ଭୁବନେଶ୍ୱର,୨୩/୦୩: ଶୁକ୍ରବାର ସାରା ଓଡ଼ିଶାର ୨୦ ହଲ୍ରେ ଶୁଭମୁକ୍ତି କରୁଛି ଓଡ଼ିଆ ଚଳଚ୍ଚିତ୍ର ‘ଯାଯାବର ୨.୦’ । ଓଟିଟି ପ୍ଲାଟ୍ଫର୍ମ ଆଓ ନେକ୍ସଟ୍ ପ୍ରଯୋଜିତ ଓ ଜାଗ୍ରନ ଚଳଚ୍ଚିତ୍ର ମହୋତ୍ସବରେ ପ୍ରଦର୍ଶିତ ଏହି ଚଳଚ୍ଚିତ୍ରର କାହାଣୀ ଦୁଇ ଜଣ ଅପରିଚିତ ବ୍ୟକ୍ତିଙ୍କୁ ନେଇ । ଉଭୟେ ଏକ ଅପ୍ରତ୍ୟାଶିତ ପରିସ୍ଥିତି ମଧ୍ୟରେ ଭେଟ ହୁଅନ୍ତି । ସେମାନଙ୍କର ଅପରାଧିକ ଅତୀତ ବିଷୟରେ କଥା ହୁଅନ୍ତି । ସେମାନଙ୍କ ମଧ୍ୟରୁ ଜଣେ ଅପରାଧ ଦୁନିଆର ହଜିଯାଏ ହେଲେ ଅନ୍ୟ ଜଣକ ଏଥିରୁ ମୁକ୍ତି ଖୋଜେ । ଜଣେ ଟ୍ୟାକ୍ସି ଡ୍ରାଇଭର ଏବଂ ପାର୍ଟ ଟାଇମ୍ କଣ୍ଟ୍ରାକ୍ଟ କିଲର୍ ଜଗତର । ଜଗତ, ସତ୍ୟବ୍ରତ ପାଇଁ ଗାଡ଼ି ଚଳାନ୍ତି । ନିଜର ଅତ୍ୟଧିକ ଦୋଷ ଅନୁଭବ କରି, ଜଗତକୁ ନିଜର ଜୀବନସାରାର ସଞ୍ଚୟ ଦେଇ ତାକୁ ନିଜର ଜୀବନ ହରାଇବାକୁ ସତ୍ୟବ୍ରତ କୁହନ୍ତି, ଯେତେବେଳେ ଜଗତ ପାର୍ଟ ଟାଇମ୍ ବେଶ୍ୟା, ବାର୍ ନୃତ୍ୟଶିଳ୍ପୀ ଓ ଗାୟିକା ମାନିନୀଙ୍କୁ ଭେଟିଲା ପରେ ସବୁକିଛି ବଦଳିଯାଏ । ତେବେ ଆଗକୁ କଣ ହେବ? ଏମିତି ଏକ ରହସ୍ୟରେ ଭରପୂର କାହାଣୀ ହେଉଛି ‘ଯାଯାବର ୨.୦’ ।
କୌଶିକ ଦାସ ଏବଂ ରାମ ପଟ୍ଟନାୟକଙ୍କ ପ୍ରଯୋଜିତ ଏହି ଚଳଚ୍ଚିତ୍ରର ବିଭିନ୍ନ ଭୂମିକାରେ ପ୍ରସନ୍ନଜିତ ମହାପାତ୍ର, ଦେବେଶ ରଞ୍ଜନ, ସୋନାଲି ଶର୍ମିଷ୍ଠା, ବି.ଏମ୍. ବୈଶାଳୀ, ଚୌଧୁରୀ ବିକାଶ ଦାସ, ଶ୍ୱେତା ଆଚାର୍ଯ୍ୟ, ମାନସ ରଞ୍ଜନ ମୁଦୁଲି ପ୍ରମୁଖ ଅଭିନୟ କରିଛନ୍ତି । ଅଭିଷେକ ଦାସଙ୍କ ଲିଖିତ ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ଅଭିଷେକ ସ୍ୱାଇଁ । ସିନେମାର ସହ ଓଡ଼ିଆ ସିନେମାର ଏକ ସଂଯୋଗ କି ପୂର୍ବରୁ ଦର୍ଶକ ଶ୍ରୀରାମ ପଣ୍ଡାଙ୍କ ‘ଯାଯାବର’ ଦେଖିଥିଲେ । କିନ୍ତୁ ଏଥିରେ ଆଉ କ’ଣ ରହିଛି, ତାହା ସବୁଠୁ ବଡ଼ ସସ୍ପେନ୍ସ ଦର୍ଶକଙ୍କ ଲାଗି ବୋଲି ମିଡିଆ ପ୍ଲାନର୍ କ୍ରିଏଟିଭ୍ ହେଡ୍ ପ୍ରଣୟ ଜେଠୀ କହିଛନ୍ତି । ରାଜଧାନୀ ଭୁବନେଶ୍ୱର ସ୍ୱାତୀରେ ଦିନ ୨ଟାରେ ସିନେମାର ପ୍ରିମିୟର ଅନୁଷ୍ଠିତ ହେଉଛି ।
ଏହା ସହ ବଲିଉଡ୍ରେ ମୁକ୍ତିଲାଭ କରୁଛି କୁନାଲ ଖେମୁଙ୍କ ନିର୍ଦ୍ଦେଶିତ ‘ମାଡଗାଓଁ ଏକ୍ସପ୍ରେସ୍’ ଏବଂ ରଣଦୀପ ହୁଡ଼ାଙ୍କ ନିର୍ଦ୍ଦେଶିତ ଓ ଅଭିନୀତ ‘ସ୍ୱାତନ୍ତ୍ର୍ୟ ବୀର ସଭରକର’ । ଏହି ଦୁଇ ସିନେମାକୁ ବି ଭୁବନେଶ୍ୱରର ବିଭିନ୍ନ ପ୍ରେକ୍ଷାଳୟରେ ଦର୍ଶକ ଦେଖିବାର ସୁଯୋଗ ପାଇବେ । କିନ୍ତୁ ଓଡ଼ିଆରେ ଏକମାତ୍ର ସିନେମା ଭାବେ ଶୁକ୍ରବାର ‘ଯାଯାବର ୨.୦’ ରିଲିଜ୍ ହେଉଛି । ବାକି ଟେକ୍ନିକାଲ୍ ସମସ୍ୟା ଲାଗି ‘ବିଗୁଲ୍’ ୨୨ ପରିବର୍ତ୍ତେ ୨୪ ତାରିଖକୁ ଘୁଞ୍ଚିଯାଇଛି।
