ଝାରସୁଗୁଡା, ୧୬।୧୧ ପୂର୍ବତନ ସ୍ୱାସ୍ଥ୍ୟମନ୍ତ୍ରୀ ନବ ଦାସଙ୍କ ହତ୍ୟା ମାମଲା ରେ ଗୁରୁବାର ଝାରସୁଗୁଡା ଭର୍ଚୁଆଲ କୋର୍ଟରେ ଏଡିଜେ କମ ଆଡିସ୍ନାଲ ସେସନ ଜଜ ସୁବାଷ ଧଲଙ୍କ ଦ୍ୱାରା ଦୁଇ ଜଣଙ୍କ ସାକ୍ଷ ଗ୍ରହଣ କରାଯାଇଛି l ନବ ଦାସଙ୍କ ପୋଷ୍ଟମର୍ଟମ କରିଥିବା କ୍ୟାପିଟାଲ ହସ୍ପିଟାଲ ଭୁବନେଶ୍ୱର ର ଦୁଇଜଣ ଡାକ୍ତର ଲଷ୍ମୀକାନ୍ତ ବେହେରା ଏବଂ ପ୍ରମୋଦ ସାମନ୍ତରାୟଙ୍କ ସାକ୍ଷ୍ୟ ଗ୍ରହଣ କରାଯାଇଛି l ଏହି ଅବସରରେ ଅଭିଯୁକ୍ତ ଗୋପାଳ ଦାସ ମଧ୍ୟ ଭର୍ଚୁଆଲ ମୋଡ଼ରେ ଉପସ୍ଥିତ ଥିଲେ l 

ଗୋପଳ ଦାସଙ୍କ ଓକିଲ ନରେଶ ନାୟକ ଏବଂ କିଶୋର ପଟେଲ ଉଭୟ ଡାକ୍ତରଙ୍କୁ ଜେରା କରିଥିଲେ l ଅନ୍ୟପଟେ ଆସିଷ୍ଟାଣ୍ଟ ପବ୍ଲିକ ପ୍ରୋସିକ୍ୟୁଟର ଗଙ୍ଗାଧର ଗଡ଼ନାୟକ ସରକାରଙ୍କ ପକ୍ଷରୁ ମାମଲା ପରିଚାଳନା କରିଥିଲେ l ଆଜିର ସାକ୍ଷ୍ୟ ଗ୍ରହଣ ବେଳେ ନବ ଦାସଙ୍କୁ ହୋଇଥିବା ଗୁଳି ମାଡର କ୍ଷତ ଉପରେ ପ୍ରାଞ୍ଜଳ ଭାବରେ ଜେରା କରାଯାଇଥିବା ଗୋପାଳ ଦାସଙ୍କ ଓକିଲ ନରେଶ ନାୟକ ସୂଚନା ଦେଇଛନ୍ତି l

ଆହୁରି ପଢନ୍ତୁ : ବାବା ଆଳରେ କରୁଥିଲେ ଗଞ୍ଜେଇ ବେପାର, ମାଡ଼ି ବସିଲା ପୁଲିସ : ୨ ଗିରଫ