ନୂଆଦିଲ୍ଲୀ,୧୧।୯: ଶିବସେନା(ୟୁବିଟି) ଅଧ୍ୟକ୍ଷ ଉଦ୍ଧବ ଠାକେର ରାମ ମନ୍ଦିର ଉଦଘାଟନକୁ ନେଇ ବିବାଦୀୟ ବୟାନ ଦେଇଛନ୍ତି। ସେ ଦାବି କରିଛନ୍ତି, ରାମ ମନ୍ଦିର ଉଦଘାଟନ ପାଇଁ ସାରା ଦେଶକୁ ଲୋକ ଉତ୍ତର ପ୍ରଦେଶରେ ଏକାଠି ହେବାରେ ଲାଗିଛନ୍ତି। ଏଭଳି ସ୍ଥିତିରେ ‘ପୁଣିଥରେ ଯାତ୍ରା’ ବେଳେ ‘ଗୋଧ୍ରା ଭଳି’ ଘଟଣା ଘଟିପାରେ। ଉଦ୍ଧବ ଠାକରେଙ୍କ ବୟାନ ଫଳରେ ରାଜନୈତିକ ସ୍ଥିତି ଗରମ ରହିଛି। 

ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଅଯୋଧ୍ୟା ରାମ୍ ମନ୍ଦିର ଉଦଘାଟନକୁ ନେଇ ବଡ ବୟାନ ଦିଆଯାଇଛି। ସେ ରବିବାର ମୁମ୍ବାଇରୁ ୪୦୦ କିଲୋମିଟର ଦୂର ଜଳଗାଓଁରେ ଏକ କାର୍ଯ୍ୟକ୍ରମକୁ ସମ୍ବୋଧିତ କରି କହିଛନ୍ତି, ରାମ ମନ୍ଦିର ଉଦାଘଟନ ସମୟରେ ଗୋଧ୍ରା କାଣ୍ଡ ଭଳି ଘଟଣା ହୋଇପାରେ। ଉଦ୍ଧବ ଠାକରେ କହିଛନ୍ତି ଏଭଳି ସମ୍ଭବନା ରହିଛି ଯେ, ସରକାର ରାମ ମନ୍ଦିର ଉଦଘାଟନ ପାଇଁ ଏଠାରୁ ବସ୍‌ ଓ ଟ୍ରକ୍‌ରେ ବହୁ ସଂଖ୍ୟରେ ଲୋକଙ୍କୁ ନିମନ୍ତ୍ରଣ କରିପାରନ୍ତି ଓ ସେମାନେ ଫେରିବା ବେଳେ ଗୋଧ୍ରା ଭଳି ଘଟଣା ହୋଇପାରେ।’

କେନ୍ଦ୍ରମନ୍ତ୍ରୀ ଅନୁରାଗ ଠାକୁର କହିଛନ୍ତି, କିଛି ଲୋକ କ୍ଷମତା ଲୋଭରେ ନିଜ ପାର୍ଟିର ବିଚାରଧାରାକୁ ଭୁଲି ଯାଇଛନ୍ତି। ଯେତେ‌ବେଳେ ଅନୁରାଗ ଠାକୁରଙ୍କୁ ଉଦ୍ଧବଙ୍କ ବୟାନ ଉପରେ ଟିପଣୀ ଦେବା ପାଇଁ କୁହାଯାଇଥିଲା ସେ କହିଥିଲେ, ମୋତେ ଜଣାନାହିଁ ବାଲାସାହେବ(ଶିବସେନାର ସ୍ବଗର୍ତ ସଂସ୍ଥାପକ ଓ ଉଦ୍ଧବ ଠାକରେଙ୍କ ବାପା) ଆଜି ଥିଲେ କ’ଣ ଭାବିଥାନ୍ତେ ? କ୍ଷମତା ଲୋଭରେ ଉଦ୍ଧବ ଏ କ’ଣ କରୁଛନ୍ତି ?