ମୂଲ୍ୟବାନ ଭୋଟ୍ ଦେବାକୁ ମଧ୍ୟ ଅନୁରୋଧ କରିଛନ୍ତି। ସେହିପରି ବାହୁବଳୀ ନିର୍ଦ୍ଦେଶକ ଏସଏସ୍ ରାଜାମୌଲି ମଧ୍ୟ ବହୁମୂଲ୍ୟ ଭୋଟ୍ ଦେବା ପାଇଁ ତାଙ୍କ ପତ୍ନୀଙ୍କ ସହ ଦୁବାଇରୁ ପହଞ୍ଚିଛନ୍ତି।