ନୂଆଦିଲ୍ଲୀ ୬/୯: ଭାରତୀୟ ଟୁ-ହ୍ୱିଲର ମେକର ଟିଭିଏସ୍ ମୋଟର ନେକେଡ୍ ମୋଟରସାଇକେଲ ଆପାଚେ ଆରଟିଆର୍ ୩୧୦କୁ ୨.୪୩ ଲକ୍ଷ ଟଙ୍କାର ପ୍ରାରମ୍ଭିକ ଏକ୍ସ-ଶୋରୁମ୍ ଦାମରେ ଲଞ୍ଚ୍ କରିଦେଇଛି । କମ୍ପାନୀର ନେକେଡ୍ ବାଇକରେ କ୍ଲାଇମେଟ୍ କଣ୍ଟ୍ରୋଲ ସିଟ୍ ଦିଆଯାଇଛି ଯାହାକି ପାଣିପାଗ ଅନୁସାରେ ମାତ୍ର ୩ ମିନିଟରେ ୧୫ ଡିଗ୍ରୀ ପର୍ଯ୍ୟନ୍ତ ଥଣ୍ଡା ବା ଗରମ ହୋଇପାରିବ । 

ବାଇକରେ ସ୍ମାର୍ଟଫୋନ୍ କନେକ୍ଟିଭିଟି ସହିତ ଭଏସ୍ କମାଣ୍ଡ ବିଶିଷ୍ଟ ଟିଏଫଟି ଡିସପ୍ଲେ ସହିତ ଅନେକ ଆଡଭାନ୍ସ୍ଡ ଫିଚର ଦିଆଯାଇଛି । ଟିଭିଏସ୍ ଆପାଚେ ଆରଟିଆର୍ ୩୧୦ ଭାରତୀୟ ବଜାରରେ କାୱାସାକି ନିଞ୍ଜା ୩୦୦କୁ ଟକ୍କର ଦେବ । କମ୍ପାନୀ ବାଇକକୁ ୨ଟି କଲର ଅପ୍ସନ –ଆର୍ସେନଲ ବ୍ଲଲାକ୍ ଏବଂ ଫ୍ୟୁରୀ ୟେଲୋ ସହିତ ନେଇଆସିଛି । ମୋଟରସାଇକେଲରେ ୩୧୨.୧୨ ସିସିର ସିଙ୍ଗଲ ସିଲିଣ୍ଡର, ଲିକ୍ୱିଡ୍ କୁଲ୍ଡ ରିଭର୍ସ ଇଙ୍କ୍ଲାଇନ୍ DOHC ଇଞ୍ଜିନ୍ ଦିଆଯାଇଛି ଯାହା ୯,୭୦୦ ଆରପିଏମରେ ୩୫ ଏଚପିର ପାୱର ଏବଂ ୬୬୫୦ ଆରପିଏମରେ ୨୮.୭ ଏନଏମର ପିକ୍ ଟର୍କ ଜେନେରେଟ୍ କରିଥାଏ । ଇଞ୍ଜିନକୁ ୬ ସ୍ପିଡ୍ ଗିୟରବକ୍ସ ସହିତ ଟ୍ୟୁନ କରାଯାଇଛି । 

କମ୍ପାନୀର କହିବାନୁସାରେ ନେକେଡ୍ ବାଇକ ୨.୮୧ ସେକେଣ୍ଡରେ ୬୦ କିଲୋମିଟର ପ୍ରତି ଘଣ୍ଟା ସ୍ପିଡ୍ ଧରିପାରିବ ଏବଂ ଏହାର ଟପ୍ ସ୍ପିଡ୍ ୧୫୦ କିଲୋମିଟର ପ୍ରତି ଘଣ୍ଟା । ନୂଆ ଆପାଚେ ଆରଟିଆର ୩୧୦ରେ ୫ ରାଇଡ୍ ମୋଡ ଅର୍ବାନ, ରେନ୍, ସ୍ପୋର୍ଟ୍ସ, ଟ୍ରାକ୍ ଏବଂ ସୁପରମୋଟୋ ମୋଡ୍ ମିଳିଥାଏ । ଟିଭିଏସ୍ ଆପାଚେ ଆରଟିଆର୍ ୩୧୦ରେ ଏଲଇଡି ଡିଆରଏଲ୍ସ ସହିତ ନୂଆ ସ୍ପିଲ୍ଟ ଏଲଇଡି ହେଡଲ୍ୟାମ୍ପ ସେଟଅପ୍ ଫ୍ଲାଟ୍ ଗୋଲ୍ଡ ଫିନିଶ୍ଡ ହ୍ୟାଣ୍ଡେଲବାର୍, ନୂଆ ହାଲୁକା ଆଲୁମିନିୟମ୍ ସବଫ୍ରେମ୍, ଏକ ଟ୍ୱିନ୍ ଟେଲ ଲ୍ୟାମ୍ପ ଏବଂ ଏକ ସ୍ପିଲ୍ଡ ସିଟ୍ କନଫିଗରେସନ୍ ରହିଛି ।