ଶ୍ରୀନଗର, ୦୭/୦୫ : ଜାମ୍ମୁ କାଶ୍ମୀରରେ ସୁରକ୍ଷାବାହିନୀର ମାଓ ଦମନ ଅପରେଶନ ଜାରି। ସୋମବାର ସକାଳେ ଦକ୍ଷିଣ କାଶ୍ମୀର କୁଲଗାମର ରେଡୱାନୀ ପାଇନ ଅଞ୍ଚଳରେ ସୁରକ୍ଷାବାହିନୀ ସର୍ଚ୍ଚ ଅପରେଶନ ଆରମ୍ଭ କରିଥିଲା। ଏହି ସମୟରେ ମାଓବାଦୀମାନେ ସୁରକ୍ଷାବାହିନୀ ଉପରକୁ ଆକ୍ରମଣ କରିଥିଲେ। ଫଳରେ ସୁରକ୍ଷାବାହିନୀ ଏହାର ପାଲଟା ଜବାବ ଦେଇଛି। ଏବେବି ଘଟଣାସ୍ଥଳରେ ଏନକାଉଣ୍ଟର ଜାରି ରହିଛି। ଜାମ୍ମୁ କାଶ୍ମୀର ପୋଲିସ ଏବଂ ସୁରକ୍ଷାବାହିନୀର ମିଳିତ ସହଯୋଗରେ ଏହି ଅପରେଶନ ଜାରି ରହିଛି। ଏହି ମଧ୍ୟରେ ଏକ ବଡ଼ ଖବର ସାମ୍ନାକୁ ଆସିଛି। ଲସ୍କରର ଶୀର୍ଷ ମାଓ କମାଣ୍ଡର ବାସିତ ଅହମ୍ମଦ ଡାରକୁ ଗିରଫ କରାଯାଇଛି। 

ସୂଚନାନୁଯାୟୀ, ଗତ ବର୍ଷ ଏନଆଇଏ ଲସ୍କରର ସହଯୋଗୀ ସଙ୍ଗଠନ ଦ ରେଜିଷ୍ଟାନ୍ସ ଫ୍ରଣ୍ଟ କମାଣ୍ଡର ବାସିତ ଅହମଦ ଡାରକୁ ଧରାଇ ଦେଲେ ୧୦ ଲକ୍ଷ ଟଙ୍କା ପୁରସ୍କାର ଘୋଷଣା କରିଥିଲା। ବାସିତ ନହୁ ହତ୍ୟାକାଣ୍ଡର ମାଷ୍ଟରମାଇଣ୍ଡ ଥିଲା। ସେ ରେଡବାନିର ନିବାସୀ ଥିଲା। ୨୦୨୨ରୁ ବାସିତ ନିଖୋଜ ଥିଲା। 

ପ୍ରକାଶ ଥାଉକି, ଜାମ୍ମୁ କାଶ୍ମୀରର ପୁଞ୍ଛ ଜିଲ୍ଲାରେ ଗତ ମେ ୪ ତାରିଖରେ ବାୟୁସେନାର କାରକେଡ ଉପରେ ଆତଙ୍କବାଦୀମାନେ ଆକ୍ରମଣ କରିଥିଲେ। ଏହି ଆକ୍ରମଣରେ ବାୟୁସେନାର ଜଣେ ଯବାନ ଶହୀଦ ହୋଇଥିବା ବେଳେ ୪ ଜଣ ଆହତ ହୋଇଥିଲେ। ଏହି ଆତଙ୍କବାଦୀଙ୍କୁ ଧରିବା ପାଇଁ କୁଲଗାମରେ ସର୍ଚ୍ଚ ଅପରେଶନ ଆରମ୍ଭ କରାଯାଇଥିଲା।