ପ୍ରମୁଖ ଖବର
  • ଆଉ ୫ଟି ଲୋକସଭା ଆସନ ଲାଗି ଆପ୍‌ର ପ୍ରାର୍ଥୀ ଘୋଷଣା
  • ||
  • ଆଉ ୫ଟି ଲୋକସଭା ଆସନ ଲାଗି ଆପ୍ର ପ୍ରାର୍ଥୀ ଘୋଷଣା
  • ||
  • ବଲାଙ୍ଗିର ଭୀମଭୋଇ ମେଡିକାଲରେ ମୃତ ଶବ ଛାଡି ଫେରାର ସମ୍ପର୍କୀୟ,ଟାଉନ ଥାନା ପୋଲିସର ତଦନ୍ତ ଆଇମ୍ଭ
  • ||
  • ମିଶନ ଶକ୍ତି ମହିଳାଙ୍କ ଆକାଉଣ୍ଟକୁ ଗଲା ଟଙ୍କା,୭୩୦ କୋଟିର ସହାୟତା ପ୍ରଦାନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ସୁନ୍ଦରଗଡ଼: ବାଇକ ଚାଳକ ଙ୍କ ଉପରେ ଚଢ଼ିଗଲା ପାଉଁଶ ବୋଝେଇ ଟ୍ରକ,ବାଇକ ଚାଳକର ମୃତ୍ୟୁ
  • ||
  • ପାଲଲହଡ଼ା ଯାଉଥିଲା ରାଧାମାଧବ, ଅଧାରସ୍ତାରେ ଓଲଟିଲା ବସ୍‌
  • ||
  • କୋରାପୁଟ: ନାଲକୋ ଦାମନଯୋଡ଼ିରେ ରଡ଼ ପଶି ଦୁଇ ଶ୍ରମିକ ମୃତ, ଜଣେ ଗୁରୁତର
  • ||
  • ଗଗନ ଯାନ ମିଶନ ପାଇଁ ୪ ମହାକଶଚାରୀଙ୍କ ନାଁ ଘୋଷଣା କଲା ଇସ୍ରୋ, ପ୍ରଧାନମନ୍ତ୍ରୀଙ୍କ ଉପସ୍ଥିତିରେ ନାଁ ଘୋଷଣା ହୋଇଛି
  • ||
  • ମିଶନ ଶକ୍ତି ବଜାର ଶୁଭାରମ୍ଭ, ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ
  • ||
  • ଆଜି ଓୟୁଟିଆର୍‌ରେ ପ୍ରଥମ ସମାବର୍ତ୍ତନ ଉତ୍ସବ, ସଭାପତିତ୍ୱ କରିବେ ରାଜ୍ୟପାଳ
  • ||
  • ମଙ୍ଗଳବାର ୟୁପି ରାଜ୍ୟସଭା ନିର୍ବାଚନ, ବିଜେପିକୁ ସମର୍ଥନ କରିବେ ରାଜା ଭୈୟା
  • ||
  • ବିନିକାରୁ ଅପହୃତ ବ୍ୟବସାୟୀ ବୁର୍ଲାରୁ ଉଦ୍ଧାର, ପୁଲିସର ବ୍ଲକିଂ ଦେଖି ଗୋଲଗୁଣ୍ଡା ପାଖରେ ଛାଡ଼ି ଅପହର୍ତ୍ତା ଫେରାର
  • ||
  • ୨୯ରେ ଶ୍ରୀମନ୍ଦିର ପରିଚାଳନା କମିଟି ବୈଠକ, ଉପସ୍ଥାପିତ ହେବ ରତ୍ନଭଣ୍ଡାର ଲେଜର ସ୍କାନିଂ ରିପୋର୍ଟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସ ୯ ଓ୍ବିକେଟ୍ ବିଜୟୀ, ୟୁପି ୱାରିୟର୍ସର ଦ୍ୱିତୀୟ ପରାଜୟ
  • ||
  • ବୁଧବାରଠୁ ୪ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି ରାଷ୍ଟ୍ରପତି, ଆଜି କାର୍‌କେଡ୍‌ ରିହର୍ସାଲ କରିବ ଓଡ଼ିଶା ପୁଲିସ୍‌
  • ||
  • ଶନିବାର ବାରବାଟୀ ଷ୍ଟାଡିୟମ୍‌ ପ୍ରକଳ୍ପର ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ, ୪୧ଟି କ୍ରିକେଟ୍‌ ଏକାଡେମୀ ହେବ ଲୋକାର୍ପଣ
  • ||
  • ଆସନ୍ତା ୩ ତାରିଖ ଯାଏ ବର୍ଷା ସମ୍ଭାବନା, ବିଭିନ୍ନ ଜିଲ୍ଲାକୁ ଆଲର୍ଟ ଜାରି
  • ||

ଝାଡ଼ଖଣ୍ଡ ମହାଡ୍ରାମାରେ ପୂର୍ଣ୍ଣଚ୍ଛେଦ ! ଆଜିଠୁ ଆରମ୍ଭ ହେବ ‘ଟାଇଗର’ ରାଜ୍‌, ଶପଥ ନେବେ ଚମ୍ପାଇ ସୋରେନ୍‌

Image Courtesy: hindustantimes

ରାଞ୍ଚି: ଝାଡ଼ଖଣ୍ଡ ମହାଡ୍ରାମାରେ ପୂର୍ଣ୍ଣଚ୍ଛେଦ ପଡ଼ିବାକୁ ଯାଉଛି । ଜାନୁଆରୀ ୩୧ ସନ୍ଧ୍ୟାରୁ ଲାଗି ରହିଥିବା ରାଜନୈତିକ ଅନିଶ୍ଚିତତାରେ ବିରାମ ଟାଣି ଆଜି ରାଜ୍ୟର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେବେ ବରିଷ୍ଠ ଜେଏମଏମ ନେତା ଚମ୍ପାଇ ସୋରେନ । ଆଜି ଦିନ ୧୨ଟା ୧୫ ମିନିଟରେ ଶପଥ ଗ୍ରହଣ ଉତ୍ସବ ଅନୁଷ୍ଠିତ ହେବ । ମୁଖ୍ୟମନ୍ତ୍ରୀଙ୍କ ସହ କଂଗ୍ରେସ ନେତା ଆଲମଗିର ଆଲାମ ଓ ଆରଜେଡି ବିଧାୟକ ସତ୍ୟାନନ୍ଦ ଭୋକ୍ତ ମନ୍ତ୍ରୀ ଭାବେ ଶପଥ ନେବେ । ଗତକାଲି ବିଳମ୍ବିତ ରାତିରେ ଝାଡ଼ଖଣ୍ଡ ରାଜ୍ୟପାଳ ସିପି ରାଧାକୃଷ୍ଣନ ଅଚାନକ ଚମ୍ପାଇଙ୍କୁ ଶପଥ ଗ୍ରହଣ ପାଇଁ ନିମନ୍ତ୍ରଣ କରିଥିଲେ । ଏଥିସହ ଆସନ୍ତା ୧୦ ଦିନ ମଧ୍ୟରେ ନିଜ ସଂଖ୍ୟା ଗରିଷ୍ଠତାର ପ୍ରମାଣ ଦେବାକୁ ନିର୍ଦ୍ଦେଶ ଦେଇଥିଲେ ।

 ଗତକାଲି ବିଳମ୍ବିତ ରାତି ପ୍ରାୟ ସାଢେ ୧୦ଟା ବେଳେ ଚମ୍ପାଇ ସୋରେନ ଏବଂ ଆଲମଗିର ଆଲାମଙ୍କୁ ରାଜଭବନ ଡକାଯାଇଥିଲା । ଦୁଇ ନେତା ଅଲଗା ଅଲଗା ରାଜଭବନରେ ପହଞ୍ଚିଥିଲେ । ପାଖାପାଖି ୧୧ଟା ୧୫ରେ ରାଜ୍ୟପାଳ ରାଧାକୃଷ୍ଣନ ଚମ୍ପାଇ ସୋରେନଙ୍କୁ ମୁଖ୍ୟମନ୍ତ୍ରୀ ଭାବେ ନିଯୁକ୍ତି ପତ୍ର ହସ୍ତାନ୍ତର କରିଥିଲେ । ଏହି କ୍ରମରେ ଆଜି ଜେଏମଏମ ନେତା ଚମ୍ପାଇ ଝାଡ଼ଖଣ୍ଡର ୧୨ତମ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିବେ । ସେପଟେ ଆସନ୍ତା ଫେବୃଆରୀ ୯ରୁ ଝାଡ଼ଖଣ୍ଡ ବିଧାନସଭା ବଜେଟ୍ ଅଧିବେଶନ ଆରମ୍ଭ ହେଉଛି । 

 ଆଜି ମୁଖ୍ୟମନ୍ତ୍ରୀ ପଦରେ ଶପଥ ନେବା ପରେ ଚମ୍ପାଇ ସୋରେନଙ୍କୁ ୧୧ ତାରିଖ ସୁଦ୍ଧା ସଂଖ୍ୟା ଗରିଷ୍ଠତାରେ ପ୍ରମାଣ ଦେବାକୁ ପଡିବ । ତେଣୁ ବିଧାସଭାର ଏହି ଶେଷ ବଜେଟ ଅଧିବେଶନ ଖୁବ୍ ସରଗରମ ରହିପାରେ । ବିରୋଧୀ ଦଳ ବିଜେପି ଦାବି କରୁଛି ଯେ, ଶାସକ ଦଳର ଅନେକ ବିଧାୟକ ମୁଖ୍ୟମନ୍ତ୍ରୀ ଭାବେ ଚମ୍ପାଇ ସୋରେନଙ୍କ ନାଁରେ ଖୁସି ନାହାନ୍ତି ।ଏପରିକି ଚମ୍ପାଇ ସୋରେନ୍‌ କେବଳ ରିମୋଟ କଣ୍ଟ୍ରୋଲ୍‌ ହୋଇ ରହିବେ ବୋଲି ବିଜେପି ବିଧାୟକ ଦାବି କରିଛନ୍ତି । 

 ଗୁରୁବାର ସନ୍ଧ୍ୟାରେ ଝାଡ଼ଖଣ୍ଡରେ ମହାଡ୍ରାମା ଚର୍ଚ୍ଚାର ପ୍ରସଙ୍ଗ ପାଲଟିଥିଲା । ମହାମେଣ୍ଟର ପ୍ରାୟ ୪୩ ବିଧାୟକ ରାଞ୍ଚି ଏୟାରପୋର୍ଟରୁ ହାଇଦ୍ରାବାଦ ଯିବାକୁ ବାହାରିଥିଲେ । ହେଲେ ଘନ କୁହୁଡ଼ି ଯୋଗୁ ବିମାନ ବାତିଲ ହୋଇଥିଲା ଏବଂ ବିଧାୟକମାନେ ଫେରିଆସିଥିଲେ । ସେପଟେ ଚମ୍ପାଇ ସୋରେନ୍‌ ୪୩ ବିଧାୟକଙ୍କ ହସ୍ତାକ୍ଷର ଥିବା ଦାବିପତ୍ର ନେଇ ରାଜ୍ୟପାଳଙ୍କୁ ଦେଇଥିଲେ । ଏପରିକି ୪୭ ବିଧାୟକଙ୍କ ସମର୍ଥନ ଥିବା ନେଇ କହିବା ସହ ସରକାର ଗଢ଼ିବାକୁ ଅନୁମତି ମାଗିଥିଲେ । ହେଲେ ରାଜ୍ୟପାଳ ଏ ପ୍ରସଙ୍ଗରେ ବିଚାର ବିମର୍ଷ ଚାଲିଛି ଏବଂ ଆସନ୍ତାକାଲି ନିଷ୍ପତ୍ତି ଜଣାଇବୁ ବୋଲି କହିବା ପରେ ଜେଏମଏମ ବିଧାୟକଙ୍କ ମଧ୍ୟରେ ହଇଚଇ ସୃଷ୍ଟି ହୋଇଥିଲା । ସେପଟେ ବିଳମ୍ବିତ ରାତିରେ ରାଜ୍ୟପାଳ ଚମ୍ପାଇ ସୋରେନଙ୍କୁ ଶପଥ ନେବାକୁ ଆମନ୍ତ୍ରିତ କରିବା ସହିତ ସବୁକିଛି ସ୍ପଷ୍ଟ ହୋଇଯାଇଥିଲା ।

 

 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.