ମାଲକାନଗିରି,୧୧।୫(ଆପ୍ର ): ଆସନ୍ତା ୧୩ ତାତିଖ ରେ ମାଲକାନଗିରି ଓ ଚିତ୍ରକୋଣ୍ଡା ବିଧାନସଭା ଆସନ ପାଇଁ ନିର୍ବାଚନ ହେବାକୁ ଯାଉଛି। ଏହି ଦୁଇଟି ବିଧାନସଭା ଆସନ ପାଇଁ ମୋଟ ୫୪୭ଟି ଭୋଟ କେନ୍ଦ୍ର କରାଯାଇଛି। ସେଥିମ ଧ୍ୟରୁ ୩୦ଟି ସଖୀ ବୁଥ,୨ଟି ଭିନ୍ନକ୍ଷମ ବୁଥ ରହିଛି। ମାଲକାନଗିରି ଜିଲ୍ଲାର ପୋଲିଂ ପାର୍ଟିମାନେ ଇଭିଏମ ଧରି ନିଜ ନଜ ବୁଥକୁ ଯାଇଛନ୍ତି।
ମାଲକାନଗିରି ବିଧାନସଭା ନିର୍ବାଚନ ମଣ୍ଡଳୀ ଓ ଚିତ୍ରକୋଣ୍ଡା ବିଧାନସଭା ନିର୍ବାଚନ ମଣ୍ଡଳୀ ପାଇଁ ମତଦାନ ହେବାକୁ ଥିବା ବେଳେ ସମସ୍ତ ପୁଲିଙ୍ଗ କର୍ମଚାରୀ ମାଲକାନଗିରି ସରକାରୀ ପଲିଟେକ୍ନିକ କଲେଜର ପ୍ରସ୍ତାନ କେନ୍ଦ୍ରରୁ ସେମାନଙ୍କର ଇଭିଏମ, ଭିଭି ପ୍ୟାଡ଼ ଓ ସମସ୍ତ ମତଦାନ ସରଞ୍ଜାମ ଧରି ବୁଥ ଅଭିମୁଖେ ବାହାରିଛନ୍ତି । ଆସନ୍ତା କାଲି ମାଲକାନଗିରି ପୌରପରିଷଦ ଓ ବାଲିମେଳା ଏନଏସି ଅଞ୍ଚଳର ୩୦ଟି ସଖୀ ବୁଥ,୨ଟି ଭିନ୍ନକ୍ଷମ ବୁଥ କୁ ପୁଲିଙ୍ଗ ପାର୍ଟି ଯିବେ। ମାଲକାନଗିରି ଜିଲ୍ଲାର ମୋଟ ୪ଲକ୍ଷ ୫୨ହଜାର ୫୪୪ଜଣ ଭୋଟର ସେମାନଙ୍କର ମତଦାନ ସାବ୍ୟସ୍ତ କରିବେ । ଏଥିପାଇଁ ଜିଲ୍ଲାରେ ମୋଟ ୫୪୭ ଟି ବୁଥ କରାଯାଇଥିବା ବେଳେ ତନ୍ମଧ୍ୟରୁ ୪୨ଟି ଆଦର୍ଶ ବୁଥ ରହିଛି । ଆଦର୍ଶ ବୁଥ ମଧ୍ୟରୁ ୩୦ ଟି ସଖି ବୁଥ, ୧୦ ଟି ଭିନ୍ନକ୍ଷମ ବୁଥ ରହିଛି । ଆଜି ମୋଟ ୫୪୭ଟି ବୁଥର ପୋଲିଙ୍ଗ ପାର୍ଟିଙ୍କ ମଧ୍ୟରୁ ୫୧୫ ଟି ବୁଥର ପୁଲିଙ୍ଗ ପାର୍ଟିର କର୍ମଚାରୀମାନେ ନିଜ ନିଜର ବୁଥକୁ ଯାଇଛନ୍ତି ଓ ଅନ୍ୟ ଆଦର୍ଶ ବୁଥର କର୍ମଚାରୀମାନେ ଆସନ୍ତାକାଲି ଗସ୍ତ କରିବେ ବୋଲି ଜିଲ୍ଲାପାଳ ସଚିନ ପାୱାର ପ୍ରକାଶ କରିଛନ୍ତି । ଏଥିସହ ମତଦାନ ଦିନ ଗ୍ରୀଷ୍ମପ୍ରବାହ ଜାରି ରହିବାର ଅନୁମାନ କରାଯାଇଥିବା ବେଳେ ସକାଳ ୭ଟା ରୁ ୧୨ଟା ମଧ୍ୟରେ ଅଧିକରୁ ଅଧିକ ଭୋଟର ମତଦାନ ସାବ୍ୟସ୍ତ କାରିବାକୁ ସେ ଅନୁରୋଧ କରିଛନ୍ତି ।