ପ୍ରମୂଖ ଖବର
  • ଭୁବନେଶ୍ଵର : ୨୨ରୁ ବଜେଟ ଅଧିବେଶନ, ସରକାର ବନାମ ନବୀନଙ୍କ ଛାୟା ମନ୍ତ୍ରିମଣ୍ଡଳ ଲଢ଼େଇ
  • ||
  • ଆଜି ରସଗୋଲା ଦିବସ, ଜିଆଇର ୫ ବର୍ଷ ପରେ ବ୍ରାଣ୍ଡିଂ ନାହିଁ, ସରକାର ନିରବ
  • ||

ଜୁନ୍ ୨୯ ସୁଦ୍ଧା ୧୪ କୋଟି ନଦେଲେ ଜେଲ୍‌ ଯିବେ ରାଜପାଲ ଯାଦବ

ମୁମ୍ବାଇ,୨୮/୬:  ପୁଣି ଥରେ ବଢିବାକୁ ଯାଉଛି ବଲିଉଡ଼ ଅଭିନେତା ରାଜପାଲ ଯାଦବଙ୍କ ସମସ୍ୟା। ଚେକ୍ ବାଉନ୍ସ ହେବା ମାମଲାରେ ଜୁନ୍‌ ୨୯ ସୁଦ୍ଧା ପ୍ରାୟ ୧୪ କୋଟି ଟଙ୍କା ଜମା କରିବାକୁ ନିର୍ଦେଶ ଦେଇଛନ୍ତି ଅଦାଲତ। ମେ' ୨୯ ତାରିଖରେ ଦିଲ୍ଲୀର କଡ଼କଡ଼ଡୁମା ଅଦାଲତ ରାଜପାଲଙ୍କୁ ଏହି ନିର୍ଦ୍ଦେଶ ଦେଇଥିଲେ । ତେବେ  ନିର୍ଦ୍ଦେଶ ପାଳନ ନହେଲେ ରାଜପାଲ ଯାଦବଙ୍କୁ ଜେଲ୍ ଯିବାକୁ ପଡ଼ିପାରେ।  ସେପଟେ ରାଜପାଲ ଏହି ମାମଲାକୁ ନେଇ ଏବେ ମନ୍ତବ୍ୟ ଦେବାକୁ ମନା କରି ଦେଇଛନ୍ତି।

ମୁରଲୀ ପ୍ରୋଜେକ୍ଟସ ପ୍ରାଇଭେଟ ଲିମିଟେଡର ନିର୍ଦ୍ଦେଶକ ଉଦ୍ୟୋଗପତି ମାଧୋଗୋପାଲ ଅଗ୍ରୱାଲ କହିଛନ୍ତି ଯେ, ରାଜପାଲ ଯାଦବ ୨୦୧୦ ମସିହାରେ 'ଅତା ପତା ଲାପତା' ଚଳଚ୍ଚିତ୍ର ନିର୍ମାଣ ପାଇଁ ତାଙ୍କଠାରୁ ସୁଧରେ ୫ କୋଟି ଟଙ୍କା ନେଇଥିଲେ। ସୁଧ ସମେତ ଏହି ରାଶି ୧୦ କୋଟିରେ ପହଞ୍ଚିବା ପରେ ସେ ଏହାକୁ ଫେରସ୍ତ କରିବାକୁ କହିଥିଲେ। ଅନେକ ଥର କହିବା ପରେ ରାଜପାଲ ୫ କୋଟି ଟଙ୍କାର ଚେକ୍‌ ଦେଇଥିଲେ। ଏହି ଚେକ୍ ବ୍ୟାଙ୍କରେ ଜମା ହେବା ପରେ ଏହା ବାଉନ୍ସ ହୋଇଯାଇଥିଲା। ତା'ପରେ କମ୍ପାନୀ ତାଙ୍କ ବିରୋଧରେ ମାମଲା ଦାୟର କରିଥିଲା। ଏହି ମାମଲାରେ ରାଜପାଲଙ୍କୁ ଜେଲ ମଧ୍ୟ ଯିବାକୁ ପଡିଥିଲା। ଦିଲ୍ଲୀର କଡ଼କଡ଼ଡୁମା ଅଦାଲତରେ ମେ' ୨୯ରେ ଏହି ମାମଲାର ଶୁଣାଣି ହୋଇଥିଲା। ଅଦାଲତ ରାଜପାଲ ଯାଦବଙ୍କୁ ୩୦ ଦିନ ମଧ୍ୟରେ ପ୍ରାୟ ୧୪ କୋଟି ଟଙ୍କା ତାଙ୍କୁ ଦେବାକୁ ନିର୍ଦେଶ ଦେଇଥିଲେ। ମାଧୋଗୋପାଲଙ୍କ ଅନୁଯାୟୀ, ରାଜପାଲଙ୍କୁ ଏହି ରାଶି ନଦେଲେ ତିନିମାସ ଜେଲ ପଠାଇବାକୁ ନିର୍ଦ୍ଦେଶ ଦେଇଛନ୍ତି। 

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.