ଭୁବନେଶ୍ୱର,୩୧/୦୫: ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଟେକ୍ନିକାଲ୍‌  ଏଜୁକେସନ ଆଣ୍ଡ ରିସର୍ଚ୍ଚ (ଆଇଟିଇଆର୍‌) ଦେଶର ତୃତୀୟ ଶ୍ରେଷ୍ଠ ଇଞ୍ଜିନିୟରିଂ ଶିକ୍ଷାନୁଷ୍ଠାନ  ମାନ୍ୟତା ପାଇଛି । ଟାଇମ୍ସ ଅଲ୍‌ ଇଣ୍ଡିଆ ଇଞ୍ଜିନିୟରିଂ ଇନ୍‌ଷ୍ଟିଚ୍ୟୁଟ୍‌ ର‌୍ୟାଙ୍କିଙ୍ଗ  ସର୍ଭେ ୨୦୨୪ର ସମସ୍ତ  ବର୍ଗରେ ଆଇଟିଇଆର୍‌  ଶ୍ରେଷ୍ଠ ତୃତୀୟ ସ୍ଥାନରେ ରହିଛି । ୨୦୨୩ ଟାଇମ୍ସ  ସର୍ଭେରେ ମଧ୍ୟ ଆଇଟିଇଆର୍‌ ଦେଶର ପ୍ରମୁଖ  ଇଞ୍ଜିନିୟରିଂ କଲେଜ ମଧ୍ୟରେ ତୃତୀୟ ସ୍ଥାନ ହାସଲ  କରିଥିଲା । ସେହିପରି ଚଳିତ ବର୍ଷ ମଧ୍ୟ ଦେଶର ଶ୍ରେଷ୍ଠ ୧୨୫ ବେସରକାରୀ ଇଞ୍ଜିନିୟରିଂ ଶିକ୍ଷାନୁଷ୍ଠାନ  ମଧ୍ୟରେ ଦ୍ୱିତୀୟ ସ୍ଥାନ ଓ ପୂର୍ବ ଭାରତରେ ପ୍ରଥମ  ସ୍ଥାନ ଅଧିକାର କରିଛି । ଗବେଷଣା କ୍ଷେତ୍ରରେ  ଦେଶର ତୃତୀୟ ସ୍ଥାନ, ପ୍ଲେସ୍‌ମେଣ୍ଟରେ ପଞ୍ଚମ  ସ୍ଥାନ ହାସଲ କରିଛି । ୨୦୨୩ରେ ଗବେଷଣା  କ୍ଷେତ୍ରରେ ସାରା ଦେଶରେ ଏହି ଶିକ୍ଷାନୁଷ୍ଠାନ ଚତୁର୍ଥ  ଓ ପ୍ଲେସ୍‌ମେଣ୍ଟରେ ନବମ ସ୍ଥାନରେ ରହିଥିଲା ।