ମାଲକାନଗିରି,୨୬/୨ : ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡରେ ଆଇଡି ବିସ୍ଫୋରଣରେ ଜଣେ ଯବାନ ସହିଦ ହୋଇଛନ୍ତି । ସୀମାନ୍ତ ବିଜାପୁର ଜିଲ୍ଲାର ମାଓ ଉପଦ୍ରବ ବେଚପାଲ ନାଳ ନିକଟରେ ଏହି ଆଇଡି ବୋମା ବିସ୍ଫୋରଣ ହୋଇଥିବା ବେଳେ ସିଏଏଫର ଜଣେ ଯବାନ ଏଥିରେ ସହିଦ ହୋଇଛନ୍ତି ।
ସୂଚନା ଅନୁଯାୟୀ ଜିଲ୍ଲା ସୀମାନ୍ତ ବେଚପାଲ ନାଳ ନିକଟରେ ସିଏଏଫର ଯବାନ ମାନେ ସର୍ଚ୍ଚ ଅପରେସନ କରୁଥିଲେ। ହଠାତ ମାଓବାଦୀଙ୍କ ଦ୍ଵାରା ଲଗାଯାଇଥିବା ଏକ ଆଇଡି ବୋମା ବିସ୍ଫୋରଣ ଘଟିଥିଲା । ଯେଉଁଥିରେ ସିଏଏଫର ଯବାନ ରାମ ଆଶିଷ ୟାଦବ ଘଟଣା ସ୍ଥଳରେ ସହିଦ ହୋଇଥିଲେ। ଏହାପରେ ଅନ୍ୟ ସ୍ଥାନୀୟ ଯବାନଙ୍କ ଦ୍ଵାରା ତାଙ୍କ ମର ଶରୀର ଉଧାର କରିବା ସହ ସର୍ଚ ଅପରେସନକୁ ଜାରି ରଖାଯାଇଥିବା ନେଇ ବିଜପୁର ଏସପି ଜିତେନ୍ଦ୍ର ୟାଦବ ପ୍ରକାଶ କରିଛନ୍ତି ।
