ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ଅନ୍ତରୀଣ ଜାମିନରେ ବାହାରକୁ ଆସିଛନ୍ତି । ଗତକାଲି ବେଲ୍ ପାଇ ନିର୍ବାଚନୀ ପ୍ରଚାରରେ ସାମିଲ ହୋଇଥିବା କେଜ୍ରିଓ୍ବାଲ ଉଭୟ ବିଜେପି ଏବଂ ପ୍ରଧାନମନ୍ତ୍ରୀ ମୋଦୀଙ୍କ ଉପରେ ବର୍ଷିଛନ୍ତି । ସେ ପ୍ରଶ୍ନ କରିଛନ୍ତି ଯେ, ବିଜେପି ଜିତିଲେ ଆଗାମୀ ପ୍ରଧାନମନ୍ତ୍ରୀ କିଏ ହେବେ ? ସେ ଆହୁରି କହିଛନ୍ତି ଯେ, ସେମାନେ ଇଣ୍ଡିଆ ମେଣ୍ଟର ପ୍ରଧାନମନ୍ତ୍ରୀ ଚେହେରା କିଏ ବୋଲି ପ୍ରଶ୍ନ କରୁଛନ୍ତି । ମୁଁ ବିଜେପିକୁ ପଚାରିବାକୁ ଚାହୁଁଛି , ତାଙ୍କର ପ୍ରଧାନମନ୍ତ୍ରୀ କିଏ ହେବେ।
ଏହା ସହ ସେ କହିଛନ୍ତି, ପ୍ରଧାନମନ୍ତ୍ରୀ ମୋଦୀ ୧୭ ଡିସେମ୍ୱରରେ ୭୫ ବର୍ଷର ହୋଇଯିବେ। ସେ ନିଜେ ହିଁ ୨୦୧୪ରେ ନିୟମ କରିଥିଲେ ଯେ ୭୫ ବର୍ଷ ହୋଇଗଲେ ରାଜନୀତିରୁ ସନ୍ନ୍ୟାସ ନେବା ଜରୁରି । ଏହି କ୍ରମରେ ଏଲକେ ଆଡଭାନୀ, ମୂରଲି ମନୋହର, ସୁମିତ୍ରା ମହାଜନ ପ୍ରମୁଖଙ୍କୁ ସେମାନେ ରାଜନୀତିରୁ ବିଦାୟ ଦେଇଛନ୍ତି । ସେହିଭଳି ମୋଦୀଙ୍କ ବୟସ ୭୫ ବର୍ଷ ହେବାକୁ ଯାଉଥିବାରୁ ସେ କଣ ଅମିତ ଶାହଙ୍କୁ ପ୍ରଧାନମନ୍ତ୍ରୀ କରାଇବାକୁ ଭୋଟ ମାଗୁଛନ୍ତି । ଅମିତ ଶାହ କଣ ମୋଦିଙ୍କ ଗ୍ୟାରେଣ୍ଟିକୁ ପୂରା କରିବେ କି ବୋଲି କେଜ୍ରିଓ୍ବାଲ ପଚାରିଛନ୍ତି ।
କେଜ୍ରିଓ୍ବାଲଙ୍କ ଏଭଳି ପ୍ରଶ୍ନର କଡ଼ା ଜବାବ ଦେଇଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ପ୍ରଧାନମନ୍ତ୍ରୀ ମୋଦୀ ୭୫ ବର୍ଷରେ ରାଜନୀତି ଛାଡ଼ିବା ନେଇ ଦାବି କରି ଭୁଲ କରୁଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିଓ୍ବାଲ । ଏଥିରେ ତାଙ୍କର ଆନନ୍ଦିତ ହେବାର କୌଣସି କାରଣ ନାହିଁ । ସାମ୍ବାଦିକଙ୍କ ପ୍ରଶ୍ନରେ ଶାହ କହିଛନ୍ତି ଯେ, ‘ମୁଁ ଅରବିନ୍ଦ କେଜ୍ରିଓ୍ବାଲ, କମ୍ପାନି ଏବଂ ଇଣ୍ଡି ମେଣ୍ଟକୁ କହିବାକୁ ଚାହୁଁଛି ବିଜେପିର ସମ୍ବିଧାନରେ ସେଭଳି କିଛି (୭୫ ବର୍ଷ ବୟସସୀମା) ଲେଖାଯାଇ ନାହିଁ । ପ୍ରଧାନମନ୍ତ୍ରୀ ମୋଦୀ ଏଥର ବି ନିଜର କାର୍ଯ୍ୟକାଳ ପୂରଣ କରିବାକୁ ଯାଉଛନ୍ତି । ଭବିଷ୍ୟତରେ ବି ଦେଶକୁ ନେତୃତ୍ବ କରିବେ ପିଏମ ମୋଦୀ । ଏନେଇ ବିଜେପିରେ କୌଣସି ଦ୍ବନ୍ଦ୍ବ ନାହିଁ ।’
#WATCH | On Delhi CM Arvind Kejriwal's 'Amit Shah will be the PM, if BJP wins' remark, Union Home Minister Amit Shah says "I want to say this to Arvind Kejriwal and company and INDI alliance that nothing as such is mentioned in BJP's constitution. PM Modi is only going to… https://t.co/eJgCHox2Q7 pic.twitter.com/bKJQ4OtMhe
— ANI (@ANI) May 11, 2024
ଅନ୍ୟପଟେ କେଜ୍ରିଓ୍ବାଲଙ୍କୁ ମିଳିଥିବା ବେଲ ସଂପର୍କରେ ପ୍ରତିକ୍ରିୟା ଦେଇଛନ୍ତି ଅମିତ ଶାହ । କେଜ୍ରିଓ୍ବାଲଙ୍କୁ ଜୁନ୍ ୧ ପର୍ଯ୍ୟନ୍ତ ଅନ୍ତରୀଣ ଜାମିନ ମିଳିଛି । କେବେଳ ନିର୍ବାଚନରେ ପ୍ରଚାର ଲାଗି ତାଙ୍କୁ ଏ ଜାମିନ ମିଳିଛି । ଜୁନ୍ ୨ରେ ତାଙ୍କୁ ତଦନ୍ତ ଏଜେନ୍ସି ପାଖରେ ହାଜର ହେବାକୁ ପଡ଼ିବ । ଯଦି ସେ ଏହାକୁ କ୍ଲିନ୍ ଚିଟ ବୋଲି ଚିନ୍ତା କରୁଛନ୍ତି ତେବେ ସେ ଆଇନକୁ ଦୁର୍ବଳ ଭାବୁଛନ୍ତି ବୋଲି କହିଛନ୍ତି ଅମିତ ଶାହ ।
