ପ୍ରମୁଖ ଖବର
  • ବୁଧବାର ଅରୁଣ ଗୋଭିଲ, ଗୁରୁବାର ପୁଣି ଓଡିଶା ଆସିବେ ଜେ.ପି ନଡ୍ଡା
  • ||
  • ପ୍ରଯୋଜକ ବିଜୟ ପଟ୍ଟନାୟକଙ୍କ ପରଲୋକ, ଚିକିତ୍ସାଧୀନ ଅବସ୍ଥାରେ ତ୍ୟାଗ କଲେ ଶେଷ ନିଶ୍ୱାସ
  • ||
  • ନିର୍ବାଚନ ଡ୍ୟୁଟି ସାରି ଫେରୁଥିବା ବେଳେ ଦୁର୍ଘଟଣା : ଜଣେ ଆହତ, ଅଳ୍ପକେ ବର୍ତ୍ତିଲେ ୨୦ ପୋଲିସ କର୍ମଚାରୀ
  • ||
  • ରଥଖଳା ହାଲ୍‌ଚାଲ୍‌...ଶ୍ରୀନୃସିଂହ ଚତୁର୍ଦ୍ଦଶୀ ତିଥିରେ ଗୁଜ ଅନୁକୂଳ, ଖୋଳା ହେବ ଯନ୍ତା ଗାଡ଼
  • ||
  • ସ୍ୱାତୀ ମାଲିୱାଲଙ୍କୁ ମାଡ଼ ମାମଲା: ସିଏମ୍‌ ହାଉସ୍‌ରେ ବିଭବଙ୍କୁ ନେଇ ସିନ୍‌ ରିକ୍ରିଏଟ୍‌
  • ||
  • ମଦ ନୀତି ଦୁର୍ନୀତି ମାମଲା: କେଜ୍‌ରିୱାଲଙ୍କୁ ପୁଣି ୧୪ ଦିନ ରିମାଣ୍ଡରେ ନେବାକୁ ଇଡିର ଆବେଦନ
  • ||
  • IPL ପ୍ରଥମ କ୍ୱାଲିଫାୟର ମ୍ୟାଚ୍‌ରେ ମୁହାଁମୁହିଁ ହେବେ କୋଲକାତା- ହାଇଦ୍ରାବାଦ, ରନ୍‌ ବର୍ଷା କରିବେ ବ୍ୟାଟିଂ ପାୱାର ହାଉସ୍‌
  • ||
  • ବାତ୍ୟା ହେବନି..ଅବପାତ ହୋଇ ମିଆଁମାର ଯିବ: ଜିଏଫଏସ୍
  • ||

ଯୁବତୀଙ୍କ ସନ୍ଦେହଜନକ ମୃତ୍ୟୁ, କାରଣ ଖୋଜୁଛି ପୋଲିସ

ଫିରିଙ୍ଗିଆ, ୧୩/୪ : ଯୁବତୀଙ୍କ ସନ୍ଦେହଜନକ ମୃତ୍ୟୁ। ଫିରିଙ୍ଗିଆ ଅଞ୍ଚଳରେ ଜଣେ ୨୫ ବର୍ଷୀୟ ଯୁବତୀଙ୍କ ସନ୍ଦେହଜନକ ମୃତ୍ୟୁ ହୋଇଛି। ମୃତ ଯୁବତୀ ଜଣକ ଫିରିଙ୍ଗିଆ ଥାନା ନୁଆପଦର ପଞ୍ଚାୟତ ରବିଙ୍ଗିଆ ଗାଁର ବୋଲି ଜଣାପଡିଛି। ଘଟଣାକୁ ନେଇ ମେଡିକାଲ କର୍ତ୍ତୃପକ୍ଷ ଥାନାରେ ଏକ ଲିଖିତ ଅଭିଯୋଗ କଲାପରେ ଫିରିଙ୍ଗିଆ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। 

ମୃତ ଯୁବତୀଙ୍କ ଭାଇ ପ୍ରତାପ କହଁରଙ୍କ ବୟାନ ଅନୁସାରେ ସରିତା ଏକ ବେସରକାରୀ ମାର୍କେଟିଙ୍ଗ କମ୍ପାନୀର ଏଜେଣ୍ଟ ଭାବରେ କାମ କରୁଥିଲେ। ଗତ ୨ ତାରିଖ ଦିନ ସେ କମ୍ପାନୀର ବାର୍ଷିକ ଉତ୍ସବ ପାଇଁ ଅନ୍ୟମାନଙ୍କ ସହ ଦିଲ୍ଲୀ ଯାଇ ୧୦ ତାରିଖ ରାତିରେ ଗାଁକୁ ଫେରିଥିଲେ। ୧୧ ତାରିଖ ଦିନ ହଠାତ୍ ତାଙ୍କ ଦେହ ଅସୁସ୍ଥ ହେବା ସହ ବାନ୍ତି ଓ ଝାଡା ହୋଇଥିଲା। ପରେ ପରିବାର ଲୋକେ ତାଙ୍କୁ ଚିକିତ୍ସା ପାଇଁ ଫିରିଙ୍ଗିଆ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତି କରିଥିଲେ। ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା। ମାର୍କେଟିଙ୍ଗ କାମରେ ଉତ୍ତମ ପ୍ରଦର୍ଶନ କରିଥିବା ଯୋଗୁଁ କମ୍ପାନୀ ତରଫରୁ ତାଙ୍କୁ ପୁରସ୍କୃତ କରାଯିବା ପାଇଁ ମନୋନୀତ କରାଯାଇଥିଲା। ସେପଟେ ଯୁବତୀଙ୍କ ବାହାଘର ପାଇଁ  ନିର୍ବନ୍ଧ ସାରିଥିବା ବେଳେ କିଛିଦିନ ପରେ ତାଙ୍କର ବାହାଘର ହୋଇଥାନ୍ତା ବୋଲି ତାଙ୍କ ଭାଇ ପ୍ରତାପ କହିଛନ୍ତି। 

କନ୍ଧମାଳ ଜିଲ୍ଲାର ୫୩ ଜଣ କର୍ମଚାରୀ ଦିଲ୍ଲୀ ଯାଇଥିବା ବେଳେ ଏମାନଙ୍କର ନେତୃତ୍ୱ ନେଇଥିବା ଦାରିଙ୍ଗବାଡି ଅଞ୍ଚଳର ଆଇଏମସି କର୍ମଚାରୀ ସଞ୍ଜୟ କୁମାର ବିନ୍ଧାଣୀଙ୍କୁ ପଚାରିବାରୁ, ଦିଲ୍ଲୀ ଯିବା ଠାରୁ ଘରେ ପହଞ୍ଚିବା ଯାଏ ସବୁକିଛି ଠିକ ଥିଲା, କୌଣସି ଅସୁବିଧା ନ ଥିବା କହିଛନ୍ତି। ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ଘଟଣାର ସତ୍ୟାସତ୍ୟ ସାମ୍ନାକୁ ଆସିବ ବୋଲି ଥାନା ଅଧିକାରୀ ଗୋପୀନାଥ ପ୍ରଧାନ କହିଛନ୍ତି।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.