ଭୁବନେଶ୍ୱର, ୨୭।୧: ଆର୍ବିଆଇ ଅଫିସର କହି ୨ କୋଟିରୁ ଊର୍ଦ୍ଧ୍ବ ଠକେଇ ମାମଲାରେ ୨ ଅଭିଯୁକ୍ତଙ୍କୁ ଦଣ୍ଡାଦେଶ ଶୁଣାଣି । ଦଣ୍ଡାଦେଶ ଶୁଣାଣି କଲେ ବାଲେଶ୍ୱର ସ୍ବତନ୍ତ୍ର ଓପିଆଇଡି କୋର୍ଟ । ଅଭିଯୁକ୍ତ ଦୁଇ ଜଣ ନୋଏଡ଼ାର ବିଜୟ ଭରଦ୍ୱାଜ ଓ ହିମାଂଶୁ ଭଣ୍ଡାରୀ । ଉଭୟଙ୍କୁ ଠକାମୀ ମାମଲାରେ ଗତ ୨ ବର୍ଷ ତଳେ ଗିରଫ କରାଯାଇଥିଲା । ବର୍ତ୍ତମାନ ଉଭୟଙ୍କୁ ୧୦ ବର୍ଷ ଜେଲ୍ଦଣ୍ଡ ଓ ୩ ଲକ୍ଷ ଟଙ୍କାର ଜୋରିମାନା ଘୋଷଣା କରିଛି କୋର୍ଟ ।
ପ୍ରମୋଦ କୁମାର ଏହି ଠକାମୀର ଶିକାର ହୋଇଥିବା ସୂଚନା । ପ୍ରମୋଦ କେନ୍ଦୁଝର ଜୋଡ଼ାର ଜଣେ ବ୍ୟବସାୟୀ । ଠକାମୀର ଶିକାର ହେବା ପରେ ସେ ଏନେଇ ଥାନାରେ ଅଭିଯୋଗ କରିଥିଲେ । ପ୍ରମୋଦଙ୍କଠାରୁ ଦୁଇ ଅଭିଯୁକ୍ତ ୨ କୋଟି ୩୫ ଲକ୍ଷ ଟଙ୍କା ଠକିନେଇଥିବା ଅଭିଯୋଗ ହୋଇଥିଲା । ତେବେ ‘ପ୍ରଧାନମନ୍ତ୍ରୀ ରାହତ କୋଶ ଯୋଜନା’ ଅନ୍ତର୍ଗତ ଋଣ କରାଇବାକୁ କହି ତାଙ୍କ ଆକାଉଣ୍ଟକୁ ୩ କୋଟି ଟଙ୍କା ଆସିବା ନେଇ କହିଥିଲେ । ଏଥିପାଇଁ ଏମାନେ ପ୍ରମୋଦଙ୍କର କିଛି ବ୍ୟକ୍ତିଗତ ତଥ୍ୟ ମଧ୍ୟ ମାଗିଥିଲେ । ଯାହା ମାଧ୍ୟମରେ ପରେ ତାଙ୍କଠୁ ପାଖାପାଖି ୩ କୋଟି ଟଙ୍କା ଠକିନେଇଥିଲେ ।
