ମାଲକାନଗିରି ୧୪/୯(ଆପ୍ର ) : ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ ରାଜ୍ୟର ସୁକମା ଜିଲ୍ଲା ଚିନ୍ତାଗୁମ୍ଫା ଥାନା ଅନ୍ତର୍ଗତ ତୁମାଲପାଡ ଜଙ୍ଗଲରେ  ମାଓବାଦୀ ଓ ପୁଲିସ ମଧ୍ୟରେ ଗୁଳିବିନିମୟ  ଘଟିଛି। ଜଙ୍ଗଲରେ ପୁଲିସକୁ ଦେଖି ମାଓବାଦୀ ମାନେ ଗୁଳି ଚଳାଇବା ଆରମ୍ଭ କରିଥିଲେ। ଏହା ପରେ ପୁଲିସ ମଧ୍ଯ ଆତ୍ମରକ୍ଷା ପାଇଁ ଗୁଳି ଚଳାଇଥିଲା। ଗୁଳି ବିନିମୟରେ ଜଣେ  ମାଓବାଦୀର ମୃତ୍ୟୁ  ହୋଇଛି ।

 ଜଙ୍ଗଲରୁ ଗୋଳାବାରୁଦ ଏବଂ ବହୁ ପରିମାଣର ମାଓବାଦୀ ସାମଗ୍ରୀ ଜବତ କରାଯାଇଛି । ତେବେ ଏନକାଉଣ୍ଟରରେ ନିହତ ହୋଇଥିବା ମାଓବାଦୀଙ୍କ ଚିହ୍ନଟ ପ୍ରକ୍ରିୟା ଚାଲିଛି। ଏହି ମାଓବାଦୀ ବିରୋଧୀ ଅପରେସନ୍ ଜିଲ୍ଲା ଫୋର୍ସ, ଡିଆରଜି ଏବଂ ବସ୍ତର ଫାଇଟରର ମିଳିତ ଯବାନଙ୍କ ଦ୍ବାରା କରାଯାଇଥିଲା। ଏନକାଉଣ୍ଟର ପରେ ନକ୍ସଲମାନେ ଘଟଣାସ୍ଥଳରୁ ପଳାଇବାର ସମ୍ଭାବନାକୁ ଦୃଷ୍ଟିରେ ରଖ୍ ଅଞ୍ଚଳରେ ସର୍ଚ୍ଚ ଅପରେସନ୍ ଚାଲିଛି।