ସାଲେପୁର,୨୯/୦୯: ଯୁବତୀକୁ ବିବାହର ପ୍ରଲୋଭନ ଦେଖାଇ ତାଙ୍କ ସହ ଶାରୀରିକ ସଂପର୍କ ସ୍ଥାପନ କଲେ । ପରେ ଯୁବତୀ ଜଣକ ବିବାହ ପାଇଁ ଜିଦ୍‌ ଧରିବାରୁ ଆଉ ଧରାଛୁଆଁ ଦେଲାନି ଯୁବକ ।  ଏନେଇ ପୀଡ଼ିତା ଯୁବତୀ ଜଣକ ସାଲେପୁର ଥାନାରେ  ଅଭିଯୋଗ କରିବା ପରେ ଗିରଫ ହେଲେ ଯୁବକ ।  ଯୁବକ ଜଣକ ସାଲେପୁର ଥାନା ଅନ୍ତର୍ଗତ ମିର୍ଜାପୁର ଗ୍ରାମର ରାଜକିଶୋର ମଲ୍ଲିକଙ୍କ ପୁତ୍ର ଲକ୍ଷ୍ମୀଧର ମଲ୍ଲିକ । 

ସୂଚନା ମୁତାବକ, ଲକ୍ଷ୍ମୀଧର ସାଲେପୁର ଥାନା ଅଞ୍ଚଳର ଜଣେ ୨୦ବର୍ଷୀୟା ଯୁବତୀଙ୍କୁ ବିଗତ ୫ବର୍ଷ ଧରି ପ୍ରେମ କରୁଥିଲେ । ବିବାହର  ପ୍ରଲୋଭନ ଦେଖାଇ ଯୁବତୀଙ୍କ ସହ ବାରମ୍ବାର  ଶାରୀରିକ ସମ୍ପର୍କ ରଖି ଆସୁଥିଲେ । ବିବାହ ପାଇଁ  ଯୁବତୀ ଜଣକ ଜିଦ୍‌ ଧରିବାରୁ ଲକ୍ଷ୍ମୀଧର ତାଙ୍କୁ  ମାରଧର କରିଥିଲା । ପରେ ବିବାହ କରିବାକୁ ମନା କରିଦେଇଥିଲା । ଏ ସମ୍ପର୍କରେ ଯୁବତୀ ଜଣକ ସାଲେପୁର ଥାନାରେ ଲିଖିତ ଅଭିଯୋଗ କରିଥିଲେ । ସାଲେପୁର ପୁଲିସ ୩୮୪/୨୪ରେ ଏକ ମାମଲା ରୁଜୁ କରି ଶନିବାର ଲକ୍ଷ୍ମୀଧରକୁ   ଗିରଫ କରି କୋର୍ଟ ଚାଲାଣ କରିଥିବା ଜଣାପଡ଼ିଛି ।