ରିଆମାଳ, ୦୭/୧୨ : ରିଆମାଳ ସ୍ନାତକ ମହାବିଦ୍ୟାଳୟରେ 'ଯୁବ ଓଡ଼ିଶା ନବୀନ ଓଡ଼ିଶା' କାର୍ଯ୍ୟକ୍ରମ ଉଦଯାପିତ। କଲେଜ ଅଧ୍ୟକ୍ଷ ଫକୀର ମୋହନ ସାହୁଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ନୂଆ ଓଡ଼ିଶା କାର୍ଯ୍ୟକ୍ରମର ରାଜ୍ୟ ସଂଯୋଜକ ପ୍ରଫେସର ଡ଼ଃ. ରାଜେଶ କୁମାର ସାହୁ ଯୋଗ ଦେଇଛନ୍ତି। 

ମୁଖ୍ୟବକ୍ତା ଭାବେ ଅଧ୍ୟକ୍ଷ ଯୁକ୍ତ ଦୁଇ ନିହାରକାନ୍ତ ମହାନ୍ତି, ସମ୍ମାନିତ ଅତିଥି ଭାବରେ ସରପଞ୍ଚ ମଲେହିପଡା ରୁନୁ ବେହେରା, ବୁଡିଦ ଛବିରାଣୀ ସାହୁ, ଆଡସ ନଜର ବେହେରା, ଅଧ୍ୟାପକ ରମେଶ ସାହୁ, ଅରୁଣ ବେହେରା, ବେଣୁଧର ସାହୁ ଯୋଗଦେଇ ଉକ୍ତ କାର୍ଯ୍ୟକ୍ରମର ଆଭିମୁଖ୍ୟ ତଥା ବିଷୟକୁ ଆଲୋକପାତ କରିଥିଲେ। ଏହି କାର୍ଯ୍ୟକ୍ରମରେ ନୃତ୍ୟଗୀତ ତଥା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା। ଅଧ୍ୟାପକ ପଦ୍ମ ଚରଣ ମାଝୀ ନୋଡାଲ ଅଧିକରୀ ଭାବରେ କାର୍ଯ୍ୟକ୍ରମକୁ ସୂଚରୁ ରୂପରେ ସମ୍ପାଦନ କରିଥିଲେ। କଲେଜର ସମସ୍ତ ଅଧ୍ୟାପକ ଅଧ୍ୟାପିକା କର୍ମଚାରୀ ଏବଂ ଛାତ୍ରଛାତ୍ରୀ ପୂର୍ଣ୍ଣ ସହଯୋଗ କରିଥିଲେ।