ନୂଆଦିଲ୍ଲୀ,୨୯/୦୯: ବିଦେଶୀ ନିବେଶକ (ଏଫ୍ପିଆଇ) ସେପ୍ଟେମ୍ବରରେ ଭାରତୀୟ ଷ୍ଟକ୍ ବଜାରରେ ୫୭,୩୫୯ କୋଟି ଟଙ୍କା ନିବେଶ କରିଛନ୍ତି, ଯାହା ନଅ ମାସ ମଧ୍ୟରେ ସର୍ବାଧିକ ଅଟେ। ଆମେରିକାର କେନ୍ଦ୍ରୀୟ ବ୍ୟାଙ୍କ ଫେଡେରାଲ ରିଜର୍ଭ ଦ୍ବାରା ପ୍ରମୁଖ ସୁଧ ହାରକୁ ୦.୫୦ ପ୍ରତିଶତ ହ୍ରାସ କରିବା ପରେ ଭାରତୀୟ ବଜାରରେ ଏଫ୍ପିଆଇ ବିନିଯୋଗ କ୍ରମାଗତ ଭାବେ ବୃଦ୍ଧି ପାଉଛି।
ଜମାକାରୀ ତଥ୍ୟ ଅନୁଯାୟୀ, ଚଳିତ ବର୍ଷ ଅର୍ଥାତ୍ ୨୦୨୪ ରେ ଭାରତୀୟ ସେୟାରରେ ଏଫ୍ପିଆଇ ନିବେଶ ୧ ଲକ୍ଷ କୋଟି ଟଙ୍କା ଅତିକ୍ରମ କରିଛି। ରିସର୍ଚ୍ଚ ଆନାଲିଷ୍ଟ କମ୍ପାନୀ ଗୋଲଫାଇର ସ୍ମଲକେସ୍ ମ୍ୟାନେଜର ତଥା ପ୍ରତିଷ୍ଠାତା ଏବଂ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ରବିନ୍ ଆର୍ଯ୍ୟ କହିଛନ୍ତି ଯେ ଏଫ୍ପିଆଇ ପ୍ରବାହ ଆଗକୁ ବଢ଼ିବ। ସର୍ବଭାରତୀୟ ସ୍ତରରେ ସୁଧ ହାର ହ୍ରାସ ଏବଂ ଭାରତର ଦୃଢ଼ ଭିତ୍ତିଭୁମି ଯୋଗୁ ଏଫ୍ପିଆଇ ଗୁଡିକ ଭାରତୀୟ ବଜାରରେ ବ୍ୟାପକ ନିବେଶ କରୁଛନ୍ତି।
ଏହା ସହିତ ସେ କହିଛନ୍ତି ଯେ ଏହି ବେଗକୁ ବଜାୟ ରଖିବା ପାଇଁ ମୁଦ୍ରାସ୍ଫୀତି ପରିଚାଳନା ସମ୍ବନ୍ଧୀୟ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆର ନିଷ୍ପତ୍ତି ଗୁରୁତ୍ୱପୂର୍ଣ୍ଣ ଅଟେ। ତଥ୍ୟ ଅନୁଯାୟୀ, ସେପ୍ଟେମ୍ବର ୨୭ ପର୍ଯ୍ୟନ୍ତ ଏଫ୍ପିଆଇ ସେୟାରରେ ୫୭,୩୫୯ କୋଟି ଟଙ୍କା ନିଟ୍ ନିବେଶ କରିଛି। ଡିସେମ୍ବର ୨୦୨୩ ଠାରୁ ଏହା ହେଉଛି ସର୍ବାଧିକ ନେଟ ପ୍ରବାହ। ଏହାରି ଭିତରେ ଏଫ୍ପିଆଇ ସେୟାରରେ ୬୬,୧୩୫ କୋଟି ଟଙ୍କା ନିବେଶ କରିଥିଲା। ଜୁନ୍ ଠାରୁ ଏଫ୍ପିଆଇ ଗୁଡିକ ନେଟ କ୍ରେତା ହେବା ଜାରି ରଖିଛନ୍ତି। ଏପ୍ରିଲ-ମେ ମାସରେ ସେ ସେୟାରରୁ ୩୪,୨୫୨ କୋଟି ଟଙ୍କା ପ୍ରତ୍ୟାହାର କରିଥିଲେ। ମୋଟ ଉପରେ, ଚଳିତ ବର୍ଷ ଜାନୁଆରୀ, ଏପ୍ରିଲ୍ ଏବଂ ମେ ବ୍ୟତୀତ, ଏଫ୍ପିଆଇ ଗୁଡିକ ଅନ୍ୟ ମାସରେ ନେଟ୍ କ୍ରେତା ହୋଇଥିଲେ।
