ପ୍ରମୂଖ ଖବର
  • ଓଡିଶା ବିଧାନସଭାକୁ ମିଳିଲା ନୂଆ ବାଚସ୍ପତି, ରଣପୁର ବିଧାୟିକା ସୁରମା ପାଢ଼ୀ ହେଲେ ବାଚସ୍ପତି
  • ||
  • ତୀର୍ଥଯାତ୍ରୀ ବସ ଉପରକୁ ଆତଙ୍କୀ ହମଲା ଘଟଣା, ଅଭିଯୁକ୍ତ ଗିରଫ
  • ||
  • ବିଶ୍ୱକପ୍‌ର ସୁପର-୮ ରାଉଣ୍ଡ୍‌: ଟିମ୍‌ ଇଣ୍ଡିଆ ପାଇଁ ଆଫଗାନ ସ୍ପିନ୍‌ ଚ୍ୟାଲେଞ୍ଜ, ଫୋକସ୍‌ରେ କୋହଲିଙ୍କ ଫର୍ମ
  • ||
  • ପଟିଆ ଛକ ନିକଟ ଲକି ଇଣ୍ଡିଆ ଆପାର୍ଟମେଣ୍ଟରେ ଅଗ୍ନିକାଣ୍ଡ, ଦୀର୍ଘ ଘଣ୍ଟା ପରେ ନିଆଁକୁ ଆୟତ୍ତ କଲା ଅଗ୍ନିଶମ ବାହିନୀ
  • ||
  • ବାଲେଶ୍ୱରରେ ସୁଧୁରୁଛି ସ୍ଥିତି: ସକାଳୁ କର୍ଫ୍ୟୁ କୋହଳ, ୧୧ଟା ସୁଦ୍ଧା କାମ ସାରି ଘରକୁ ଫେରିବାକୁ ନିବେଦନ
  • ||
  • ୨୭ରେ ଉତ୍ତର ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ସମ୍ଭାବନା, ପ୍ରବଳ ବର୍ଷିବ: ମାଲକାନଗିରିରେ ମୌସୁମୀ ସକ୍ରିୟ
  • ||

ମା ଏବଂ ତିନିବର୍ଷ ପୁଅର ହତ୍ୟାକାଣ୍ଡ ଘଟଣାରେ ସ୍ୱାମୀ ଓ ଶାଶୁକୁ ଆଜୀବନ କାରାଦଣ୍ଡ

ଖୋର୍ଦ୍ଧା ୧୮/୧୧ : ୨୦୧୫ ମସିହା ଜୁଲାଇ ୨୫ ତାରିଖରେ ମା ଓ ୩ ବର୍ଷର କୁନି ପୁଅ ହତ୍ୟା ଘଟଣାରେ ରାୟ ପ୍ରକାଶ କରିଛନ୍ତି ଅତିରିକ୍ତ ଜିଲା ଦୌରା ଜଜ୍ ଅଜୟ କୁମାର ପ୍ରଧାନ । ଏହି ଘଟଣାରେ ତିନି ଜଣ ଅଭିଯୁକ୍ତ ଥିବା ବେଳେ କୋର୍ଟ ମୃତ ମାମି ପ୍ରଧାନଙ୍କ ସ୍ୱାମୀ ତପନ ପ୍ରଧାନ ଓ ଶାଶୁ ପ୍ରମିଳା ପ୍ରଧାନଙ୍କୁ ଆଜୀବନ କାରାଦଣ୍ଡ ଆଦେଶ ଦେବା ସହ ୧୦ ହଜାର ଟଙ୍କା ଜୋରିମାନା ଆଦେଶ ଦେଇଛନ୍ତି । ଜୋରିମାନା ଅନାଦେୟ ହେଲେ ଅତିରିକ୍ତ ୬ ମାସ ଜେଲ ଦଣ୍ଡ ଶୁଣାଇଛନ୍ତି । 

ସୂଚନା ଅନୁଯାୟୀ ଜଟଣୀ ଥାନା ଅନ୍ତର୍ଗତ ବଡତୋଟା ପଞ୍ଚାୟତ ବେଲପଡା ଗ୍ରାମର ନରେନ୍ଦ୍ର ଜେନାଙ୍କ ଝିଅ ମାମି ପ୍ରଧାନ ନିରାକାରପୁର ଥାନା ଅନ୍ତର୍ଗତ ମୋରାମୋରି ଗ୍ରାମର ଦିବାକର ପ୍ରଧାନଙ୍କ ପୁଅ ତପନ ପ୍ରଧାନଙ୍କୁ ହିନ୍ଦୁ ରୀତିନୀତିରେ ବିବାହ କରିଥିଲେ । ବିବାହ ସମୟରେ କନ୍ୟାଘର ପକ୍ଷରୁ ୪୦ ହଜାର ଟଙ୍କା, ସୁନା ଏବଂ ଅନ୍ୟାନ୍ୟ ଅସବାପତ୍ର ପ୍ରଦାନ କରାଯାଇଥିଲା । ପ୍ରାୟ ତିନିବର୍ଷ ଧରି ମାମିର ଦାମ୍ପତ୍ୟ ଜୀବନ ହସ ଖୁସିରେ କଟିଥିବା ବେଳେ ତାଙ୍କର ଏକ ପୁଅ ଜନ୍ମ ହୋଇଥିଲା । ମାତ୍ର ୨୦୧୫ ମସିହା ଜୁଲାଇ ମାସ ୨୫ ତାରିଖରେ ମୋରାମୋରି ଗ୍ରାମର ଆମ୍ବ ତୋଟାରେ ମାମି ଏବଂ ତାର ୩ ବର୍ଷର ପୁଅର ଝୁଲନ୍ତା ମୃତଦେହ ନିରାକାରପୁର ପୋଲିସ ଜବତ କରିଥିଲା । ଘଟଣା ପରେ ମୃତ ମାମିର ବାପା ନରେନ୍ଦ୍ର ନିରାକାରପୁର ଥାନାରେ ଝିଅ ଏବଂ ନାତୀଙ୍କୁ ଜ୍ୱାଇଁ ତପନ, ଦିଅର ତରୁଣ ଏବଂ ଶାଶୁ ପ୍ରମିଳା ପ୍ରଧାନ ହତ୍ୟା କରିଥିବା ନେଇ ଅଭିଯୋଗ କରିଥିଲେ । ପୋଲିସ ଏହି ଘଟଣାରେ 87/2015ରେ ହତ୍ୟା ମାମଲା ରୁଜୁକରି ତଦନ୍ତ କରିଥିଲା । ଏହି ଘଟଣାରେ ଶାଶୁ ଏବଂ ସ୍ୱାମୀ ଗିରଫ ହୋଇଥିବା ବେଳେ ଦିଅର ତରୁଣକୁ ପୋଲିସ ଏପର୍ଯ୍ୟନ୍ତ ଧରିବାରେ ବିଫଳ ହୋଇଛି । ଆଜି ଏହି ଘଟଣାରେ ରାୟ ପ୍ରକାଶ ପାଇଛି । ମାମଲାକୁ ସରକାରଙ୍କ ପକ୍ଷରୁ ପିପି ରଜନୀକାନ୍ତ ପଟନାୟକ ପରିଚାଳନା କରୁଥିଲେ । 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.