ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗତକାଲି (ଶୁକ୍ରବାର) କତାରର ଅମିର ଶେଖ ତମିମ ବିନ ହମାଦ ଅଲ-ଥାନିଙ୍କୁ ଭେଟିଛନ୍ତି । ଏହି ସମୟରେ ଦ୍ୱିପାକ୍ଷିକ ସମ୍ପର୍କ ଉପରେ ଆଲୋଚନା କରିଛନ୍ତି । ତୈଳ ସମୃଦ୍ଧ ଦେଶରେ ଭାରତୀୟ ସମ୍ପ୍ରଦାୟର କଲ୍ୟାଣ ଉପରେ ଆଲୋଚନା ହୋଇଛି । ଏନେଇ ପ୍ରଧାନମନ୍ତ୍ରୀ ମୋଦୀ ସୋସିଆଲ ମିଡିଆ ଏକ୍ସରେ ସୂଚନା ଦେଇଛନ୍ତି ।
On the sidelines of the #COP28 Summit in Dubai yesterday, had the opportunity to meet HH Sheikh @TamimBinHamad, the Amir of Qatar. We had a good conversation on the potential of bilateral partnership and the well-being of the Indian community in Qatar. pic.twitter.com/66a2Zxb6gP
— Narendra Modi (@narendramodi) December 2, 2023
ସୂଚନାଥାଉକି, ଦୁଇ ନେତାଙ୍କ ମଧ୍ୟରେ ଏଭଳି ସମୟରେ ସାକ୍ଷାତ ହୋଇଛି, ଯେତେବେଳେ କି କତାରରେ ଆଠ ଜଣ ପୂର୍ବତନ ଭାରତୀୟ ନୌସୈନିକଙ୍କୁ ମୃତ୍ୟୁଦଣ୍ଡ ଦିଆଯାଇଛି । ଭାରତ ସରକାର ଏହି ଲୋକଙ୍କୁ ଫେରାଇ ଆଣିବାକୁ ଚେଷ୍ଟା କରୁଛନ୍ତି ଏବଂ ଏହି ଦଣ୍ଡ ବିରୋଧରେ କୋର୍ଟରେ ଆବେଦନ କରିଛନ୍ତି । ତେବେ ଏହି ବୈଠକ ପରେ ଆଠ ଜଣ ନୌସୈନିକଙ୍କ ଦଣ୍ଡ କୋହଳ ହୋଇପାରେ ବୋଲି ଆଶଙ୍କା କରାଯାଉଛି ।
ନଭେମ୍ବର ୨୬ ରେ କତାର କୋର୍ଟ ଦ୍ୱାରା ଭାରତୀୟ ନୌସେନାର ଆଠ ଜଣ କର୍ମଚାରୀ ମୃତ୍ୟୁଦଣ୍ଡ ପାଇଥିଲେ । ଏହା ଉପରେ ଭାରତୀୟ ବୈଦେଶିକ ମନ୍ତ୍ରଣାଳୟ କହିଛି ଯେ ଏହି ନିଷ୍ପତ୍ତି ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଏହା ଉପରେ ସମସ୍ତ ଆଇନଗତ ବିକଳ୍ପଗୁଡିକ ସମଗ୍ର ପ୍ରସଙ୍ଗରେ ବିଚାର କରାଯାଉଛି ।
ନୌସେନା ମୁଖ୍ୟ ଆଡମିରାଲ ଆର ହରି କୁମାର ଶୁକ୍ରବାର କହିଛନ୍ତି ଯେ, ପୂର୍ବତନ ନୌସୈନିକ ମାନଙ୍କୁ ଫେରାଇ ଆଣିବା ପାଇଁ ଭାରତ ସରକାର ସମସ୍ତ ପ୍ରକାର ଉଦ୍ୟମ କରୁଛନ୍ତି । ଏହି ଆଠ ଜଣ ପୂର୍ବତନ ନୌସେନା ଭାରତୀୟ ନାଗରିକ ଅଲ ଡାହରା କମ୍ପାନୀରେ କାର୍ଯ୍ୟ କରୁଥିଲେ ଏବଂ ଗୁପ୍ତଚର ମାମଲାରେ ଗତ ବର୍ଷ ଅଗଷ୍ଟରେ ସେମାନଙ୍କୁ ଗିରଫ କରାଯାଇଥିଲା । ତେବେ ଏହି ଅଭିଯୋଗ ସମ୍ପର୍କରେ କତାର ଆନୁଷ୍ଠାନିକ ଭାବେ କିଛି ସ୍ପଷ୍ଟ କରିନାହିଁ।
