ପ୍ରମୂଖ ଖବର
  • ଜୁଲାଇ ୨୨ରେ ସଂସଦର ବଜେଟ ଅଧିବେଶନ, ୨୧ରେ ସର୍ବଦଳୀୟ ବୈଠକ ଡାକିଲେ ସଂସଦୀୟ ବ୍ୟାପାର ମନ୍ତ୍ରୀ
  • ||
  • ବଲାଙ୍ଗୀର:ଓଲଟିଲା ପରିବା ବୋଝେଇ ପିକଅପ ଗାଡି, ଜଣେ ଗୁରୁତର ୫ ଆହତ
  • ||
  • ଶ୍ରୀଲଙ୍କା ଗସ୍ତ ପାଇଁ ଆଜି ଦଳ ଘୋଷଣା, ଟି-ଟ୍ୱେଣ୍ଟି ଅଧିନାୟକ ମୁଖ୍ୟ ଦାବିଦାର ସୂର୍ଯ୍ୟକୁମାର ଯାଦବ
  • ||
  • ମାଟ୍ରିକ୍‌ ସପ୍ଲିମେଣ୍ଟାରୀ ପରୀକ୍ଷା: ଆସନ୍ତା ୨୧ରୁ ୩୧ ତାରିଖ ଯାଏଁ ଚାଲିବ
  • ||
  • ସୁନାବେଶରେ ଦର୍ଶନ ଦେବେ ବ୍ରହ୍ମାଣ୍ଡନାଥ,୧୩୮ ପ୍ରକାର ରତ୍ନଖଚିତ ଅଳଙ୍କାର ଲାଗି ହେବେ ଚତୁର୍ଦ୍ଧାମୂର୍ତ୍ତି
  • ||
  • ବର୍ଷାରେ ଭିଜିବ ଓଡ଼ିଶା, ଆଗାମୀ ୪ ଦିନ ଯାଏଁ ବିଭିନ୍ନ ଜିଲ୍ଲାରେ ପ୍ରବଳ ବର୍ଷା ନେଇ ସତର୍କତା ଜାରି, ଶୁକ୍ରବାର ପୁଣି ଲୁଘଚାପ
  • ||

ବିକାଶର ଅପହଞ୍ଚ ଇଲାକାରେ ମାଳି ପଦର, ପାଣି ପାଇଁ ଯିବାକୁ ପଡ଼ୁଛି ଦେଢ କି.ମି ଦୂର

କାଶୀପୁର, ୧୮/୦୯ : ଖଣି ଅଞ୍ଚଳରେ ଥିବା ମାଳି ପଦର ଗ୍ରାମରେ ମୌଳିକ ସୁବିଧା ସାତ ସପନ। ପିଇବା ପାଣି, ରାସ୍ତା ଘାଟ, ସ୍ୱାସ୍ଥ୍ୟ, ଶିକ୍ଷା ଭଳି ମୌଳିକ ସୁବିଧା ଠାରୁ ଅନେକ ଦୂରରେ ଲୋକେ। ଗ୍ରାମରେ ପିଇବା ପାଣିର ସୁବିଧା କରାଯାଇ ନଥିବାରୁ ପ୍ରାୟ ଦେଢ଼ କିଲୋମିଟର ଦୂର ଘାଟି ତଳୁ ଝରଣା ପାଣି ସଂଗ୍ରହ କରିବାକୁ ପଡୁଛି। କାଶୀପୁର ବ୍ଲକ ସୁଙ୍ଗେର ପଞ୍ଚାୟତ ସଦର ଠାରୁ ଦୂରରେ ତୀବ୍ର ମାଳି ନିକଟରେ ଅବସ୍ଥିତ ମାଳି ପଦର ଗ୍ରାମରେ ୪୨ ପରିବାର ପୁରୁଷାନୁକ୍ରମେ ବାସ କରୁଛନ୍ତି । ଗତ ଦିନରେ ଏଲଆଣ୍ଡଟି କମ୍ପାନୀ ଖଣି ସର୍ଭେ କରିବା ପାଇଁ ଘାଟି କାଟି ରାସ୍ତା କରାଯାଇଥିଲା । କିନ୍ତୁ ରକ୍ଷଣା ବେକ୍ଷଣ ଅଭାବରୁ ରାସ୍ତା ନଷ୍ଟ ହୋଇ ଥିବାରୁ ଏବେ ଏହି ରାସ୍ତାରେ ବାଇକଟିଏ  ଯିବାରେ କଷ୍ଟକର ହେଉଛି ।

ରାସ୍ତା ଖରାପ ଥିବାରୁ ଗାଁକୁ ଆମ୍ବୁଲାନ୍ସ ଯାଇ ପାରୁନାହିଁ । ପ୍ରସବ ପାଇଁ ଗର୍ଭବତୀଙ୍କୁ ପ୍ରାୟ ୪ କି.ମି ଖଟିଆରେ ବୋହି ଘାଟି ରାସ୍ତା ପାର କରାଇବା ପରେ ଶାଗବାରି ଗ୍ରାମ ଠାରୁ ଆମ୍ଵୁଲାନ୍ସ କିମ୍ବା ଅନ୍ୟ କୌଣସି ଗାଡ଼ିରେ ନିକଟସ୍ଥ ସ୍ୱାସ୍ଥ୍ୟକେନ୍ଦ୍ରକୁ ନେବାକୁ ପଡ଼ୁଛି। ହିଲ ଟପ୍‌ରେ ଥିବା ମାଳି ପଦର ଗ୍ରାମବାସୀ ପିଇବା ପାଣି ପାଇଁ ହଇରାଣ ହେଉଛନ୍ତି । ସରକାର ଲୋକଙ୍କୁ ବିଶୁଦ୍ଧ ପାନୀୟ ଜଳ ଯୋଗାଣରେ ଅଜସ୍ର ଖର୍ଚ୍ଚ କରାଯାଉ ଥିଲେ ସୁଦ୍ଧା ମାଳି ପଦର ଗ୍ରାମରେ ପିଇବା ପାଣିର ସୁବିଧା କରାଯାଉ ନାହିଁ । ଗତ ଦିନରେ ଗ୍ରାମବାସୀ ପଞ୍ଚାୟତ କର୍ତ୍ତୃପକ୍ଷଙ୍କୁ ପାଣିର ସୁବିଧା ପାଇଁ ଅନୁରୋଧ କରିବାରୁ କିଛି ମିଟର ପାଇପ ଯୋଗାଇ ଦେଇଥିଲେ । ଗ୍ରାମବାସୀ ନିଜେ ଶ୍ରମ ଦାନରେ ପାଇପ ପୋତି ପାହାଡ଼ର ଝରଣା ଜଳକୁ ଗାଁ ପର୍ଯ୍ୟନ୍ତ ନେବାକୁ ଚେଷ୍ଟା କରିଥିଲେ । କିନ୍ତୁ ପାଇପ ନିଅଣ୍ଟ ହେବାରୁ କାମ ଅଧା ବାଟରେ ଅଟକି ରହିଛି । ପାଣିର ସମସ୍ୟାରୁ ଗ୍ରାମବାସୀ ଏବେ ଖାଲୁଆ ସ୍ଥାନରେ ଜମି ରହିଥିବା ବର୍ଷା ଜଳକୁ ସ୍ନାନ ଶୌଚରେ ବ୍ୟବହାର ପାଇଁ ବାଧ୍ୟ ହେଉଛନ୍ତି। 

ସେହିପରି ଗ୍ରାମର ଏକ ପ୍ରାଥମିକ ବିଦ୍ୟାଳୟ ରହିଥିଲେ ସୁଦ୍ଧା ବିଦ୍ୟାଳୟ ଗୃହ ସ୍ଥିତି ଦୟନୀୟ ଅବସ୍ଥାରେ ରହିଛି । ଶିକ୍ଷକ ନିୟମିତ ବିଦ୍ୟାଳୟକୁ ଯାଉ ନଥିବାବେଳେ ବର୍ଷା ପବନରେ ବିଦ୍ୟାଳୟ ଛାତର ଟିଣ ଉଡ଼ି ଯାଇଛି । ସେହିପରି ରୋଷେଇ ଏବଂ ପିଲାଙ୍କ ପାଇଖାନା ଗୃହର ଚିହ୍ନବର୍ଣ୍ଣ ମିଳୁନି। ଶିକ୍ଷା ସୁବିଧାରୁ ବଞ୍ଚିତ ଛାତ୍ରଛାତ୍ରୀମାନେ ବର୍ତ୍ତମାନ ସୁଦ୍ଧା ଗ୍ରାମର ଜଣେ ହେଲେ ଦଶମ ପାସ କରି ନଥିବାର ଜଣାଯାଇଛି । ଖଣି ଅଞ୍ଚଳରେ ଥିବା ମାଳି ପଦର ଗ୍ରାମ ପ୍ରତି ଜିଲ୍ଲାପାଳ ସ୍ୱତନ୍ତ୍ର ଦୃଷ୍ଟି ଦେବାକୁ ଦାବି ହେଉଛି।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.