ନୂଆଦିଲ୍ଲୀ,୨୭।୮: ଦିଲ୍ଲୀ ମଦ ଦୁର୍ନୀତି ମାମଲାରେ ବିଆରଏସ୍‌ ନେତ୍ରୀ କେ.କବିତାଙ୍କୁ ସୁପ୍ରିମକୋର୍ଟରୁ ଜାମିନ୍। ୧୦ ଲକ୍ଷ ଟଙ୍କାର ବେଲ୍‌ ବଣ୍ଡରେ ତାଙ୍କୁ ଜାମିନ୍ ଦେବା ସହ ସୁପ୍ରିମକୋର୍ଟ ମଧ୍ୟ କିଛି ସର୍ତ୍ତ ରଖିଛନ୍ତି। କବିତାଙ୍କୁ ନିଜର ପାସପୋର୍ଟ ଜମା କରିବାକୁ ‌େ‌ହେବ। ଦେଶର ସବୁଠାରୁ ବଡ଼ କୋର୍ଟ ତାଙ୍କୁ ଜାମିନ୍ ଦେବା ସହ ଏହା କହିଛନ୍ତି ଯେ, ପ୍ରମାଣ ନଷ୍ଟ କରିବାକୁ ଚେଷ୍ଟା ନକରନ୍ତୁ। କବିତାଙ୍କୁ ଏଭଳି ସମୟରେ ଜାମିନ୍ ମିଳିଛି ଯେତେବେଳେ ନିକଟରେ ସୁପ୍ରିମକୋର୍ଟ ଦିଲ୍ଲୀ ଉପ-ମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କୁ ମଧ୍ୟ ୧୮ ମାସ ପରେ ଜାମିନ୍ ପ୍ରଦାନ କରିଛନ୍ତି। 

ଜଷ୍ଟିସ୍ ବିଆର ଗଭଇ ଓ ଜଷ୍ଟିସ୍ କେଭି ବିଶ୍ବନାଥନଙ୍କ ଖଣ୍ଡପୀଠ କବିତାଙ୍କୁ ଜାମିନ୍ ଦେଇ ଏହା ସ୍ପଷ୍ଟ କରିଛନ୍ତି ଯେ, ମେରିଟ୍‌ରେ କାହା ଉପରେ କୌଣସି ଟିପ୍ପଣୀ କରାଯାଇ ନାହିଁ, ଫଳରେ ଟ୍ରାଏଲ ଉପରେ କୌଣସି ପ୍ରଭାବ ପଡିବନି। କବିତା ୫ ମଇରୁ ଜେଲ୍‌ରେ ଥିଲେ। ଇଡି ଓ ସିବିଆଇ ସିସୋଦିଆ ଓ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କ ଭଳି କେ.କବିତାଙ୍କ ଭୂମିକା ମଧ୍ୟ ମଦ ଦୁର୍ନୀତିରେ ଗୁରୁତ୍ବପୂର୍ଣ୍ଣ ବୋଲି କହିଥିଲେ।

ତଦନ୍ତକାରୀ ଏଜେନ୍ସି ଜାମିନ୍ ଆବେଦନର ବିରୋଧ କରି ସୁପ୍ରିମକୋର୍ଟ କହିଛନ୍ତି, ବିଆରଏସ୍‌ ନେତା କେ କବିତା ମୋବାଇଲ ଫୋନ୍ ଫର୍ମାଟ କରିଦେଇଥିଲେ ଓ ସେ ପ୍ରମାଣ ନଷ୍ଟ ନକରିବାକୁ କହିଛନ୍ତି। ସେଭଳି କେ କବିତା କହିଛନ୍ତି, ମୋବାଇଲ ଫୋନ୍ ଫର୍ମାଟ କରିବାର ଅଭିଯୋଗ ନକଲି। ସୁପ୍ରିମକୋର୍ଟ ତଦନ୍ତକାରୀ ଏଜେନ୍ସିଙ୍କୁ ପଚାରିଛନ୍ତି, କ’ଣ ପ୍ରମାଣ ରହିଛି। ବିଆରଏସ୍‌ ନେତା କବିତାଙ୍କ ଅପରାଧରେ ସାମିଲ ଥିଲେ। କବିତାଙ୍କ ପକ୍ଷରୁ ବରିଷ୍ଠ ଆଇନଜୀବି ମୁକୁଲ ରୋହତଗି  ଜାମିନ୍ ଦେବାର ଅନୁରୋଧ କରିଥିଲେ।