ପ୍ରମୁଖ ଖବର
  • ଭୁବନେଶ୍ଵର : ଲୁମ୍ବିନୀ ବିହାର ମା' ମଙ୍ଗଳା ବସ୍ତିରେ ବିଲ୍ ଗେଟ୍‌ସ, ଲୋକମାନଙ୍କୁ ଭେଟି ବିଭିନ୍ନ ମୌଳିକ ସୁବିଧା ସମ୍ପର୍କରେ ପଚାରି ବୁଝିଲେ
  • ||
  • ଭୁବନେଶ୍ଵର : ଓଡ଼ିଶା ଆସୁଛନ୍ତି ମହାମହିମ, ମା' କିଚକେଶ୍ଵରୀଙ୍କ ଦର୍ଶନ ସହ ବିଭିନ୍ନ କାର୍ଯ୍ୟକ୍ରମରେ ଦେବେ ଯୋଗ
  • ||

ପଞ୍ଚାୟତରୁ କିରୋସିନ ଚୋରି ଅଭିଯୋଗରେ ପଞ୍ଚାୟତର ରାତ୍ର ଜଗୁଆଳି ସହ ତିନି ଗିରଫ

ଗୋଛାପଡ଼ା,୫/୨ : କନ୍ଧମଳ ଜିଲ୍ଲା ଫିରିଙ୍ଗିଆ ବ୍ଲକ ଗୋଛାପଡ଼ା ଥାନା ବାଲାନ୍ଦାପଡା ଅଂଚଳରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା I ବାଲାନ୍ଦାପଡା ପଞ୍ଚାୟତର ଗୋଦାମ ଘରେ ସାଧାରଣ ବଣ୍ଟନ ପାଇଁ ଗଛିତ ରଖାଯାଇଥିବା କିରୋସିନ ଚୋରି ହୋଇଥିବା ଅଭିଯୋଗରେ ପଞ୍ଚାୟତରେ କାର୍ଯ୍ୟରତ ରାତ୍ର ଜଗୁଆଳିଙ୍କ ସହ ତିନି ଜଣ ଅଭିଯୁକ୍ତଙ୍କୁ ଗିରଫ କାରି କୋର୍ଟ ଚାଲାଣ କରିଛି ଗୋଛାପଡ଼ା ପୋଲିସ I 

ତେବେ ପୋଲିସର ସୂଚନା ଅନୁସାରେ ଗତ ତିନି ତାରିଖ ଦିନ ବାଲାନ୍ଦାପଡା ପଞ୍ଚାୟତ କାର୍ଯ୍ୟାଳୟରୁ ରଖାଯାଇଥିବା ପ୍ରାୟ ଶହେ ଲିଟର କିରୋସିନି ଚୋରି ହୋଇଥିବା ନେଇ ପଞ୍ଚାୟତର ସରପଞ୍ଚ ନିରାକାର ନାଏକ ଗୋଛାପଡା ଥାନାରେ ଏକ ଲିଖିତ ଅଭିଯୋଗ କରିଥିଲେ I ସରପଞ୍ଚଙ୍କ ଅଭଯୋଗ ଆଧାରରେ ଗୋଛାପଡା ଥାନା ପୋଲିସ ୨/୨୪ରେ ଏକ ଚୋରି ମାମଲା ରୁଜୁ କାରି ତଦନ୍ତ ଜାରି ରଖିଥିବାବେଳେ ଏହି କିରୋସିନ ଚୋରି ଘଟଣାରେ ପଞ୍ଚାୟତର ରାତ୍ର ଜଗୁଆଳିଙ୍କ ସମ୍ପୃକ୍ତି ଜଣାପଡ଼ିଥିଲା I ତେବେ ଗିରଫ ଅଭିଯୁକ୍ତମାନଙ୍କ ପାଖରୁ ପୋଲିସ ୪୫ଲିଟର କିରୋସିନ ଜବତ କରିଥିବାବେଳେ ଏହି ଚୋରି ଘଟଣାରେ ଗିରଫ ହୋଇଥିବା ଅଭିଯୁକ୍ତମାନଙ୍କ ମଧ୍ୟରେ ରାତ୍ର ଜଗୁଆଳି ଜଣକ ସେହି ବାଲାନ୍ଦାପଡ଼ା ଗାଁର ପୂର୍ଣ୍ଣଚନ୍ଦ୍ର ପ୍ରଧାନ, ଶେଷଦେବ ସେଠ ଓ ଆନନ୍ଦେଶ୍ଵର ସେଠ ବୋଲି ଜଣାପଡ଼ିଛି I ସୋମବାର ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ପ୍ରଭାତ ବେହେରା ସୂଚନା ଦେଇଛନ୍ତି I

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.