ଭୁବନେଶ୍ୱର, ୧।୪: ଜଳ ବିନା ଜୀବନଧାରଣ କରିବା ଅସମ୍ଭବ । କିନ୍ତୁ, ପାଣି ପିଇବାର ସଠିକ୍ ଶୈଳୀ ବିଷୟରେ ଅନେକ ଜାଣିନଥାନ୍ତି । ଆୟୁର୍ବେଦଲରେ ଖାଦ୍ୟ ପାନୀୟ ଶୈଳୀ ନେଇ ଅନେକ ନିୟମ ରହିଛି । ଯାହାର ପାଳନ କରିବା ଦ୍ୱାରା ଶରୀର ସୁସ୍ଥ ରହିବା ସହ ସ୍ୱାସ୍ଥ୍ୟ ଜନିତ ସମସ୍ୟା ଦୂର ହୋଇଥାଏ । ତେବେ ଅନେକ ସମୟରେ କିଛି ଭୁଲ୍ କାରଣରୁ ସ୍ୱାସ୍ଥ୍ୟ ଉପରେ କୁପ୍ରଭାବ ପଡ଼ିଥାଏ । ସେଭଳି କିଛି କାରଣ ମଧ୍ୟରୁ ଗୋଟିଏ ହେଉଛି ଠିଆ ହୋଇ ପାଣି ପିଇବା ଅଭ୍ୟାସ ।
- ଠିଆହୋଇ ପାଣି ପିଇବା ଦ୍ୱାରା ଜରୁରୀ ପୋଷକତତ୍ତ୍ୱ, ଭିଟାମିନ୍ଗୁଡ଼ିକ ଯକୃତ ପାଚନତନ୍ତ୍ରରେ ଠିକ୍ ଭାବେ ପହଞ୍ଚିନଥାଏ । ଏଥିଯୋଗୁଁ ଫୁସ୍ଫୁସ୍ ଓ ହୃତ୍ପିଣ୍ଡ ଉପରେ ପ୍ରଭାବ ପକାଏ ।
- ଏଭଳି ପାଣି ପିଇବା ଦ୍ୱାରା ଖାଦ୍ୟନଳୀ ଓ ଶ୍ୱାସନଳୀରେ ସମସ୍ୟା ସୃଷ୍ଟି ହୋଇଥାଏ । ଧିରେ ସୁସ୍ଥେ ପାଣି ନ ପିଇ ଶୀଘ୍ର ଠିଆହୋଇ ପାଣି ପିଇବା ଦ୍ୱାରା ଏସିଡଟି, ଗ୍ୟାଷ୍ଟ୍ରିକ୍, ହେକୁଟି ଭଳି ସମସ୍ୟା ସୃଷ୍ଟି ହୋଇଥାଏ ।
- ଯେତେବେଳେ ଆମେ ଠିଆ ହୋଇ ପାଣି ପିଇଥାଉ, ଜଳ ଶୁଦ୍ଧ ନ ହୋଇ ଏହା ତଳିପେଟକୁ ଚାଲିଯାଏ । ଏହାଦ୍ୱାରା ଅପରିଷ୍କାର ଜିନିଷଗୁଡ଼ିକ ପିତ୍ତାଶୟରେ ଜମା ହୋଇ ରୁହେ । ଏହା ବୃକକ୍ ପାଇଁ କ୍ଷତିକାରକ ହୋଇଥାଏ ।
- ବସିକରି ପାଣି ପିଇବା ଦ୍ୱାରା ଶରୀର ଭିତରେ ସମସ୍ତ ସ୍ଥାନକୁ ପାଣି ସଠିକ୍ ମାତ୍ରାରେ ପହଞ୍ଚିପାରିନଥାଏ । ଏହା ସହ ଅଦରକାରୀ ପଦାର୍ଥକୁ ମଧ୍ୟ ଶରୀରରୁ ବାହାର କରିବାକୁ ସହାୟକ ହୋଇଥାଏ । ଏହାଦ୍ୱାରା ରକ୍ତ ପରିଷ୍କାର ହୋଇଥାଏ ।
