ନୂଆଦିଲ୍ଲୀ,୪।୫: ଦୈନନ୍ଦିନ ଜୀବନରେ ସବୁବେଳେ କ୍ଷୀରର ଆବଶ୍ୟକତା ଖୁବ୍ ଗୁରୁତ୍ବପୂର୍ଣ୍ଣ। ତେବେ ଜାଣନ୍ତି କି ଆପଣଙ୍କ ପାଇଁ କ୍ଷୀର କେତେ ସୁରକ୍ଷିତ ? ଆମେ ଏହି ପ୍ରଶ୍ନ ଏଥିପାଇଁ ପଚାରୁଛୁ, କାରଣ ଏହି ମାମଲାରେ ଦିଲ୍ଲୀ ହାଇକୋର୍ଟରେ ଏକ ରିପୋର୍ଟ ଦାଖଲ କରାଯାଇଛି। ଏହି ରିପୋର୍ଟରେ ଦାବି କରାଯାଉଛି ଯେ,ଯେଉଁ କ୍ଷୀର ଦିଲ୍ଲୀକୁ ସପ୍ଲାଇ ହେଉଛି, ସେଥିରେ ଅକ୍ସିଟୋସିନର ବ୍ୟବହାର କରାଯାଉଛି। ଏହା ହେଉଛି ସେହି ଔଷଧ, ଯାହାକି କେନ୍ଦ୍ର ସରକାର ୨୦୧୮ ରେ ବ୍ୟାନ୍ କରିସାରିଛନ୍ତି। ସେତେବେଳେ ସରକାର ଦାବି କରିଥିଲେ, କ୍ଷୀର ଉତ୍ପାଦନକୁ ବଢାଇବା ପାଇଁ ଗାଈ ଓ ମଇଁଷୀ ଉପରେ ଏହାକୁ ବ୍ୟବହାର କରୁଛନ୍ତି, ଯାହାଫଳରେ ନା କେବଳ ମଇଁଷୀମାନେ ବଂର ଦୁଗ୍ଧ ସେବନ କରୁଥିବା ଲୋକଙ୍କ ଉପରେ ଖରାପ ପ୍ରଭାବ ପଡୁଛି।
କେନ୍ଦ୍ର ସରକାର ଏପ୍ରିଲ ୨୦୧୮ ରେ ଏହି ଔଷଧ ଉପରେ ଏହା କହି କଟକଣା ଲଗାଇ ଦେଇଛନ୍ତି ଯେ, ଉତ୍ପାଦନ ବଢାଇବା ପାଇଁ କ୍ଷୀର ବିକ୍ରେତା ଗାଈ ଓ ମଇଁଷିଙ୍କ ଉପରେ ଏହାର ଦୁରୁପଯୋଗ କରାଯାଉଛି, ଯାହାଫଳରେ ନା କେବଳ ମଇଁଷିଙ୍କ ସ୍ବାସ୍ଥ୍ୟ ଉପରେ ବଂର ଦୁଗ୍ଧର ସେବନ କରୁଥିବା ମଣିଷର ସ୍ବାସ୍ଥ୍ୟ ଉପରେ ପ୍ରଭାବ ପକାଇଥାଏ। ଏହାପରେ ଦିଲ୍ଲୀ ହାଇକୋର୍ଟ ଅଧିକାରୀଙ୍କୁ ରାଜଧାନୀରେ ଗାଈ-ମଇଁଷି ରଖିଥିବା ଲୋକ ଅକ୍ସିଟସିନ୍ର ଭୁଲ ବ୍ୟବହାର ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାର ନିର୍ଦେଶ ଦେଇଥିଲେ। କୋର୍ଟ କହିଛନ୍ତି, ହର୍ମୋନ ସମ୍ପର୍କିତ ଔଷଧ ଦେବା ପଶୁଙ୍କ କ୍ରୁରତା ଓ ଏକ ଅପରାଧ।
କାର୍ଯ୍ୟକାରୀ ମୁଖ୍ୟ ବିଚାରପତି ମନମୋହନଙ୍କ ଅଧ୍ୟକ୍ଷତାରେ ଖଣ୍ଡପୀଠ ଦିଲ୍ଲୀ ସରକାରଙ୍କୁ ଔଷଧ ନିୟନ୍ତ୍ରଣ ବିଭାଗରୁ ସାପ୍ତାହିକ ନିରୀକ୍ଷଣ କରିବା ଓ ମାମଲା ରୁଜୁ କରିବାକୁ କହିଛନ୍ତି। ପୋଲିସ ଏହାର ତଦନ୍ତ କରିବ। କୋର୍ଟ ଦିଲ୍ଲୀ ପୋଲିସର ଗୁଇନ୍ଦା ବିଭାଗକୁ ଅକ୍ସିଟକ୍ସିନ୍ ଉତ୍ପାଦନ ପ୍ୟାକେଜିଂ ଓ ବିତରଣର ସ୍ରୋତକୁ ଚିହ୍ନଟ କରିବାକୁ କହିଛନ୍ତି। ଏହା ସହିତ ଏହି ମାମଲାରେ ଆଇନଗତ କାର୍ଯ୍ୟନୁଷ୍ଠାନ ଗ୍ରହଣ କରିବାକୁ କହିଛନ୍ତି।
