କାଙ୍କେର : ଛତିଶଗଡ଼ ବିଧାନସଭା ନିର୍ବାଚନକୁ ନଜରରେ ରଖି ଗୁରୁବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କାଙ୍କେରରେ ପହଞ୍ଚି ଥିଲେ। ଏଠାରେ ପ୍ରଧାନମନ୍ତ୍ରୀ ମୋଦି ରାଲିକୁ ସମ୍ୱୋଧିତ କରିଥିଲେ। ଏହି ସମୟରେ ପିଏମ୍‌ ମୋଦିଙ୍କ ଧ୍ୟାନ ଭିଡ଼ ଭିତରେ ଠିଆ ହୋଇ ଥିବା ଜଣେ ଛୋଟ ଝିଅ ଉପରେ ପଡ଼ିଥିଲା , ଯିଏ ହାତରେ ପ୍ରଧାନମନ୍ତ୍ରୀ ମୋଦିଙ୍କ ଏକ ଫଟୋ ଧରି ଠିଆ ହୋଇଥିଲେ।  

ଉଲ୍ଲେଖନୀୟ ଯେ, ଛୋଟ ଝିଅଟି ପ୍ରଧାନମନ୍ତ୍ରୀଙ୍କ ଫଟୋ ଧରି ଠିଆ ହୋଇ ଥିଲେ, ତାକୁ ସେତେବେଳେ ଦେଖି ପ୍ରଧାନମନ୍ତ୍ରୀ ମଞ୍ଚରେ ଥାଇ କହିଥିଲେ, ଝିଅ କେତେବେଳୁ ଠିଆ ହେଲଣି ଦେଖୁଛି, ଥକି ଯିବ। ତମେ ସୁନ୍ଦର କାମ କରି ଆଣିଛ। ତୁମକୁ ମୁଁ ଆଶୀର୍ବାଦ ଦେଉଛି। ଏହି ପୁଲିସ ଯବାନଙ୍କୁ ଫଟୋଟି ଦେଇ ଦିଅ। 

ଏହାସହ ପ୍ରଧାନମନ୍ତ୍ରୀ କହିଥିଲେ ଝିଅ ଫଟୋ ପଛରେ ନିଜର ଠିକଣା ଲେଖି ଦେବ , ମୁଁ ନିଶ୍ଚୟ ତୁମକୁ ଚିଠି ଲେଖିବି। ଛୋଟ ଝିଅ ଉପରେ ଖୁସି ହୋଇ ପ୍ରଧାନମନ୍ତ୍ରୀ ସେଠାରେ ଝିଅଟିକୁ ଏମିତି ପ୍ରତିଶ୍ରୁତି ଦେଇ ଥିଲେ। ପ୍ରଧାନମନ୍ତ୍ରୀ ମୋଦି ସେଠାରେ ଥିବା ପୁଲିସକର୍ମୀଙ୍କ ଆଡ଼କୁ ଇସାରା କରି କହିଥିଲେ, ସେ ଝିଅ ଫଟୋ ଦେବାକୁ ଚାହୁଁଛି , ତାଙ୍କ ଠାରୁ ନେଇଯାଅ , ମୋ ପାଖରେ ନିଶ୍ଚୟ ପହଞ୍ଚାଇବ। 

बेटी मैं तुम्हें आशीर्वाद देता हूं...

अपना पता लिख देना,
मैं तुझे जरूर चिट्ठी लिखूंगा! pic.twitter.com/8RKEvuQ8NV

— BJP (@BJP4India) November 2, 2023

ଏହାସହ ପ୍ରଧାନମନ୍ତ୍ରୀ ଉକ୍ତ ରାଲି ମଞ୍ଚରେ କଂଗ୍ରେସ ଉପରେ ଖୁବ୍‌ ଟାର୍ଗେଟ୍‌ କରି ଥିଲେ ଏବଂ ଅଭିଯୋଗ କରି କହିଥିଲେ କି , ପରିବାରବାଦ, ଭାଇ ପୁତୁରାବାଦ ଓ ଦୁର୍ନୀତି ହିଁ କଂଗ୍ରେସର ରୀତିନୀତି। ସେ ଆଦିବାସୀ ବହୁଳ ବସ୍ତର ଅଞ୍ଚଳର କାଙ୍କେର ଜିଲ୍ଲାରେ ନିର୍ବାଚନୀ ରାଲିକୁ ସମ୍ୱୋଧିତ କରିଥିଲେ। ରାଜ୍ୟର କଂଗ୍ରେସ ସରକାର ଉପରେ ଦୁର୍ନୀତି କରିବାର ଅଭିଯୋଗ ଲଗେଇ ଥିଲେ ଏବଂ କହିଥିଲେ କି ସେ ଦୁର୍ନୀତି ସହ ଲଗାତାର ଲଢେଇ ଜାରି ରଖିବେ।