ମାଲକାନଗିରି, ୨୮।୩ : ମାଲକାନଗିରି ଜିଲ୍ଲା ସଦରରେ ଥିବା ବାଲିସାଗର ବନ୍ଧର ପୁନଃ ଉଦ୍ଧାର କାର୍ଯ୍ୟ ଜାରି ରହିଛି। ମାଟି ଉଠାଇବା କାର୍ଯ୍ୟ କରୁଥିବା ଏକ ଟ୍ରାକ୍ଟରରୁ ଚାଳକ ଗାଡି ଚଳାଉଥିବା ବେଳେ ତଳେ ପଡି ମୃତ୍ୟୁ ଘଟଛି।

 ଜିଲ୍ଲା ସଦରରେ ଥିବା ବାଲି ସାଗର ବନ୍ଧର ପୁନଃ ଉଦ୍ଧାର କାର୍ଯ୍ୟ ଜାରି ରହିଛି । ମାଲକାନଗିରି ପୌର ପରିଷଦ ପକ୍ଷରୁ ଏହି କାର୍ଯ୍ୟ କରାଯାଉଥିବା ବେଳେ ପୋଖରୀର ଗଭୀରତାକୁ ବୃଦ୍ଧି କରିବା ପାଇଁ ମେସିନ ଦ୍ଵାରା ଖନନ କାର୍ଯ୍ୟ କରାଯାଉଥିବା ସହ ମାଟି ସ୍ଥାନାନ୍ତର ପାଇଁ ଅନେକ ଟ୍ରାକ୍ଟର ମଧ୍ୟ  ନିୟୋଜିତ ହୋଇଛି।  ତେବେ ଏହି ଟ୍ରାକ୍ଟର ମଧ୍ୟରେ ଥିବା (ନଂଓଡି ୩୦ସି ୩୫୬୯ ) ଗାଡିର ଚାଳକ ପଦ୍ମନ କବାସୀ ମାଟି ନେଇ ଯାଉଥିବା ବେଳେ ହଠାତ ଗାଡିରୁ ଖସି ପଡିଥିଲେ । ତାଙ୍କ ଉପରେ ଚକା ଚଢି ଯିବାରୁ ସେ ଗୁରୁତର ଆହତ ହୋଇଥିଲେ । ତୁରନ୍ତ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିବା ବେଳେ ସେଠାରେ ତାଙ୍କର ମୃତ୍ୟୁ ହୋଇଥିଲା । ତେବେ ଏନେଇ ପଦ୍ମନଙ୍କ ଭାଇ ସମା କବାସୀ ମାଲକାନଗିରି ଥାନାରେ ଏକ ଲିଖିତ ଅଭିଯୋଗ କରିଛନ୍ତି । ତେବେ ଏନେଇ ମାଲକାନଗିରି ପୋଲିସ ମୃତ ଦେହ ଜବତ କରି ଶବ ବ୍ୟବଚ୍ଛେଦ ନିମନ୍ତେ ପଠାଇ ଘଟଣାର ତଦନ୍ତ ଆରମ୍ଭ କରିଥିବା ଜଣା ପଡିଛି ।

ଆହୁରି ପଢନ୍ତୁ : ରାସ୍ତା ପାର ହେଉଥିଲେ ବୃଦ୍ଧା, ବସ୍ ଧକ୍କାରେ ଚାଲିଗଲା ଜୀବନ