ନୂଆଦିଲ୍ଲୀ,୨୪/୮ :  ଆଇପିଏଲ୍ ୨୦୨୫ଲାଗି ଅକ୍ସନ ପୂର୍ବରୁ ଟିମ୍ ଖେଳାଳୀଙ୍କୁ ରିଲିଜ କରିବ । ପ୍ରାୟ କେତେକ ଖେଳାଳୀଙ୍କ ଟିମ୍ ପରିବର୍ତ୍ତନ ହେବାରେ ଅଛି । ଏବେ ମୁମ୍ବାଇ ଇଣ୍ଡିଆନ୍ସ ଏବଂ କୋଲକାତା ନାଇଟ ରାଇଡର୍ସକୁ ନେଇ ଏକ ଗୁରୁତ୍ବପୂର୍ଣ୍ଣ ଖବର ସାମ୍ନାକୁ ଆସୁଛି । ଏକ ରିପୋର୍ଟ ଅନୁସାରେ ମୁମ୍ବାଇ ଟିମ୍ ଭାଙ୍ଗିବାକୁ ଯାଉଛି । କେକେଆର ସୂର୍ଯ୍ୟ କୁମାର ଯାଦବଙ୍କୁ ଅଧିନାୟକର ଅନଅଫିସିଆଲ ଅଫର ଦେଇଛନ୍ତି ।  ଯଦି ସୂର୍ଯ୍ୟ ମୁମ୍ବାଇର ହାତ ଛାଡ଼ୁଛନ୍ତି ତ ସେ କେକେଆରକୁ ଯାଇପାରନ୍ତି । ମାତ୍ର ଏହାକୁ ନେଇ କୌଣସି ପ୍ରକାର ଅଫିସିଆଲ ସୂଚନା ମିଳିନାହିଁ ।

ସୂର୍ଯ୍ୟ ୨୦୧୮ରୁ ମୁମ୍ବାଇ ଇଣ୍ଡିଆନ୍ସ ସହ ଅଛନ୍ତି । ସୂର୍ଯ୍ୟଙ୍କୁ ୨୦୧୮ରୁ ୨୦୨୧ପର୍ଯ୍ୟନ୍ତ ୩.୨୦କୋଟି ଟଙ୍କା ଦରମା ମିଳୁଥିଲା । ଏହାପରେ ୨୦୨୨ରେ ଦରମା ବଢାଇ ଦିଆଯାଇଛି । ଏବେ ତାଙ୍କୁ ୮କୋଟି ଟଙ୍କା ମିଳୁଛି । କିନ୍ତୁ ଏବେ ତାଙ୍କୁ ମେଗା ଅକ୍ସନ ପୂର୍ବରୁ ଯଦି ମୁମ୍ବାଇ ରିଲିଜ କରିବ ତ କୋଲକାତା କିଣିପାରେ । କ୍ରିକେଟକୀଡ଼ାର ଏକ ଖବର ଅନୁସାରେ କେକେଆର ସୂର୍ଯ୍ୟଙ୍କୁ ଅଧିନାୟକର ଅଫର ଦେଇଛି । କିନ୍ତୁ ସେ ଏବେ ଏହା ଉପରେ ପ୍ରତିକ୍ରିୟା ଦେଇ ନାହାନ୍ତି । ଯଦି ସୂର୍ଯ୍ୟ କେକେଆର ଯାଉଛନ୍ତି ତ ସେଠାରେ ଅଧିନାୟକ ହୋଇପାରନ୍ତି ।

ପ୍ରକାଶ‌ ଯେ, ମୁମ୍ବାଇ ଇଣ୍ଡିଆନ୍ସ ଗତ ସିଜନରେ ରୋହିତ ଶର୍ମାଙ୍କୁ ଅଧିନାୟକରୁ ହଟାଇ ଦିଆଯାଇଥିଲା । ଟିମ୍ ପାଣ୍ଡ୍ୟାକୁ ଅଧିନାୟକ ଦାୟିତ୍ବ ଦେଇଥିଲା । ହାର୍ଦ୍ଦିକ ଅଧିନାୟକ ହେବା ପ‌ରେ ଟିମରେ ପରିବର୍ତ୍ତନ ଆସିଥିଲା । ଗଣମାଧ୍ୟମ ରିପୋର୍ଟ ଅନୁସାରେ ସୂର୍ଯ୍ୟ ସମେତ କେତେକ ଖେଳାଳୀ ପାଣ୍ଡ୍ୟାଙ୍କ ଅଧିନାୟକତ୍ବରେ ଖୁସି ନ ଥିଲେ । ତେବେ ମୁମ୍ବାଇ ଏବେ କାହାକୁ ରିଲିଜ କରିବ କି ନ କରିବ ତାହା କୁହାଯାଇପାରିବ ନାହିଁ ।