ବରଗଡ, ୧୫।୧୦ ବରଗଡ଼ରେ ପୁଣି ଜବତ ହେଲା କଫ ସିରଫ । ବରଗଡ଼ ରେଲୱେ ଷ୍ଟେସନ ରୋଡ କୃଷକ ବଜାର ନିକଟରେ ଏକ ଅଟୋରୁ ପୋଲିସ ଜବତ କରିଛି ୨୧୬୦ ବୋତଲ କଫ ସିରଫ । ଏହି ଘଟଣାରେ ବରଗଡ ଟାଉନ ଥାନା ପୋଲିସ ଦୁଇ ଅଭିଯୁକ୍ତକୁ ଗିରଫ କରିଛି । ଗିରଫ ଅଭିଯୁକ୍ତ ହେଲେ ବରଗଡ଼ ଟାଉନ ଥାନା ଅନ୍ତର୍ଗତ ୱାର୍ଡ ନଂ ୧୯ ରେଲୱେ ଷ୍ଟେସନ ପଡାର ଗଣେଶ ନାଗ ଓ ସମ୍ଭୁ ଲୁହା ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ବରଗଡ଼ ଅତିରିକ୍ତ ଏସପି ଟି.କେ.ମହାନ୍ତି ।
ଶନିବାର ଅପରାହ୍ନ ସମୟରେ ବରଗଡ ରେଲୱେ ଷ୍ଟେସନ ପଟରୁ ଏକ ଅଟୋରେ କଫ ସିରପ ଗୁରୁଦ୍ୱାରା ଛକ ଆଡ଼କୁ ଆସୁଥିବା ଖବର ପାଇ କୃଷକ ବଜାର ସମ୍ମୁଖରେ ପୋଲିସ ଅଟୋକୁ ଯାଞ୍ଚ କରିଥିଲା । ୨୧୬୦ ବୋତଲ କଫ ସିରଫ ଜବତ କରିବା ସହ ଦୁଇ ଜଣଙ୍କୁ ଗିରଫ କରିଥିଲା । ଅଟୋରୁ କଫ ସିରଫ ସହ ପ୍ଲାଷ୍ଟିକ ଜାରରେ ଚାରି ଲିଟର ଡ୍ରଗ୍ସ ,ଦୁଇ ଷ୍ଟ୍ରିପ ନାଇଟ୍ରସେନ -୧୦ ଔଷଧ ,୧୫ଟି ପ୍ଲାଷ୍ଟିକ ଗ୍ଲାସ ,ଗୋଟିଏ ମୋବାଇଲ ଫୋନ ଜବତ କରିଛି। ପୋଲିସ ଅଟୋ ( ନଂ ଓଡି୧୭ ଜେ୭୭୮୮ ) କୁ ଜବତ କରି ଏହି ଘଟଣାର ତଦନ୍ତ ଜାରି ରଖିଥିବା ବରଗଡ ଅତିରିକ୍ତ ଏସପି ଟିକେ ମହାନ୍ତି ସୂଚନା ଦେଇଛନ୍ତି ।
ଆହୁରି ପଢନ୍ତୁ : ଭଦ୍ରକରେ ସେକ୍ସ ର୍ୟାକେଟ ଠାବ: ୩ ବଙ୍ଗୀୟ ଯୁବତୀ ସହ ୨ ଯୁବକ କାବୁ, ଶାଶ୍ୱତ ଲଜ୍ ମାଲିକ ଅଟକ