ପ୍ରମୁଖ ଖବର
  • କାମାକ୍ଷାନଗର: ଅଜଣା ଗାଡ଼ି ଧକ୍କା ରେ ସାଇକେଲ ଆରୋହୀ ଙ୍କ ମୃତ୍ୟୁ, କ୍ଷତିପୂରଣ ଦାବିରେ ସ୍ଥାନୀୟ ଲୋକଙ୍କ ରାସ୍ତା ରୋକ
  • ||
  • ଆସିଲା ବିଜେଡି ଷଷ୍ଠ ପର୍ଯ୍ୟାୟ ପ୍ରାର୍ଥୀ ତାଲିକା, ଚମ୍ପୁଆରୁ ସନାତନ ମହାକୁଡ଼, ବଡଚଣାରୁ ବର୍ଷା ପ୍ରିୟଦର୍ଶିନୀ
  • ||
  • ଦିଲ୍ଲୀପ ରାୟଙ୍କ ରାସ୍ତାରେ ନିହାର କଣ୍ଟା ! ପ୍ରାର୍ଥୀ ଚୟନକୁ ନେଇ ଦେଖା ଦେଇଛି ବିବାଦ
  • ||
  • ଆଜି ପ୍ରକାଶ ପାଇବ ୟୁଜିସି-ନେଟ୍‌ ଜୁନ୍‌ ସେସନ୍‌-୨୦୨୪ ଆବେଦନ ପ୍ରକ୍ରିୟା
  • ||
  • ବାଇକ୍‌କୁ ଧକ୍କା ଦେଲା ଆମ୍ଵୁଲାନ୍ସ, ଦୁଇ ଶିଶୁଙ୍କ ଆଖି ଆଗରେ ଚାଲିଗଲା ବାପା-ମାଙ୍କ ଜୀବନ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି: ମୃତ୍ୟୁ ସଂଖ୍ୟା ୭କୁ ବୃଦ୍ଧି, ଜଣେ ଏବେ ବି ନିଖୋଜ
  • ||
  • ମେ'୧ରୁ ପର୍ଯ୍ୟଟକଙ୍କ ପାଇଁ ବନ୍ଦ ରହିବ ଭିତରକନିକା
  • ||
  • ଶନିବାର ବାହୁଡ଼ିବେ ମହାପ୍ରଭୁ ଶ୍ରୀଲିଙ୍ଗରାଜ: ଦିନ ସାଢ଼େ ୧ରେ ପହଣ୍ଡି, ସାଢେ ୩ଟାରେ ରଥଟଣା
  • ||
  • ଶନିବାର ବିଶ୍ବପ୍ରସିଦ୍ଧ ରଥଯାତ୍ରା ପ୍ରଥମ ସମନ୍ୱୟ ବୈଠକ, ଅଧ୍ୟକ୍ଷତା କରିବେ ଆର୍‌ଡିସି
  • ||
  • ଆଜି ବି ଅତି ଭୀଷଣ ଗ୍ରୀଷ୍ମପ୍ରବାହ, ୨୧ ଯାଏ ନିସ୍ତାର ନାହିଁ, କାଳବୈଶାଖୀ ପାଇଁ କମିପାରେ ତାତି
  • ||
  • IPL ୨୦୨୪: ଆଜି ଦିଲ୍ଲୀ-ହାଇଦ୍ରାବାଦ ଲଢ଼େଇ, କ୍ୟାପିଟାଲ୍ସ ଗଡ଼ ଧ୍ୱଂସ ପଥରେ ସନରାଇଜର୍ସ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି, ଦୁଇ ମୃତ, ୭ ନିଖୋଜ, ସକାଳୁ ଉଦ୍ଧାର କାର୍ଯ୍ୟ ଆରମ୍ଭ
  • ||

ନିର୍ବାଚନ ପ୍ରଚାର ପାଇଁ ବିଜେପିର ମେଗା ପ୍ଲାନ୍‌: ୟୁପିରୁ ଆସିବ ୧୪୭ ହାଇଟେକ୍‌ ଗାଡ଼ି, ୪ ଥର ରାଜ୍ୟକୁ ଆସିପାରନ୍ତି ମୋଦି

ଭୁବନେଶ୍ୱର,୦୪/୦୪:  ନିର୍ବାଚନ ପାଇଁ ସବୁ ଦଳ ପ୍ରାର୍ଥୀ  ଘୋଷଣା କରୁଛନ୍ତି । ବିଜେପି  ଆଗୁଆ ହୋଇ ସବୁ ଲୋକସଭା  ଆସନ ପାଇଁ ଯୋଦ୍ଧା ଦେଇ ସାରିଛି । ୧୧୨ ବିଧାନସଭା ଆସନରେ ଲଢ଼େଇ  ପାଇଁ ବି ଯୋଦ୍ଧା ତୟାର । ଏବେ ସବୁ ପ୍ରାର୍ଥୀ ପ୍ରଚାରମୁହାଁ । ପ୍ରଚାର ଜରିଆରେ ଲୋକଙ୍କ ମନ ଜିଣି ଭୋଟ୍‌ ହାତେଇବାକୁ ଏବେଠାରୁ ଯୋଜନା  ହେଲାଣି । ଏଥର ହାଇଟେକ୍‌ ପ୍ରଚାର କରି ଶାସକ ବିଜେଡିକୁ ଚକ୍‌ମା ଦେବାକୁ ରଣନୀତି ହୋଇଛି । ଆଉ ପ୍ରଧାନମନ୍ତ୍ରୀ ମୋଦିଙ୍କ ୫ରୁ ୮ଟି ବିଶାଳ ସଭା କରି ନିଜ ସପକ୍ଷରେ ଭୋଟ୍‌ ହାୱା  ବୁହାଇବାକୁ ମେଗା ପ୍ଲାନ୍‌ ହୋଇଛି ।  ଉତ୍ତରପ୍ରଦେଶରେ ସ୍ୱତନ୍ତ୍ର ଭାବେ ତିଆରି  ହୋଇଥିବା ହାଇଟେକ୍‌ ପ୍ରଚାର ଗାଡ଼ି ଆଣି ରାଜ୍ୟରେ ବୁଲାଇବ ବିଜେପି। 

ରାଜ୍ୟରେ ୪ଟି ପର୍ଯ୍ୟାୟରେ  ନିର୍ବାଚନ ହେବ । ମେ ୧୩ରେ  କଳାହାଣ୍ଡି, କୋରାପୁଟ ନବରଙ୍ଗପୁର  ଓ କଳାହାଣ୍ଡି ସଂସଦୀୟ କ୍ଷେତ୍ର ସହିତ ଏହା ଅଧୀନରେ ଥିବା ବିଧାନସଭା  ଆସନରେ ଭୋଟ୍‌ ହେବ । ମେ ୨୦ରେ  ବରଗଡ଼, ସୁନ୍ଦରଗଡ଼, ବଲାଙ୍ଗୀର, କନ୍ଧମାଳ ଓ ଆସ୍କା ଓ ସମସ୍ତ ବିଧାନସଭା  ଆସନରେ ନିର୍ବାଚନ ହେବ । ମେ ୨୫ରେ ପୁରୀ, ଭୁବନେଶ୍ୱର, କଟକ,  କେନ୍ଦୁଝର, ସମ୍ବଲପୁର, ଢେଙ୍କାନାଳ ସଂସଦୀୟ କ୍ଷେତ୍ର ଓ ଏହା ଅନ୍ତର୍ଗତ  ବିଧାନସଭାରେ ଭୋଟ୍‌ ହେବ । ଜୁନ୍‌  ୧ରେ ମୟୂରଭଞ୍ଜ, ବାଲେଶ୍ୱର,  ଜଗତସିଂହପୁର, କେନ୍ଦ୍ରାପଡ଼ା, ଭଦ୍ରକ, ଯାଜପୁର ଓ ଏହା ଅନ୍ତର୍ଗତ  ବିଧାନସଭାରେ ଭୋଟ୍‌ ପଡ଼ିବ । ୪ଟି  ପର୍ଯ୍ୟାୟରେ ହେବାକୁ ଥିବା ବିଭିନ୍ନ  ସଂସଦୀୟ କ୍ଷେତ୍ରରେ ପ୍ରଧାନମନ୍ତ୍ରୀ  ମୋଦିଙ୍କ ନିର୍ବାଚନୀ ସଭା ହେବ ।  କ୍ଲଷ୍ଟର ୱାରି ସଭା କରିବାକୁ ଯୋଜନା  ହୋଇଛି । ପ୍ରଧାନମନ୍ତ୍ରୀଙ୍କ ଅଧିକ ସଭା  କରିବାକୁ ଆମେ କେନ୍ଦ୍ରୀୟ ଅଫିସ୍‌କୁ  ଅନୁରୋଧ କରିଛୁ । କିନ୍ତୁ କେନ୍ଦ୍ରୀୟ  ଅଫିସ୍‌ ଏହା ଉପରେ ନିଷ୍ପତ୍ତି ନେବ  ବୋଲି ବିଜେପିର ପୂର୍ବତନ ରାଜ୍ୟ ସଭାପତି ସମୀର ମହାନ୍ତି କହିଛନ୍ତି । 

ସେହିଭଳି ନଡ୍ଡା, ଶାହ, ଯୋଗୀ,  ଗଡ଼କରୀ, ରାଜନାଥ, ସ୍ମୃତି ଇରାନୀଙ୍କ  ସହିତ ବିଜେପିର ଅନେକ ମୁଖ୍ୟମନ୍ତ୍ରୀଙ୍କୁ  ଓଡ଼ିଶା ଆଣିବାକୁ ଯୋଜନା ହୋଇଥିବା  ରାଜ୍ୟ ଉପସଭାପତି ଗୋଲକ ମହାପାତ୍ର  କହିଛନ୍ତି । କେବଳ ସଂସଦୀୟ କ୍ଷେତ୍ର  ପାଇଁ ନୁହେଁ, ବିଧାନସଭା ଆସନକୁ ଫୋକସ୍‌ କରି କେନ୍ଦ୍ରୀୟନେତାଙ୍କ ସଭା କରାଯିବ ବୋଲି ସେ କହିଛନ୍ତି । ବିଜେପି  ସୂତ୍ରରୁ ମିଳିଥିବା ସୂଚନା ଅନୁସାରେ, ପ୍ରତି ସଂସଦୀୟ କ୍ଷେତ୍ର ପାଇଁ ବିଶାଳ ସଭା ଆୟୋଜନ ହେବ । ଏଥିରେ  ଅନେକ ବଡ଼ ବଡ଼ ଶୀର୍ଷ ନେତା ଯୋଗ ଦେବେ । କେନ୍ଦ୍ରୀୟ  ନେତାଙ୍କୁ ନେଇ ମୋଟ ୫୦ଟି ସଭା କରାଯିବ । 

ରାଜ୍ୟ  ନେତାମାନେ ବି ମାରାଥନ୍‌ ସଭା କରିବେ । ବଡ଼ ସଭା  ସମେତ ସମ୍ବଲପୁର, ବ୍ରହ୍ମପୁର, ଭୁବନେଶ୍ୱର ଓ ପୁରୀ ଭଳି  କିଛି ସ୍ଥାନରେ ମୋଦିଙ୍କ ରୋଡ୍‌ ସୋ କରିବାକୁ ଯୋଜନା  କରୁଛି ଦଳ । ବଡ଼ ସଭାକୁ ଛାଡ଼ି ପଥପ୍ରାନ୍ତ ସଭା କରାଯିବ ।  ପୁଣି ସବୁ ବିଧାନସଭା ଆସନରେ ୟୁପିରୁ ଆସିଥିବା ସ୍ୱତନ୍ତ୍ର  ପ୍ରଚାର ଗାଡ଼ି ବୁଲିବ । ଏହି ଗାଡ଼ିରେ ଏଲ୍‌ଇଡ଼ି ସ୍କ୍ରିନ୍‌,  ପଥପ୍ରାନ୍ତ ସଭା ପାଇଁ ସବୁ ସରଞ୍ଜାମ ସହିତ ବ୍ୟାଟେରୀ ବ୍ୟାକଅପ୍‌ ଓ ଲାଇଭ୍‌ ଭିଡିଓ ପ୍ରଦର୍ଶନର ସୁବିଧା ରହିଛି ।  ସବୁଠୁ କୌତୂହଳ କଥା ହେଉଛି ବିଜେପି ୟୁପିରୁ ପ୍ରଚାର  ଗାଡ଼ି ଆଣୁଥିବାବେଳେ ଏହି ସମାନ ଭେଣ୍ଡରଠାରୁ ବିଜେଡି  ବି ପ୍ରଚାର ଗାଡ଼ି ଆଣିବ ।

  • prameyanews
  • PrameyaOdia
  • prameya
  • General Election 2024
  • Odisha election 2024
  • lok sabha election 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.