ବଡ଼ବିଲ, ୦୬/୧୧ : ସ୍କର୍ପିଓରେ ଦେଶୀ ମହୁଲୀ ମଦ ଚୋରା ଚାଲାଣ ବେଳେ ଯୋଡ଼ା ଅବକାରୀ ବିଭାଗର ଚଢ଼ାଉ । ସ୍କର୍ପିଓ ସହ ୨୪୦ ଲିଟର ମହୁଲୀ ମଦ ଜବତ ହୋଇଛି। ଏହା ସହିତ ସଂପୃକ୍ତ ୨ ଜଣ ଅଭିଯୁକ୍ତଙ୍କୁ ଗିରଫ କରିଛି ଅବକାରୀ ବିଭାଗ । 

ସୂଚନାନୁଯାୟୀ, ଅଭିଯୁକ୍ତ ଦୁଇଜଣ ହେଲେ ଯୋଡ଼ା ହୁଡ଼ି ସାହିର ଇନ୍ଦ୍ରମଣି ବେହେରା ଓ ବିକାଶ ଖିଲାର । ଗତ ରାତିରେ ଏମାନେ ବାମେବାରୀ ଥାନା, ବନ୍ଧୁଆବେଡ଼ା ଅଞ୍ଚଳରୁ ଓଡି ୦୯ ଜି ୯୭୯୨ ନମ୍ବର ବିଶିଷ୍ଟ ସ୍କର୍ପିଓ ଯୋଗେ ୨୪୦ ଲିଟର ମହୁଲୀ ମଦ ଯୋଡ଼ା ଅଞ୍ଚଳକୁ ନେଇ ଆସୁଥିଲେ। ଏନେଇ ସୂଚନା ପାଇ ଯୋଡ଼ା ଅବକାରୀ ବିଭାଗର କର୍ମଚାରୀମାନେ ଜୁରୁଡ଼ି ନିକଟରେ ଗାଡ଼ିଟିକୁ ଧରିବାରେ ସକ୍ଷମ ହୋଇଥିଲେ । ଜବତ ସ୍କର୍ପିଓଟି ରାଜୁ ପାତ୍ର ନାମକ ବ୍ୟକ୍ତିଙ୍କ ନାମରେ ରହିଥିବା ଜଣାପଡିଛି।