ପ୍ରମୁଖ ଖବର
  • ଭୁବନେଶ୍ୱର : ଜାତୀୟ ସ୍ତରୀୟ ଗବେଷଣା ସୁଯୋଗ, ମୁଖ୍ୟମନ୍ତ୍ରୀ ରିସର୍ଚ୍ଚ ଫେଲୋସିପ୍‌ ପାଇଁ ୩୦୦ ଶିକ୍ଷାର୍ଥୀ ଚୟନ
  • ||
  • ଭୁବନେଶ୍ୱର : ମହିଳାଙ୍କ ସୁରକ୍ଷା ପାଇଁ ନିଯୁକ୍ତ ହୋଇଥିଲେ; ତାଲିମ ନେଇଥିଲେ ୨୪୮ ଜଣ, ଏବେ ବନ୍ଦ ହୋଇଗଲା ଏସ୍‌ଓପି ବ୍ୟବସ୍ଥା
  • ||
  • ପଶ୍ଚିମବଙ୍ଗରେ ଥମୁନି ନିର୍ବାଚନୀ ହିଂସା, ଜଣେ ଟିଏମସି କର୍ମୀଙ୍କୁ ହତ୍ୟା, ପୁଣି ବିଜେପି ବିରୋଧରେ ଦଳ ଆଣିଲା ଅଭିଯୋଗ
  • ||
  • ବାଂଲାଦେଶ ମୁହାଁ ବାତ୍ୟା, ପ୍ରଭାବରେ ୪ଜିଲ୍ଲାରେ ବର୍ଷା ଓ ପବନ ସମ୍ଭାବନା, ୪ ଜିଲ୍ଲାପାଳଙ୍କୁ ଏସଆରସିଙ୍କ ଆଲର୍ଟ
  • ||
  • ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ, ୬ ଲୋକସଭା ଓ ୪୨ ବିଧାନସଭା ଆସନରେ ଭୋଟିଂ, ୪୪୭ ପ୍ରାର୍ଥୀଙ୍କ ହେବ ଭାଗ୍ୟ ପରୀକ୍ଷା
  • ||
  • ଦେଶରେ ଷଷ୍ଠ ପର୍ଯ୍ୟାୟ ମତଦାନ, ୬ ରାଜ୍ୟ ଓ ୨ କେନ୍ଦ୍ରଶାସିତ ଅଞ୍ଚଳରେ ଚାଲିଛି ଭୋଟ୍, ୫୮ ସଂସଦୀୟ କ୍ଷେତ୍ରରେ ମତଦାନ ଆରମ୍ଭ
  • ||
  • ସୃଷ୍ଟି ହେଲା ଅବପାତ: ୨୫ ରାତିରୁ ଉପକୂଳରେ ବର୍ଷା, ୨୬ରେ ଭୀଷଣ ବାତ୍ୟା ରୂପ ନେବ
  • ||

ଅକ୍ଷୟ ତୃତୀୟାରୁ ଚନ୍ଦନ ଯାତ୍ରା, ସରୁନି ନରେନ୍ଦ୍ର ପୁଷ୍କରିଣୀ ସୌନ୍ଦର୍ଯ୍ୟକରଣ

ପୁରୀ,୨୯/୦୪: ପବିତ୍ର ଅକ୍ଷୟ ତୃତୀୟାଠାରୁ ଆରମ୍ଭ ହେବ ମହାପ୍ରଭୁଙ୍କ  ପ୍ରସିଦ୍ଧ ଚନ୍ଦନଯାତ୍ରା । ପଞ୍ଚମହାଦେବଙ୍କ  ସହ ନରେନ୍ଦ୍ର ପୁଷ୍କରିଣୀରେ ଜଳକ୍ରୀଡା  କରିବେ ମହାପ୍ରଭୁ । ଦୀର୍ଘ ୨୧ ଦିନ ଧରି  ମହାପ୍ରଭୁ ମାନବୀୟ ଲୀଳା ପ୍ରଦର୍ଶନ  କରିବେ । ଏହି ଦୁର୍ଲଭ ଲୀଳାକୁ ଦେଖିବା  ଲାଗି ପ୍ରତ୍ୟେହ ହଜାର ହଜାର ଶ୍ରଦ୍ଧାଳୁଙ୍କ  ସମାଗମ ହେବ । ହେଲେ ଚନ୍ଦନଯାତ୍ରାକୁ  ଆଉ ମାତ୍ର ୧୩ ଦିନ ବାକି ରହିଥିବା ବେଳେ ଏପର୍ଯ୍ୟନ୍ତ ପୁଷ୍କରିଣୀର ସୌନ୍ଦର୍ଯ୍ୟକରଣ  କାର୍ଯ୍ୟ ଶେଷ ହୋଇନାହିଁ । ଏପରିକି  କାର୍ଯ୍ୟ ଶେଷ ହେବ କି ନାହିଁ ତାକୁ ନେଇ  ଆଶଙ୍କା ସୃଷ୍ଟି ହୋଇଛି । କାର୍ଯ୍ୟ ମନ୍ଥର  ଗତିରେ ହେଉଥିବା ଦେଖିବାକୁ ମିଳିଛି ।  

ନରେନ୍ଦ୍ର ସହ ଇନ୍ଦ୍ରଦ୍ୟୁମ୍ନ, ମାର୍କଣ୍ଡେୟ  ଓ ଶ୍ୱେତଗଙ୍ଗା ତୀର୍ଥ ପୁଷ୍କରିଣୀର  ପୁନଃରୁଦ୍ଧାର ବା ସୌନ୍ଦର୍ଯ୍ୟକରଣ  ଲାଗି ରାଜ୍ୟ ସରକାର ଅବଢା ଯୋଜନାରେ ୬୬କୋଟି ଟଙ୍କା ମଞ୍ଜୁର  କରିଥିଲେ । ଏପରିକି ନରେନ୍ଦ୍ର ପୁଷ୍କରିଣୀ  ସୌନ୍ଦର୍ଯ୍ୟକରଣ କାର୍ଯ୍ୟ ଚଳିତବର୍ଷ  ଚନ୍ଦନଯାତ୍ରା ପୂର୍ବରୁ ଶେଷ ହେବ  ବୋଲି ଧାର୍ଯ୍ୟ ହୋଇଥିଲା । ଓଡିଶା  ସେତୁ ଓ ନିର୍ମାଣ ନିଗମ(ଓବିସିସି)  ତତ୍ତ୍ୱାବଧାନରେ ବିଶେଷ ଭାବେ ନରେନ୍ଦ୍ର ପୁଷ୍କରିଣୀର ଚତୁଃପାଶ୍ୱର୍ରେ ଓ ପାହାଚକୁ  ଖଣ୍ଡୋଲାଇଟ ପଥର ଖଞ୍ଜାଯାଇ ସୁସଜ୍ଜିତ  କରାଯାଉଛି । ସେହିପରି ଚନ୍ଦନ ଚକଡା  ଖୁଣ୍ଟ ଓ ଚକଡାରେ ମଧ୍ୟ ଖଣ୍ଡୋଲାଇଟ  ପଥର କାର୍ଯ୍ୟ ଏବେ ଜାରି ରହିଛି । ଚନ୍ଦନ  ଚକଡାରୁ ପୁଷ୍କରିଣୀର ସଂଯୋଗ କରୁଥିବା  ରାସ୍ତା କାର୍ଯ୍ୟ ଶେଷ ହୋଇନାହିଁ । ସେହିଭଳି  ନରେନ୍ଦ୍ର ପୁଷ୍କରିଣୀର ମୁଖ୍ୟ ସ୍ୱାଗତ  ତୋରଣ କାର୍ଯ୍ୟ ସରିନାହିଁ । 

ପୁଷ୍କରିଣୀର  ଜଳକୁ ବିଶୋଧନ କରାଯାଉନାହିଁ କି  ପଙ୍କୋଦ୍ଧାର କାର୍ଯ୍ୟ ହୋଇନାହିଁ । ନରେନ୍ଦ୍ର  ପୁଷ୍କରିଣୀର ଚତୁଃପାଶ୍ୱର୍କୁ ଉଜ୍ଜ୍ୱଳ ଆଲୋକମାଳାରେ ସୁସଜ୍ଜିତ କରାଯିବ ।  ଭୂତଳ କେବୁଲ ବିଛା କାର୍ଯ୍ୟ ଜାରି ରହିଛି ।  ଟାଟା କମ୍ପାନୀ ପକ୍ଷରୁ ନିଯୁକ୍ତ ହୋଇଥିବା  ଠିକାଦାର ଠିକ୍‌ ଭାବେ କାର୍ଯ୍ୟ କରୁନଥିବାରୁ  ଧାର୍ଯ୍ୟ ସମୟରେ ଏହା ଶେଷ ହେବା  ନେଇ ସନ୍ଦେହ ସୃଷ୍ଟି ହୋଇଛି ।  ପୁଷ୍କରିଣୀର ଚତୁଃପାଶ୍ୱର୍ ଅଳିଆ ଆବର୍ଜନା ପଡିରହିଛି । ତାକୁ ମଧ୍ୟ  ନିୟମିତ ପରିଷ୍କାର କରାଯାଉନାହିଁ ।  ବିଭିନ୍ନ ସ୍ଥାନରେ ନିର୍ମାଣ ସାମଗ୍ରୀ ଇଟା,  ଗୋଡ଼ି ଗଦା ହୋଇରହିଛି । ଏସମ୍ପର୍କରେ  ଓଡିଶା ସେତୁ ଓ ନିର୍ମାଣ ନିଗର ବରିଷ୍ଠ  ଅଧିକାରୀ(ଯନ୍ତ୍ରୀ) ସୁନ୍ଦର ମାଧବ ପାଢୀ  କୁହନ୍ତି, ଦାୟିତ୍ୱରେ ରହିଥିବା ଠିକାସଂସ୍ଥାକୁ ତାଗିଦ୍‌ କରାଯାଇଛି ବାକି ରହିଥିବା  ସମସ୍ତ କାର୍ଯ୍ୟ ଅକ୍ଷୟ ତୃତୀୟା ପୂର୍ବରୁ  ସମ୍ପୂର୍ଣ୍ଣ କରିବାକୁ ନିର୍ଦ୍ଦେଶ ଦିଆଯାଇଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.