ମୁମ୍ବାଇ ୧୬/୧୧: ଦୀର୍ଘ ସମୟର ବ୍ରେକ୍ ପରେ ପରଦାକୁ ଫେରିବାକୁ ପ୍ରସ୍ତୁତ ଜେନିଫର୍ ୱିଙ୍ଗେଟ୍। ଅଭିନେତ୍ରୀ ନିଜେ ସୋସିଆଲ ମିଡିଆରେ ଏହା ଘୋଷଣା କରିଛନ୍ତି। ବିଶେଷ କଥା ହେଉଛି ଅଭିନେତ୍ରୀ ପୁଣି ଥରେ ତାଙ୍କ ପୁରୁଣା ସହ-ତାରକା କରଣ ୱାହିଙ୍କ ସହ ସ୍କ୍ରିନ୍ ସେୟାର କରୁଥିବା ଦେଖିବାକୁ ମିଳିବ। ଏହା ପୂର୍ବରୁ ଜେନିଫର୍ ଏବଂ କରଣଙ୍କୁ ଟିଭି ସିରିଏଲ୍ 'ଦିଲ୍ ମିଲ୍ ଗଏ'ରେ ଏକାଠି ଦେଖିବାକୁ ମିଳିଥିଲା । ସେମାନଙ୍କ ଯୋଡିକୁ ଦର୍ଶକ ଖୁବ୍ ପସନ୍ଦ କରିଥିଲେ।
ଜେନିଫର ନିଜ ଇନଷ୍ଟାଗ୍ରାମରେ କରଣ ୱାହି ଏବଂ ଶୋ’ର ନିର୍ଦ୍ଦେଶକ ଅନିରୁଦ୍ଧ ରାଜଦେରକରଙ୍କ ସହ କିଛି ଫଟୋ ସେୟାର କରିଛନ୍ତି। ଫଟୋରେ ଅଭିନେତ୍ରୀ ତାଙ୍କ ସହ ପୋଜ୍ ଦେଇଛନ୍ତି ଏବଂ ସ୍କ୍ରିପ୍ଟରେ କାମ କରୁଥିବା ନଜର ଆସିଛନ୍ତି। ଏହି ପୋଷ୍ଟ ସହିତ, ସେ କ୍ୟାପସନରେ ଲେଖିଛନ୍ତି - 'ବ୍ୟାକ୍ ଇନ୍, ପ୍ରକୃତରେ ଦୀର୍ଘ ସମୟର ବିରତି ପରେ!! ରାଜଦେରକରଙ୍କ ସହିତ କମବ୍ୟାକ୍ ଏବଂ ମୋର ୱାହିନ୍ଦରଙ୍କ ସହ କାମ କରିବା + ସେହି ଦିନ 17M ରେ ରିଙ୍ଗ କରିବା !! (Yay!) ପାଳନ କରିବାର କି ଉପାୟ!
ଜେନିଫରଙ୍କୁ କ୍ରାଇମ ଡ୍ରାମା ୱେବ୍ ଶୋ’ 'କୋଡ୍ ଏମ୍'ରେ ଶେଷ ଥର ପାଇଁ ଦେଖିବାକୁ ମିଳିଥିଲା । ଏହି ସିରିଜରେ ତନୁଜ ବିରୱାନୀ, ଆଲେଖ କପୁର, ରଜତ କପୁର ଏବଂ ମଧୁରିମା ରୟଙ୍କ ପରି ଅଭିନେତା ସାମିଲ ହୋଇଥିଲେ। ଏବେ ଅଭିନେତ୍ରୀ ଅନିରୁଦ୍ଧ ରାଡେରକର ଏବଂ କରଣ ୱାହିଙ୍କ ସହିତ ପୁଣିଥରେ କାମ କରିବାକୁ ଉତ୍ସାହିତ ଅଛନ୍ତି । ଜେନିଫର୍ ୱିଙ୍ଗେଟ୍ ଏବଂ କରଣ ୱାହିଙ୍କ ସହ ରିମ ଶେଖ ମଧ୍ୟ ଏହି ସିରିଜର ଏକ ଅଂଶ ହେବେ। ଏହି ସିରିଜ ଦୁଇ ଭଉଣୀଙ୍କ ପ୍ରେମ କାହାଣୀ ଉପରେ ଆଧାରିତ ହେବ।
